ISAI 48:20 - PATHIAN LEKHABU THIANGTHO (BSI)

²⁰ Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

ISAI 48:20 ပူးပေါင်းရင်းမြစ်များ

2 SAMUEL 7:23

La mipi Israelte tawhbang kua dang a um em? Lei chung ah kua nam le a Pathian, amau hukdok ding ah pui huai, ama min ding ah kisiam thil lopi leh tizat um takte bawl piak, amau â ding ah nam dangte leh a pathianteu nawdaw piak kua a um ah a hem?

EZRA 2:1

Zia a nuai ah haw hi Babulon ah Lengpa Nebukadnezar in Judai gam ah Jerusalem khua kipat Babulon lam ah a la puimangte chu a hiuah; amau khua chiat leh Jerusalem leh Judai gam lam ah chiakitte chu a hiu hi.

SAM 126:1

Lalpa‘n Zion vângphatna pia’, a tundin kit lai ah khan, mang lam ah matte gual mai kha I hiu a.

ISAI 12:1

Zia ni phat chuleh, zia gual hin hun gen ta’n la: Aw Lalpa, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

ISAI 12:4

chuleh, zia ni phat chuleh, zia gual hin hun gen ta’n lau: Lalpa kiang ah kipak thu gen unla, a min chu ko un; nam tinte kiang in a thilbawl hiatsak unla, a min chu choisân in a um tai, ti tâklang tau in.

ISAI 24:14

Aw ngai tak in kipak in La a hun sau a, Lalpa lopina chu tumlam ah kipat in a hun pâk ui.

ISAI 26:1

Zia ni phat chuleh, Judah gam ah zia La hi sak hunghita’n a: Khawpi det tak I nei ui; gual zaw’na chu kulbâng leh khawpi ûmna gual in a siam hi.

ISAI 42:10

Lalpa pâk in La thak sau inla, kawlkil langkhat lam ah kipat, a langkhat lam tiang in pâk tau in! Tuisuagiat leh a sung ah chêng zosia, tuikual gam leh a sung ah chêng zosia’n le, a awu sua chiat tau hen.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

ISAI 48:6

La he suak ta’n; tu’hin zia zosia hi en ah, puangdok lo ding la hi em? Tu’hun ah kipat hin zia thil thak, la la het khâk lo thil kisêlgute chu, hun hiatsak pan ding ka hi tai.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 51:14

Tawden ah umte chu kin tak ah thâdok in, hung um intiu in; amau chu thi in, mithi khua’n lut suk pua’n tiu in, nêk ding an le tasam ngai pua’n au.

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 52:11

Hung pawt un, hung pawtdok unla, zia kipat chun hung pawtdok un! Nanghaw Lalpa bêl thiangtho, pua tawl tawl ah pangte haw, thilbuak chu khoikha kiu in; a lak ua kipat hung pawtdok unla, kihi’thiangtho un.

ISAI 52:9

Nanghaw hisiat ah um ta Jerusalem ah umte haw, kipak ah La sa’n hung kikodok tau in; Lalpa‘n a mite a thamuan in, Jerusalem chu a hukdok kit tai.

ISAI 62:11

Ngai un, Lalpa‘n kawl kîmvêl tiang ah mite kiang in, zia thu hi a puang jak tai: Zion chanu kiang in zia gual hin gen un: “Ngai in, la hukdamna a hung tung tai; ngai in, a kipakman chu a chawi in, nasep man ah a piak ding chule, a ma-âng in a um hi,” ti in.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

JEREMIAH 31:10

Aw, nam tinte haw, Lalpa thu hi a la ngai unla, gamla tak ah tuisuagiat pangjulte ah chun zia gual hin genjak un: “Israelte a la thejakpa ma ma chun, hun pui khawm kit ding ahi; belampu’n a belam honte a chintup gual in, chingtup zing ta’n a,” ti in.

JEREMIAH 31:11

Lalpa‘n Jakob chu a tandok ta’n, amau sâng ah hatzaw te khut ah kipat in, a hukdok tai.

JEREMIAH 31:21

Lamlian tepte’na leh lamkawk kisiam unla, la chianau lamthuampi leh, lamlian haw chu ngaitua phau in. Aw, nungak thiangtho Israel, hung kit inla, zia la khawpite lam hi zuan in hung kit ta’n.

JEREMIAH 50:2

Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

JEREMIAH 50:28

Ngai un! Lalpa I Pathian un Tempul chung thu ah a phuba lâkna thu, Zion ah taklang dingin Babulon gam ah kipat in gâljam leh vâkvaite chu a hung ui.

JEREMIAH 50:8

Babulon ah kipat taidok unla, Kaldaite gam ah kipat tai mang un la, kêl hon lak ah a chal a malat gual in, a taidok tau in.

JEREMIAH 51:45

Ka mipite haw, a sung ah kipat hung pawtdok un! Lalpa lungnatna huaisia tak lak ah kipat, mitin in la bitna ding chiat uh kihawl tau in!

JEREMIAH 51:48

Ziaphat chuleh, van lamte leh lei ah um zosia’n, Babulon pûkna kipakpi in kiko veng vung ta’n au; mallam ah kipat in amau susia dingte chu, hung kuan ding ahi ngâl un, Lalpa‘n a tii.

JEREMIAH 51:6

La hinna ding chiat uh kingaituau inla, Babulon khua sung ah kipat in jamdok kin un! Lalpa phuba lâk hun a hiziak in, a gitlonau ziakin nanghaw mangthai khawm kiu in; amau bawldan tawh kigûn in a thukna a piai.

ZEKARIAH 10:8

Amau hun ko in, pui khawm ing ka; amau ka hukdawsa ahi ngâl un, tu’ma lam ah a tam lai gual un, tam tak hung hi kit ta’n au.

ZEKARIAH 2:10

Aw Zion chanu, lim in La sa’n! Ngai in, la kiang ah chêng ding ah hung ding ka hi’ngal a, Lalpa‘n a tii.

DAN LEKHABU 30:4

Kawlkawdong tiang ah thejak ah um hiziangleu chinle, Lalpa la Pathian un, zia kipat chun hun kaikhawm kit in, hun pui kit tho tho ding ahi.

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

THUPUAN 18:4

Chun, van lam ah kipat aw dang khat ka he kit a: “Ka mite haw, ama ah kipat hung pawt unla, a gitlonate ah la pankhâk lona ding leh, a chung ah gawtna chu la chan lona ding un, a hun tia.