ISAI 48:17 - PATHIAN LEKHABU THIANGTHO (BSI)

¹⁷ Nangma hun Tanpa, Israel Mithiangtho, Lalpa chun zia gual hin a gen hi: Keima hi Lalpa la Pathian, la phatna ding ah hun hilpa, la chiana lampi hun kaibâtpa chu ka hi.

ISAI 48:17 ပူးပေါင်းရင်းမြစ်များ

THILSIAM THU 24:48

Chuleh, ka lu kûn in Lalpa chu chibai ka bûk ta’n; Lalpa, ka pu Abraham Pathian, ka pu unaupa chanu, a chapa ji ah neisak ding ah lampi dik ah ei puipa chu ka chawihoi ta ahi.

1 LENGTE 8:36

van ah la ngaitha’n la, la suakte leh la mi Israelte ngaidam inla, a zui ding ua lampi pha hil in; chuleh, a golua ding ua la mipi la piak, la gam ah gua hun pia’n.

JOB LEKHABU 36:22

Ngai in, Pathian chu, a thilhitheina ziak ah choisa’n ahi’n, ama tawhbang zilsaktu kua’hem um?

SAM 25:12

Lalpa lau mi chu kua a hem? Zia mite lampi zui ding chu hil in a.

SAM 32:8

La chiana ding lampi chu hun kawk mu in, hun hil ing ka tin; ka mit ah hun entha zing in, lem hun guat piak ding ka hi.

SAM 71:17

Aw Pathian, ka khangdawn lai ah kipat in lei hil ta hen; tu’tiang hin la thilbawl mak takte chu, ka puangjak zing nalai hi.

SAM 73:24

La lemhiatna’n ei pui inla, zia nung chuleh lopina’n ei la lop ding la hi.

ISAI 2:3

Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

ISAI 28:9

Hetthiamna chu kua a hil guat a, a thu chu kua kiang ah a hilchian guat a hita diam, nawichep hâi pan pante leh, nawichep lai kikaithate kiang ah maw?

ISAI 30:20

Lalpa‘n kihuatna vaithum leh, sukgentheina tui hun pe maleh, la zilsakpau chun hun kisêlmangsan ta pua’n tin, la mit un la zilsakpau chu mu zaw ta’n lau.

ISAI 30:21

Chuleh, la changlam a hem la veilam a hem ah la kiheina’n, la nung lam ah thu kigen la nakhang in hia’n tin, “Zia lam hi ahi a lampi, zia lam hi haw in,” ti in.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 43:14

Lalpa, nanghaw Tandokpa, Israel Mithiangtho chun: Nangmau ziakin Babulon ah mi sawl ing ka tin, a khawpi kul zosiau hisia’n, Kaldaite limna husa chu Kâ La’n theng ding ka hi.

ISAI 43:16

Tuisuagiat lak ah lamlian siam ah, tui hat tak lak ah lampi siampa,

ISAI 45:11

Lalpa, Israel Mithiangtho leh, amau Siampa chun zia gual hin a gen hi: Ka chate chungchâng thu leh, ka bawl ding leh bawl lo ding thu in, hung kikum ding la hem?

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 49:7

Israelte Tandokpa leh a Mithiangtho, nam tinte musit leh ki’dak ah um, vaihawmte suakpa Lalpa chun zia gual hin a gen hi: “Lengte’n la pawtdok uh mu’n dingdok intiu in, lalte’n hun mu’n, la ma’n bokkhup in au. Lalpa ginum leh, Israel Mithiangthopa’n nang uh, hun têldokpa ziakin,” ti in.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

ISAI 54:8

Ka lungnatna huaisia tak ziakin, chomkhat ka hun kisêl mangsan ah; maleh, kumtuang hepina ziakin, hun lainat zing ta’ng ka, ti’n Lalpa, nangma hun Tanpa chun a gen hi.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

MIKAH 4:2

nam tam takte hung khawm in, “Hung un, Lalpa tâng tiang in, Jakob Pathian In ah chia to hitiu; a lampite chu I zuitheina ding leh, a lampi chanchin ei hiltheina dingin,” ti’n au. Zion ah kipat in gitlona hung pawt in, Jerusalem ah kipat in, Lalpa thu hung pawt ding ahi ngal a.

JOHAN 6:45

Jawlneite Lekhabu khan, ‘Amau haw chu Pathian hil in um in au,’ ti’n zik ahi. Ziaziakchun, mitin Pa thu he ah, zil taphot chu ka kiang in a hung sek ui.

EPHESA 4:21

Thutak chu Jesu ah a um in, a thu he ah ama ah thuhil ah um la hita ngal un.

JOSHUA 3:4

zia lampi chu zui kha lo lai la hiziak un, la chiana ding uh lampi la hiattheina ding un. Ahi’n la, amau tawh la kikâl uh tong sang ni ah kikâk ahi zing ding ahi; zia sâng ah naizaw ah chun la zui lo diu ahi,” ti’n thu a piau a.