ISAI 48:11 - PATHIAN LEKHABU THIANGTHO (BSI)

¹¹ Ka min ziakin, keima min ziak bep in, zia gual chun ka bawl hi; ka min chu polche tak ah umsak ding ka hia a hem? Ka lopina hi midang kiang ah pelo ding ka hi.

ISAI 48:11 ပူးပေါင်းရင်းမြစ်များ

SAM 106:8

A chuti sapi’nle, ama min ziakin, a la hukhing nalai a, a thilhitheina lopi tak chu, a hetsak theina dingin.

SAM 115:1

Aw Lalpa, keimau hi zaw lo in, keimau ngei hilo in, la hepina chuai lo leh la ja umna ziakin, la min chu lopina pia zaw ta’n.

SAM 25:11

Aw Lalpa, la min ziakin ka gitlona ngaidam in, ka gitlona a huaisia ngal a.

SAM 25:7

Ka khangdawng lai gitlonate leh, ka hi’khelnate chu hezing kin la; aw Lalpa, la phatna leh, la ngilneina ziakin ei hezing ta’n!

ISAI 37:35

Keima ziak leh ka suak David ziakin, zia khawpi hi vêng in, humbit ding ka hi’ngal ah, ti in.

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

ISAI 48:5

A tîl ah kipat khan ka tâklang ta’n, a hung tun masang khan ka hun hil ta kha lam, “Ka milimte thilbawl ahi’n, ka milim siam leh sunthawte thupiak ah tung ahi,” la ti lona ding in.

ISAI 48:9

Keima min ziakin ka lungnatna chu, ka tutâng tadi in, nangma ka hun paithâk lona ding in, la chung ah pâkchatna ka law khâk leh ti’n, ka kisûm tadi ahi.

ISAI 52:5

Tu’hin, a ziak leh jal umlo ah ka mipite chu puimang a hiu ti ka mu ziakin, bang hun bawl ding ka hi diam, Lalpa chun a ti ta ahi. A chung ua vaihawmte chun ki-uang tak ah chawl lo in, sûn nitum tum in, ka min a gensiau hi, Lalpa‘n a tii.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

EZEKIEL 20:14

Himaleh, zia gual chun ka la bawl nuam ta puai, amau ka puidaw a la mu nam zosiate mit mu ah, ka min siatlo’na dingin ka bawl zaw tai.

EZEKIEL 20:22

Himaleh, zia gual chun ka la bawl nuam ta puai, amau ka la puidaw a la mu, nam zosiate mit mu ah, ka min siatlona dingin ka bawl zaw tai.

EZEKIEL 20:39

Aw Israel mipite haw, ka thu la ngai lo ding vânglak uh leh, tu’ kipat hin chiau inla, mitin in la milimteu ho mai tau in; ahi’n la, la thilpiakteu leh la milimteu in ka min hi’buak ta kiu in.

EZEKIEL 20:44

Aw Israel mipite haw, la thilbawl uh phalote leh la dukdak lonau dungzui hilo in, ka min ziak ah ka hun gawt phat leh, Keima Lalpa ka hi ti hun he ta’n lau, Lalpa Pathian in a tii.

EZEKIEL 20:9

Himaleh, a umnau Aigupta mite zosia het ah amau puidok ding ti ka la kihiatsak tâk ziakin, a mit muu ah ka min gensiat a hilona dingin, a mit mu ngei in amau ka la puidok tai.

EZEKIEL 36:22

Ziaziakchun, Israel Inkuante kiang in, Lalpa Pathian in zia gual hin a gen hi, ti’n la: Aw Israel Inkuante haw, ka thil hun bawl guat hi nanghaw ziak hilo in, la chianau taphot ah namtin lak ah la subuak uh, ka min thiangtho ziakin ahi zaw’n.

DANIAL 9:17

Ziaziakchun, tu’hin aw ka Pathian uh, la suakpa pauchapna leh dotna hi ngaitha’n la, nangma Lalpa min ziakin nutsia ah umsa la mun thiangtho hi tungding kit ta’n.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

ROMTE 2:24

“Nangmau ziakin Pathian min chu, Jentelte lak ah sukminsiat in a um tai,” ti zik gual ah khan.

1 SAMUEL 12:22

A ziak chu, Lalpa‘n amin lopi tak ziak ah chun a mipite pâmpai ziang lo ding ahi, a ziak chu, Lalpa‘n a lung lam hi ding in a mipite hi a siam ahi.