ISAI 47:12 - PATHIAN LEKHABU THIANGTHO (BSI)

¹² La khangdawng lai ah kipat la bawl tâk, la âisân thiam leh dawithiamte zosia chu tuchak zing in, la hung lawtin khâk pal ah, la mêlmate la hilau thei khâk leh.

ISAI 47:12 ပူးပေါင်းရင်းမြစ်များ

SAM 129:1

Tu’hin, Israelte’n, “Ka khangdawng lai ah kipat in, tamveipi ei la soisa tau in,

PAWTDAWNA THU 7:11

Ziaphatchun, Pharaoh in a mipilte leh dawithiamte a ko khawm ah; chuleh, Aigupta gam ah mitvaidawi thiamte chun le a dawithiamnateu chu mang in zia gual ma chun a hun bawl tau a.

PAWTDAWNA THU 8:7

Ahi’n, dawithiamte’nle a dawi uh mang in zia gual ma chun a bawl ua; tichun, Aigupta gam sung ah chun ukêng a lênsak tau a.

PAWTDAWNA THU 9:11

Zia meimasia ziak ah chun dawithiamte chu Mosi âng ah chun a pang zo ta puau ah; meimasia chu dawithiamte leh Aigupta mite zosia chung ah chun a tung ta ngal a.

ISAI 19:3

Aigupta mite thil guanggal zosia, ka hisiat piak ding ziakin, a sung ua a thagau uh chu suadok piak ing ka; tichun, milimte leh mithisate, thithate leh dawi leh kaute hun dong ta’n au;

ISAI 44:25

milepchiate subuaitu, âisân thiamte hi’ngol ah, mipilte bangmalo suaksak ah, a hetnau hi’ngolpa chu ka hi’n;

ISAI 8:19

Tu’hin, mite’n la kiang un, “Thugen ah phun chul chul thithate leh âisân thiamte chu dong tau inla,” a hun ti phat uh leh, mite’n a Pathian uh dong zaw lo ding a hiu em? Kua’n mihing sâng ah mithi dong zaw ding a hem?

JEREMIAH 2:28

Ahileh, la pathian ding ah la kisiamte kha, khoilam tung zo a hitau em? La buaina kipat hun hukdok thei a hiu chun, hung kipanleu hiding a pom. Aw Judah, la khawpi jat ah tam, pathiante la nei uh hilo maw!

EZEKIEL 21:26

ziaziakchun, Lalpa Pathian in: La dialkop hawk inla, la lallukhuk liptha’n; a hisa gual in bangma um ta pua’n a. Kingainiamte chu chawisâng unla, miliante chu tawden in um tau hen.

DANIAL 2:11

Lengpa thil dot hivâng thil haksa ta lua ahi, mihingte lak ah um hilo pathiante lo’ngal in hedok thei pua’n au,” a tiu a.

DANIAL 2:2

Tichun, lengpa chun mitvaidawi thiamte, âisân thiamte, dawithiamte leh Kaldai mipilte chu lengpa mang hilchian dingin a ko khawmsak tai. A hung phat un, lengpa kiang in a hung ding tau a;

DANIAL 5:15

Zia lekha kizik hi sim ah, ei hilchian piak dingin, mipilte leh dawithiamte ka kiang in a hun pui khawm un; himaleh, zia thu hilchetna hi ei gen piak thei puau hi.

MIKAH 3:7

thiamgau kisate chu zakcha ta’n tiu in, âisân thiam kisate chule mualpho ta’n au; a leng un a mûk uh humbit ta’n au, Pathian in amau hun dawnhu talo ding ahi ngal a.

NAHUM 3:4

Zia chu nawchizuaknu mêlpha tak, dawithiamnu thanhuaina ziak ah namtin zuak mang, a dawithiamna ziak ah namtin zuak chavainu ziak ah, hung um chu ahi.

KISIMNA LEKHABU 22:25

Sabiltung in Lalpa vansawlchâk a mu phât in pal a baw ah, Balaam keng chu pal in a tatdên ta’n; tichun, a dithei in a jep tai.

THUPUAN 9:21

A tualthanau leh a dawi thil matteu, a tatsualnau leh a gukchaknateu le a haisan diak puau hi.