ISAI 48:12 - PATHIAN LEKHABU THIANGTHO (BSI)

¹² Aw Jakob, ka têlchuam Israel, a la ngai tiam in: Keima hi ama chu ka hi’n, a masa pen ka la hi’n, a nunung pen le ka hi.

ISAI 48:12 ပူးပေါင်းရင်းမြစ်များ

THUPILTE 7:24

Tu’hin, ka chate haw, ka thugen hi ngai phau inla, ka kam ah thupawtte hi awi tau in.

THUPILTE 8:32

Tu’hin chu ka chate haw, ka thugen hi a la ngai un: ka hilna lampi hawte chu mi vangpha a hiu.

ISAI 34:1

Nanghaw, namtinte leh mipite haw, ei hun nai unla, ngai un! Lei leh a sung lua dim zosia’n ngai uh hen la, khawvel leh ama ah piang zosia’n le ngaitha tau hen.

ISAI 40:26

La mit uh te sâng unla, en tiam un; zia zosia chu kua siam a hem? Amau siampa chun aksi honte a mal mal in a tiam ah, a min chiat un a ko hi; a hat ma ma ziak leh, a thilhitheina chungnun ziakin, pakhat chale a hi’khial puai.

ISAI 41:4

Zia chu kua’n a bawl, kua’n a la guanggal ah, a tîl ah kipat khang tam tak hun kodokpa chu kua a hem? Keima, Lalpa hi a masa pen ah umpa leh, a nunung pen ah le pang ding ka hi.

ISAI 43:10

Nanghaw hi ei hiatpite chu la hiu a, ka nasemtu ka hun têldaw la hiu a, keima hi lei hun het ua, lei taksan theina ding uh leh, ama chu Keima hi ka hi ti, lei hetchianna ding un, Lalpa‘n a ti ahi. Ka masang ah hin pathian khat chale, siam a la um pua’n, ka nung inle um diak lo ding ahi.

ISAI 43:11

Kei, Keima hi Lalpa chu ka hi, Keima tilo ngal hukdampa dang a um puai.

ISAI 44:1

Tu’hin, aw Jakob ka suakpa, Israel, ka mi têlchuam chun zia hi ngai un!

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

ISAI 46:3

Ka gil ah ga, keima gilpi ah piang, nanghaw Israel Inkuan lak ah a thibang sunte haw, aw Jakob Inkuan ah mite haw, ka thugen hi a la ngai unla,

ISAI 46:4

la têk nung ua, la samkân tiang unle, hun som ding chu Keima hi ka hi. Ka siamsa la hiu ah, hun enkol zing ding ka hi’n, hun pua’ng ka tin, hun hukdam ding ka hi.

ISAI 49:1

Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

ISAI 51:1

Nanghaw dikna del ah, Lalpa hawlte haw; ka thugen hi a la ngai un. Khuak daw ah la umnau suangpi en unla, chawdaw la hi’nau khûk chu en un.

ISAI 51:4

Ka mipite haw, ka thugen ngai unla, ka nam têlte haw, ei ngaisak tiam un; keima ah kipat in kihilna hung pawt intin, ka vaihawmna thu le mi tinte salvâk dingin, hung pawt in a.

ISAI 51:7

Nanghaw a dik hete haw, ka hilna thu lungthim ah vopte haw, ngai un; midangte hun vauna chu lau kiu inla, a hun engho lai unle lungthuai kiu in.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

MATTHAI 20:16

Tichun, a nunungle hung masa’n tin, a masale hung nunung in au, a tia.

ROMTE 1:6

Ziate lak ah chun nangmaule, Jesu Khrista’n a hun kote chu la hiu.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

1 KORINTH 1:24

Himaleh, Judate hi’n, Grikte hileule, ko ah umte â ding in Khrista chu Pathian thilhitheina leh Pathian pilna ahi.

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

THUPUAN 1:11

La thil mute chu lekhabu sun inla, kochuam pasagite kiang ah thot in: Ephesa, Smurna, Pergamum, Thuatira, Sardis, Philadelphia leh Laodikia khuate ah, a ti ka hia’n.

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi:

THUPUAN 22:13

Kei Alpha leh Omega, a masa pen leh a nunung pen, a bul leh a tawp chu ka hi.