ISAI 48:18 - PATHIAN LEKHABU THIANGTHO (BSI)

¹⁸ Ka thupiakte kha a la ngaisak hitama lechin aw! La vangphatna chu luipi luang gual leh, la lawtinna chule tuisuagiat kinawk gual in um ta’n tin;

ISAI 48:18 ပူးပေါင်းရင်းမြစ်များ

SAM 119:165

La dan ngaina mite chun, thamuanna nasa tak a nei ui; bangma’n a kipal pûksak thei puai.

SAM 36:8

La In sung hausakna a nopchên un, la kipakna lui ah chun a dawn ding uh la pia’n.

ISAI 33:21

Ziaziakchun, lopi tak ah um Lalpa chu, mêlmate pum jap thaw leh, long thupi takte’n a haw khak lo, ei uh â ding ah luipi leh, lui lian tak umna gam lian tak hung hita’n a.

ISAI 42:24

Jakob chu kua’n gâl hing ah mat ding ah pia’n, Israel chu suammangte khut ah kua’n a la piak a hem? A chung ah I la gitlonau, a lampi I zui tâk lo uh, a dan le I la zop tâk lo uh, Lalpa chu hilo a hem?

ISAI 45:8

Aw vante haw, chung lam ah kipat in hung zu tau in, van dumte chunle dikna hun zuksak tau in; lei hung kihong hen la, hukdamna chu hung pawtdok ta hen; chuleh, dikna chule hun kêdaw sak ta hen; Keima Lalpa hin ka la siam ahi.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

ISAI 61:11

Lei in thâihing a kêdawsak ah, huan ah thâichi kitû a kêdaw sak gual in, Lalpa Pathian in nam tinte ma-âng in, dikna leh choihoina chu hun kêdawsak ding ahi.

ISAI 62:1

A dik zia sûn lai gual ah a hung vâkdaw a, a hukdamna le thaumei kuang tak gual ah a hung vak masangsia chu, Zion ziakin thip hiat hiat pua’ng ka tin, Jerusalem ziakin kichawl hiat hiat thei pua’ng ka.

ISAI 66:12

Zia gual hin Lalpa‘n a tii: Ngaitia, a chung ah vangphatna chu, lui gual in hun luan jaksak ing ka tin; namtin hausakna chu lui luanglet gual in, hung luang lut ta’n tin; nawi gual in chêp ta’n la tin, nang hun enkol ah a khut ah hun pâi in, a khup chung ah kichopsak in um ta’n la.

HOSEA 10:12

Dikna nang uh â dingin kituu inla, ja’ngaina ât tau in; la pâmtûl lou uh kikhet nêl tau in; Lalpa chu a hung ah, la chung ua dikna gua a zuk sak theina dingin, ama chu hawl hun ahi.

AMOS 5:24

Ahi’n, vaihawmna dik tui gual in luansak unla; diktatna chu lui tui luang let gual in.

MATTHAI 23:37

Aw Jerusalem, Jerusalem, Jawlneite thattu leh la kiang ah hun kisawlte suang ah a la seplumte! Jawlneite a la that a! Âkpi’n a note a tha nuai ah a awp khum sek gual in bang vei jat ahi tam, ke’n le awp khum ding ka guat hi; himaleh, la nuam puau hi.

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.

DAN LEKHABU 32:29

Pilna nei hileu vang, zia hi hechian ta’n au; bang gual ah hung tawp ding a hem, ti ngaitua ta’n au.

DAN LEKHABU 5:29

Zia gual lungthim chu pu zing hita maleu chu ei lau zing intiu in, ka thupiak zosia chule zawm intiu in; tichun, amau leh a chateu â dingin kumkhua’n pha’n tin, lamzang ding hi ve un aw!