ISAI 47:5 - PATHIAN LEKHABU THIANGTHO (BSI)

⁵ Aw Kaldai chanu, thipbek in kitung inla, thim lak zuan in, lenggamte chung ah lengnu hi talo ding la hi’ngâl a.

ISAI 47:5 ပူးပေါင်းရင်းမြစ်များ

SAM 31:17

Aw Lalpa, ei mualphosak kin la, ka hun ko ngal ah; mi nunsiate hi mualphosak inla, pau maw hial in Sheol lam zot sak ta’n.

SAM 46:10

“Thip hiat hiat unla, Pathian ka hi ti he tau in! Namtin lak ah chawihoi in um ta’ng ka tin, lei ah chawihoi in um ding ka hi,” a tii.

ISAI 13:10

Van ah aksite leh aksi honte chun a vâk uh sua ta pua’n au; jingkal nisale thim ta’n tin, thapi le vak ta pua’n a.

ISAI 14:23

Buibawng chênna gam leh tui kidîlna mun suaksak ing ka tin; siatna munphi’n phiatnâm ding ka hi, sepai honte Lalpa‘n a tii.

ISAI 14:4

zia gual hin Babulon lengpa chu êngho ta’n la: bangtidan ah mi tawden talo! bangtidan ah mi êngho talo!

ISAI 21:9

En tiam in, zia son sakol chung chuang sepaite a hung ui; a kop kop in sakol chung chuang gâldo mite, a hun ti’n, ama’n a hun dawnhu a. Gâlvêngpa ma ma chun: Babulon chu a pûk tai! A pûk tai! A sung ah a pathian lim zosia le, lei tual ah sêgawp in a um tai, a hun ti’n.

ISAI 23:2

Aw tuisuagiat pangjul ah chêngte haw, thip chil chel tau in! Aw Sidon ah sumkawlveite haw, tuisuagiat chung ah chia in,

ISAI 47:1

Babulon chanu, nungak thiangtho, hung suk inla, leivui lak in hung chu’n! Kaldai chanu, lalchutpha hilo, lei tual ah kitung in! Mi nuamsa leh tino’ ti hi talo ding la hi’ngâl a!

ISAI 47:7

Nang in, “Kumtuang ah lengnu hiding ka hi,” la ti ziakin, zia thilte chu la lungthim inle la la ngaitua kha pua’n, a tawpna ding uh le la he’pha diak puai.

JEREMIAH 25:10

Chuleh, a lak ua kipat limna husa, kipakna thil git leh mo neipa aw hihen la, mo nu aw hitaleh, buhêkna khawl git leh thaumei vakna zosia naw mang ta’ng ka.

JEREMIAH 8:14

Bang ding ah kichu hiat hiat I hiu em? Hung khawm unla, kul det nei khawpite chun lut hitiu in, zia chun vathi mang ziang hitiu. Lalpa chung ah I la gitlo tâk ziak un, Lalpa I Pathian un a thi mangthai ding ah ei koi a hita’i, I dawn ding un tui gu’ kisaw ei pia ta ahi.

KÂ LATE 1:1

Bang ding ah khawpi, mipi ah dim kha, thawmhau tak ah chu mai! Namte lak ah lopi tak ah um kha, bangtidan ah meithâi gual ah, hung um mai a ta’m! Gambung chung ah lengnu chu, Sia’mâng lakah khat gual bep in a um tai.

KÂ LATE 2:10

Zion chanu upate chu thipbek in, lei tual in a kichu tau a; a luchung uh leivui kibuakkhum in, saidip puan a sil ui; Jerusalem ah ngaklakte chun, a luu ah leisi’n a kikhâikhu zo tau hi.

HABAKKUK 2:20

Lalpa chu a ahileh tempul thiangtho in a um hi, lei chung ah mi zosia a âng ah thip chil chel tau hen!

ZEKARIAH 2:13

Mizosiate haw, Lalpa âng ah chun thip chil chel tau in, ama chu a mun thiangtho ah kipat in a hung thodok ta ahi.

JUDA 1:13

tuisuagiat kinawk phuan gual ah amau mualphona kilang leh, kumtuang ah thim nuai ah um ding ah kikhêk aksi sawmlêngte gual a hiu hi.

THUPUAN 17:18

Zia numei la mu hi khawpi lopi, lei ah lalte chung ah vaihawm chu ahi,” a ti’n.

THUPUAN 18:7

Ama leh ama a kichawisan leh, a kinoptel dungzui in sukgimna leh, lungngaina’n vuk unla, a lungthim in, ‘Lengnu’n ka kichu, meithâi ka hi pua hen, lungngaina nei pua’ng ka,’ a ti ziakin.

1 SAMUEL 2:9

A mi ginumte keng chu vêng tup intin, himaleh, mi nunsiate vang, thim lak ah paithâk in hung um in au; thagum hatna ziak mai in kuama’n, zaw’na a chang diak pawngâl ua.