ISAI 47:8 - PATHIAN LEKHABU THIANGTHO (BSI)

⁸ Ziaziakchun, tu’hin ziate hi he ta’n, nang mi kinoptel leh bit kisa tak ah khawsa, la lungthim in: “Keima sâng ah lian kuama a um pua’n; meithâi gual in kichu pua’ng ka tin, ka chate le sûn pua’ng ka,” la ti’n.

ISAI 47:8 ပူးပေါင်းရင်းမြစ်များ

ISAI 14:14

sûmpite chung lam ah kal to in, Chungnung penpa gual ah um dingin kisiam ing ka,” ti’n la gêl a.

ISAI 32:11

Numei nuamsate haw, kithing unla, numei ngaisamte haw, kithing in, la nîk leh puan liptha’n, saidip puan chêng un.

ISAI 32:9

Tho un, nanghaw nuamsa tak ah um numeite haw, nanghaw thamuang tak ah um chanute haw, ka thugen hi a la ngai un.

ISAI 45:18

Vante Siampa, Pathian ngei chu! khawvel pumpi guanggal leh siampa, (ama’n a phudet ta’n; a thawn mai ah um ding ah siam lo in, chênna dingin a siam a.) Lalpa chun, Keima hi Lalpa chu ka hi’n, Keima tilo kuama dang a um puai, a ti ta’ngâl a.

ISAI 45:5

Keima hi Lalpa chu ka hi’n, a dang kuama a um puai; keima tilo ngâl Pathian dang a um puai. Ei helo malehchin le, keima’n gâlvan in ka hun thuam in,

ISAI 45:6

keima hi Lalpa chu ka hi’n, keima tilo ngâl kuama dang a um puai, ti hi nisuana lam ah kipat, a tumna lam tiang ah mite’n, a hettheina ding un.

ISAI 47:10

La nunsiatna chun bit la kisa’n, “Kuama’n ei mu puai,” la ti hen. La pilna leh la hetna’n a hun pui chavai zo ta’n; tichun, la lungthim in, “Keima sâng ah lianzaw kuama dang a um puai,” la ti hen.

JEREMIAH 49:31

Hung kipan unla, thamuang tak ah chêng, bit kisa ma ma, kul kotkhak le nei lo, kotkhak thikjawl le umlo ah, a chang ah chêng namte chu vado hitiu, Lalpa‘n a tii.

JEREMIAH 50:11

Aw, ka gochan bulu’te haw, kipak in lim maleu chinle, hampa selno lak ah bawngchal leh, sakol hat hâm gual in hâm malechin;

JEREMIAH 51:53

Babulon chu van chan ah kal sâng in, a kulbângte sâng tak in siamdet ma leh, ama susia dingte chu keima ah kipat in, a chung un tung ding ahi ngâl a, Lalpa‘n a tii.

EZEKIEL 16:49

La suapinu Sodom gitlona chu zia hi ahi: ama leh a chanute a kisathei un, nêk a pap un, a kinoptel un, genthei leh tasamte vang a ngaisak puau hi.

EZEKIEL 28:2

Tura lengpa kiang in, Lalpa Pathian in zia gual hin a gen hi, va ti’n: La lungthim in la kiletsak ah, “Pathian ka hi, pathiante chutna tuisuagiat lilai ah kichu ka hi,” la ti hen; pathian lungthim tawh kibang nei in kikoi malechin le, pathian hilo in mihing, a thi thei mai mai la hi nalai hi.

EZEKIEL 30:9

Ziaphat chuleh, kiging khol lo tak ah um Ethiopiate hilau ding in, long liante ah thangkote sawldok ing ka tin; Aiguptate vangsiat ni chun, a chung un lungngaina hung tung ta’n ah; zia ni chu a hung tung ngal a!

DANIAL 11:36

Lengpa chun a nop dan dan in bawl in a. Ama leh ama kichawisang intin, pathian zosia sâng ah lianzaw’n kingai intin, pathiante Pathian demna’n tizat um tak tak gendok in a. A chung ah lungnatna tunna ding huntiam a tun masia lawting ma ma intin; ahi’n, a thil tuak ding chu pumpel him him pua’n a.

DANIAL 4:22

aw lengpa, zia thing chu nangma la hi! La hung khanglian ah, la hat ma ma tai. La lopina sukpun ah um in van a supha hial ta’n, la lalna’nle kawlkîmvêl tiang a huap tai.

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

DANIAL 4:30

lengpa chun a lungthim in, “Zia Babulon khaw lopi tak hi, lengpa chênna ding ah ka thahâtna leh ka lalna thupi tak suklatna ding ah ka siamdaw hilo a hem?” ti’n a ngaitua a.

DANIAL 4:4

Keima, Nebukadnezar chu ka In sung ah nuamsa tak in ka chêng ah, ka lal In sung ah nei leh lam nuam tak ah chên in ka um a.

DANIAL 5:23

van ah Lalpa kãl in la kikoisang ta’ngal a! A tempul ah ûm leh bêlte chu la kiang in a hun lau ah, nang leh la milian leh lalte, la jite leh la thâikmte’n zu dawnna’n la mang tau a. Dangka leh sana, sum-eng, thîk, thing leh suang ah kisiam, bangma muthei lo, hethei lo pathiante chu la ho zaw tau a; himaleh, la hatna umna leh la lampi zosia kingakna Pathian chu la chawisâng nuam puai.

DANIAL 5:30

Zia jan ma ma chun, Lengpa Belshazzar chu tha in a um tai.

NAHUM 1:10

Linggui kiphanchak gual ah phanchak in a um tau in, zungolveite gual in a kham zo tau; bupawl keugawp mei in a kâttum gual in a um zo tau hi.

NAHUM 3:4

Zia chu nawchizuaknu mêlpha tak, dawithiamnu thanhuaina ziak ah namtin zuak mang, a dawithiamna ziak ah namtin zuak chavainu ziak ah, hung um chu ahi.

HABAKKUK 1:7

A lau um in, a tizat um ma mau a, a vaihawmnau leh a lopinau chu, amau ah kipat in a pawt hi.

ZEPHANIAH 2:15

A haw kha taphot in huaisia sa’n, a khut uh thin khum in: “Zia hi maw khawpi kichawisâng leh bit kisa ma ma ah, Keima bep ka hi, keima tawhbang khawpi dang a um puai,” ti chu! Bang gual bep ah hawm ah nutsia ah um in, gamsate chênna hung hi mai a tam!

2 THESSALONITE 2:4

Ama chun, mite’n Pathian ah a ngai taphot uh leh, mite biak taphot chu dodâl in, ama kichawisâng intin; tichun, Pathian tempul ah chun Pathian gual hial in kitungdok in a.

VAIHAWMTE 18:27

Dan mite chun Mikah khutsuak leh a thiampu chu kipui in, Laish khua gâl muang leh kuama muanmaw nei lo ah khawsa hiat hiat te chu chemjam ah that gam in, a khawpiu chule a hâl tum piak tau a.

VAIHAWMTE 18:7

Mi pangate chu a chia pek ua, Laish a hung tun phat un zia gam ah mite, nuamsa tak ah a khawsak dan uh, Sidonte gual ah gâl muang leh lauthonna neilo, tâksap le neilo leh hausa tak ah umte chu a vamu tau ah. Zia mai chule hilo in, Sidonte tawh a kigamla ma mau ah, chuleh, Aram mite tawh le kimatna bangma a nei puau hi.