ISAI 47:6 - PATHIAN LEKHABU THIANGTHO (BSI)

⁶ Ka mite chung ah lungna ka hi’n, ka gochante chu ka hi’buak zo tai; la khut in amau chu ka hun pia ta’n, ja’ngaina la la nei pua’n; têksete chu ngawngkol gik tak la puaksak tai.

ISAI 47:6 ပူးပေါင်းရင်းမြစ်များ

2 SAMUEL 24:14

Ziaphatchun, David in Gad kiang in, “Ka lung a buai ma ma tai; Lalpa khut in pûk lut zaw mai ing ka; ama chu hepina hau ahi ngâl ah; mihing khut in vang ka pûk lut nuam puai,” ti’n a dawnhu tai.

2 KHANGTHU 10:11

Ka pa khan la ngawngkol uh gik tak in a hun puaksak hi maw! Keima’n la puakgik uh chu hun belap piak nalai ding ka hi. Ka pa khan mi jepna mol in a hun vaw sek in; keima’n chu ainuvet hun pe’sak in, hun engbawl ding ka hi,’ ti’n gen in,” a tiu a.

2 KHANGTHU 28:9

Himaleh, a lak un Lalpa jawlnei pakhat a um ah, a min chu Oded ahi. Ama chu Samaria khawpi lam ah sepai hungte lamtua dingin a chia ah, a kiang un, “Judai gam ah mite chung ah Lalpa la pu leh pateu Pathian a lungnat ziakin, a hun zaw sak ta hen; himaleh, nang un thangtawm takah la thâgam thawmgit un van a thawng ta ahi.

2 KHANGTHU 36:17

Ziaziakchun, Kaldai lengte chu a puilût ah, amau chun a mun thiangtho ah chun a tangvalteu chu chemjam in a sat lum tau ah; tichun, tangval hi’n nungak hileu, teksia tawi zo talote hi ziangleu le, lainatna pang lo in a hun soisa tau hi; amau chu a leng un a khut ua a piak daw suak ahi tai.

2 KHANGTHU 36:20

Chemjam ah thi lo sunte chu Babulon lam ah a suak leh sal ding un a pui mang un; Persia lenggam a hung dindaw masangsia chu, a tu leh chateu tiang ah a suak un a pang tau hi.

EZRA 5:12

Himaleh, ka pu leh ka pateu in van Pathian a la suklungnat ziak un, Kaldai mi, Babulon Lengpa Nebukadnezar khut in a la pedok in, ama chun zia In hi susia’n, a gam mipite hile Babulon lam in a la pawmang ta’n.

SAM 69:26

Nang in la engbawl sate ma chu a hi’genthei un; la hi’liamte chu huaisia zaw diak in a engbawl ui.

ISAI 10:6

Pathian ngaisak lo namte do dingin, amau chu ka sawl in; ka lungnatna mipite chung ah, gâl lâk ah la ding leh vachom ah vasuam gam ah, khawlai buanthuak gual ah, vachuan chil dingin thu ka pia tai.

ISAI 13:16

A mit muu in a chasenteu khet tel hi’n tiu in, a In uh chomnâm hi’ntin, a jiteu tatsiatpi hita’n au.

ISAI 14:17

khawvel pumpi gamkeu suak sak ah, a khawpite hi’chim sik sek ah, a suangkul tângte a In lam ua, kile’kit sak ngailo kha?” ti in.

ISAI 14:6

lungna tak ah mite chawlnga lo ah a jepna lal tiang leh, gentheina tawp thuak ah namtin chung ah, lungdam tik nei lo ah vaihawmna tiang chu a hi’bong tai.

ISAI 43:28

Ziaziakchun, mun thiangtho ah, miliante chu ka hun hi’buak ta’n, Jakob chu siatna tuak dingin ka pedok ta’n; Israel chule mite daichâkvai dingin ka pedok ta ahi.

JEREMIAH 50:42

Thalpi leh cheicha a hun pan un, mi huham leh lainatna neilote a hiu. Aw Babulon chanu, nang hun do dingin, tuisuagiat kinawk gual ah husa nei, sakol chung ah chuang in, sepai hangsan, gâlkuan ding gual in a kisiam ui!

KÂ LATE 1:14

Ka bawsiatnate ziakin, ngawngkol tawh hêndên ka hi’n; a khut in ei kân khawm a; ka ngâwng ah bât in, ka tha zosia a ke tai; ka nan zaw lo dingte khut in, Lalpa‘n ei pedok tai.

KÂ LATE 1:21

Ei thamuantu ding umlo ziak ah, ka thûm dan a he ngâl un. Ka mêl huatte zosia’n, ka buaina a hechiat ui; zia hi nangma bawl ahi ti, a het ziak un a kipak ma mau hi. La puan tâksa ni ah chun tun sak inla. Keima tuak hi amau le tuak sak in

KÂ LATE 2:2

Lalpa‘n Jakob chênna zosia, lainatna pang lo in a susia tai; a lungnatna chun Judah chanu, kuldette chu a kaichim sik sek a; a lenggam leh a lengteu chu, lei tual tawh kikim in a kainiam in, a suminsia tai.

KÂ LATE 4:16

Lalpa ma ma’n amau chu a thejak ah, ngaisak ta pua’n a; thiampute zana a um ta pua’n, upate’n le doisakna a chang ta puau hi.

KÂ LATE 5:12

Leng chate chu khailup in a um un, upate mai ja’na le a um diak puai.

EZEKIEL 24:21

Israel Inkuante kiang ah, Lalpa Pathian in zia gual hin a gen hi: La kisuanpi, la mu nop pen leh la lunggil ah la ngainat pen, ka mun thiangtho chu subuak ding ka hi; chuleh, la chanu chapa la nutsiate chu chemjam in thi’n au.

EZEKIEL 28:16

La hung kiveipun ma ma phatin, hiamngamna nei in gitlona la hun bawl tai; tichun, Pathian tâng thiangtho ah kipat in, buaksia gual in ka hun paidok ta’n; chuleh, mei ah kuang suang lak ah kipat in, vengtu Cherubte’n a hun nawdok tau hi.

OBADIAH 1:10

La suapi Jakob la tha’na leh, a chung ah thagum la sua’na ziakin, zachâtna’n hun chup intin, kumkhua paithâk in um ta’n la.

OBADIAH 1:16

Ka tâng thiangtho ah la dawn tak gual ngei in, la kîmvêl ah namdang zosia’nle dawn in au; ahi, la dawn intiu in, zia gual chu a la dawn kha ngailo gual khop in, thol kut kut in au.

ZEKARIAH 1:12

Lalpa vansawlchâk in, “Aw sepai honte Lalpa, zia kum sawmsagi la lungnat khum, Jerusalem leh Judah khawpite ah kipat ja’ngaina bang chan tutâng nalai ding la hi em?” ti’n a hun dong a.

ZEKARIAH 1:15

chuleh, kinoptel tak ah um namte chung in ka lung a na ma ma hi; ka lungnatna neucha ahi lai in siatna huaisia zaw diak a hun bawl un.

MATTHAI 7:2

La gensiat gual mau in gensiat hi’n lau; la te’na ngai mau ah hun te’ piak kit in au.

DAN LEKHABU 28:50

têksete ja’na neilo leh khanglaite le doichuamna nei diak lo, mêl lau um tak namte hun sawl ding ahi.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.