ISAI 48:1 - PATHIAN LEKHABU THIANGTHO (BSI)

¹ Aw Jakob Inkuan, Israel min ah kikote, Judah khâlbe’ kipat piangte haw, ngai un: Nangmau dikna ziak leh thutak ziak hilo in, Lalpa min ah kihâksial ta’n, Israel Pathian chu la ko ui.

ISAI 48:1 ပူးပေါင်းရင်းမြစ်များ

THILSIAM THU 32:28

Ama chun, “La min Jakob hita pua’n tin, Israel hizaw ta’n ah, Pathian tawh mihing la buan gêl ta’n, la thazo ta’ngal in,” a ti’n.

THILSIAM THU 35:10

Pathian chun Jakob kiang in, “La min Jakob ahi’n, la min chu Jakob hita pua’n tin, Israel hizaw ta’n a,” a ti tai. Tichun, a min chu Israel sak ahi tai.

2 LENGTE 17:34

Tu’ni tiang ah hinle, zia dan lui chu a zui nalai ua; Lalpa le a ho puau ah, Israel min a la putsakna pen uh Jakob kiang ah Lalpa thupiakte leh dante le a zui tak tak diak puau hi.

2 LENGTE 5:20

Himaleh, Naaman chu ama ah kipat gamla lo a chia zaw in, Pathian mi, Elisha suakpa Gehazi chun a lungthim in, “Ka pu’n zia Aram mi Naaman ah thilpiak haw chu la lo in bailam tak in a tha’suak ziang ta’n. Lalpa min sâl in, va nungdel ing ka tin, ama ah kipat bang hem khat bêk vala leng pha’n a,” a tia.

SAM 63:11

Lengpa vang Pathian ah lim intin; ama min ah kitiamna nei zosia chu, kipak intiu in; mi zuauthei te kam chu, hukbit in um ta’n a.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

SAM 68:26

“Kikhopnate ah chun Pathian pâk unla, Lalpa, nangma Israelte tuinâk ngei chu la hi!”.

SAM 68:27

A masa pen in Benjamin, a neu pen chu a hung in; a nung ah Judah miliante chu a lawm in; Zebulun leh a milianteu ban ah, Naphtali leh a milianteu.

PAWTDAWNA THU 23:13

La kiang ua ka gen zosia hi pha tak in ngai un; pathian dangte min him him sua ki’un la, la kam ua kipat in gitdawsak him him kiu in.

THUPILTE 5:16

La tuinâkte chu gamtin ah pût in, kotzing tin ah chun tui luang ding ahi nam?

ISAI 26:13

Aw Lalpa, ka Pathian uh, nangma tilo hotu dangte’n, ka chung un vai a hawm un, maleh, nang min bep suang ing kau.

ISAI 44:5

Mi khat in, “Lalpa â ka hi,” hun ti’n tin; midang khat chu Jakob min ah ko in hung um in au; midangte chun a khutbân un: “Lalpa â,” ti zik intiu in, Israel chu a nam min dingin hun mang ta’n au.

ISAI 45:23

“Khûp zosia ka ma-âng ah hung khiangkho intiu in, lei zosia le hung kitiam ta’n au,” ti’n keima ma’n thu ka la tiam ta’n, ka kam ah kipat thudik tak ka la gendawsa chu, a thawn in thumal khat le hung kile’kit lo ding ahi.

ISAI 46:12

Nanghaw mi lu’lul, hukdawna ding tawh kigamlatte haw, ka thugen hi a la ngai un:

ISAI 51:1

Nanghaw dikna del ah, Lalpa hawlte haw; ka thugen hi a la ngai un. Khuak daw ah la umnau suangpi en unla, chawdaw la hi’nau khûk chu en un.

ISAI 51:2

La pau Abraham chu en unla, a hun hingnu Sarah chule en un; ka la ko lai ah khan ama chu a chang ah um ahi’n, himaleh, ka maljawl ah, tam tak in ka siam tai.

ISAI 58:2

Ahi’n, amau chun nisi’n in ei hawl ngei un, ka lampi le a he nuam nau hi; dik tak ah bawl sek namte gual leh, a Pathian thuthung kihei mangsanlote gual in, dik tak in vaihawm in ei tiu a; Pathian nei le a nop lam uh ahi nai.

ISAI 62:8

Lalpa chun a khut changlam, a khutbân thahât suang in thu a tiam hi: “La sepgimnau ga chu la mêlmateu, nêk dingin pia ta pua’ng ka tin, la grep tuiteu chule gam dang mite’n, dawn kit ta pua’n au;

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

ISAI 65:16

Chutichun, zia leisiat ah maljawlna dawi taphot chun, dikna Pathian min in don hen la; chuleh, zia leisiat ah kihaksial taphot chun, dikna Pathian min in kihaksial ta hen; buaina masate kha hetmil a hita’n, ka mit ah mulo ding ah sêlmang ahi tai.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

JEREMIAH 44:26

Ziaziakchun, nanghaw Aigupta gam ah Judah mi umte haw, Lalpa thu hi ngai tiam un: Ngai un, Lalpa chu ama min ah kihaksial in, Aigupta gam ah chêng Judah mite chun, ‘Lalpa Pathian min in,’ ti in ka min hi sua kit him him ta pua’n au, Lalpa‘n a tii.

JEREMIAH 5:2

Lalpa min sal in kitiam sek maleu, zuau ah kitiamna bawl mai mai a hiu.

THIAMPUTE LEKHABU 19:12

Diklo tak ah ka min ah kitiam in, la Pathian min uh hi la hi’buak lo ding uh ahi: Keima hi Lalpa chu ka hi.

MIKAH 2:7

Israel mipite hi hânsia dong ah la bawl a hem? Lalpazaidaw zo lo a hita a hem? Zia gual tak ah chun bawl lawm lawm ding a hem? dik tak ah bawlte chu, nem tak in a kiang ua thu gen lo ding a hem?” a tiu a.

ZEPHANIAH 1:5

Inchung ah kipat aksi honte ho ah; Lalpa ho ah kitiam ah, Milkom pathian ah le kitiam ah,

ZEKARIAH 5:3

Tichun, ama’n, “Zia hi gam pumpi chung ah hânsia lêngdok chu ahi; kuale gucha taphot chu a lekhabu langkhat ah kizik gual in paithâk in um intin; chuleh, diklo tak ah kihaksial taphot chule a langkhat ah kiziksa gual ma’n sâtthâk in um in au.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

KISIMNA LEKHABU 24:7

A tuibêl ah kipat tui sungtha’n tin, a thâichite’n tui niang in a; a lal chu Agag sâng in thupi zaw’n tin, a lenggam le choisân hung hi’n a.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

JOHAN 1:47

Jesu’n a kiang lam zuan ah Nathanael hung chu a la mu in, a chung thu a la gen a, “En tiam un, Israel mi tak, zuauthepna neilo mi saw!” a tia.

JOHAN 4:24

Pathian chu Thagau ahi’n, ama ho dingte chun, thagau leh thutak in a ho diu ahi,” a tia.

ROMTE 2:17

Himaleh, nang chu Juda mi kiti la hileh, dan ah chun la kingak ah, Pathian ah la kisakthei a,

ROMTE 9:6

Himaleh Pathian thu chu a lawsam ahi diak puai. Israel suante zosia chu Israel ahi sik sek ziang puau hi.

ROMTE 9:8

Taksa dan ah chate chu, Pathian chate a hiziang puau ah; thutep chate bep chu a suante ah sim ahi zawu ti’na ahi.

DAN LEKHABU 10:20

Lalpa la Pathian uh la lau ding uh ahi’n; ama bep chu la biak ding uh, ama min bep la vop det ua, ama min bep in la kihaksial sek ding uh ahi.

DAN LEKHABU 33:28

Tichun, Israel chu bit tak in um intin, kuama sukbuailona mun ah, Jakob chênna mun chu, bu leh uain tamna gam, van daichîm in a chapnona mun chu ahi.

DAN LEKHABU 5:28

Ka kiang ah la thugen uh chu Lalpa‘n a hia’n; tichun, Lalpa‘n ka kiang in, “La kiang ah zia mipite thugen chu ka he tai; la kiang ah a thugen zosiau chu a dik hi.

DAN LEKHABU 6:13

Lalpa la Pathian uh chu lau unla, ama na bep sêm in, a min bep in kitiam sek un.

1 TIMOTHI 4:2

zia chu mi phalêmte juautheina ziakin ahi, amau chu a sia leh pha hetnau thîk âm ah bî piak gual a hiu in.

THUPUAN 2:9

La thil hi dante, la genthei dante leh la vaichâk dante (ahi’n la, la hausa nai) ka hun hia’i; Juda mi hilo ah ka hi hung kitite, Setan kikhopna In hizaw te hun gensiatna chule ka hia’i.

THUPUAN 3:9

Juda tak hilo pi, juau thu Juda kitite, Setan lawi kikhopna pangsekte kha ka hun pia ahi; amau hun sawl ing ka tin, la kengbul ah kûn sak ing ka, ka hun hepi dan hi a hetna ding un.