ISAI 47:10 - PATHIAN LEKHABU THIANGTHO (BSI)

¹⁰ La nunsiatna chun bit la kisa’n, “Kuama’n ei mu puai,” la ti hen. La pilna leh la hetna’n a hun pui chavai zo ta’n; tichun, la lungthim in, “Keima sâng ah lianzaw kuama dang a um puai,” la ti hen.

ISAI 47:10 ပူးပေါင်းရင်းမြစ်များ

SAM 10:11

A lungthim un, “Pathian in a hemil tai, a mai a sêlgûksan ah; mu ngai ngai talo ding ahi,” ti’n a ngaitua sek ui.

SAM 52:7

“Entia, Pathian kisêlna mang nuam lo a, ama hausakna muang zaw, ama nei leh lam suang zaw te hi,” ti’n au.

SAM 64:5

Thil phalo bawl dingin a kitîl hangsan un; a gûk ah thângkam ding dante a gen khawm sek un: “Kuama’n ei mu pua’n a maw?

THUGENTU 8:8

Kuama’n hui chung in thu a nei pua’n, hui le a tutâng thei diak puai; zia gual chun, thi’na chung inle kuama’n thu a nei puai: kido lai le a mawk cholsak thei pua’n, gitlona thilbawl inle a mawk haisan ziang thei diak puai.

ISAI 28:15

Nanghaw chun la, “Thi’na tawh thuthung ka siam un, Sheol tawh kihocham ka hiu; huaisia tak ah jepna hung tung maleh, ei uh chung in tung pua’n a; zuautheina chu kisêlna’n ka mang un, diklona lîmbêl ka hi’ngâl un,” la tiu a.

ISAI 29:15

Nang haw lemhiatna Lalpa ah kipat, thûk tak ah sêlgûk ding ngaitua leh, a gûk ah thilbawlte, “Kua’n ei mu em? Kua’n ei he em?” tite haw!

ISAI 44:20

Vut in a kivâk un, a ngaituanau mantheilo chun a pui mang ta’n, amau la kihukdam thei lo in, “Ka khut changlam ah ei thêm chavai ding kisiam hilo ka hem?” tina châng a he him him puau hi.

ISAI 47:8

Ziaziakchun, tu’hin ziate hi he ta’n, nang mi kinoptel leh bit kisa tak ah khawsa, la lungthim in: “Keima sâng ah lian kuama a um pua’n; meithâi gual in kichu pua’ng ka tin, ka chate le sûn pua’ng ka,” la ti’n.

ISAI 5:21

Nanghaw pil kisa, hethiam kisate haw, la chung uh a gik hi!

ISAI 59:4

Kuama a dik ah vaihawm a um ta puau a, dan dungzui ah diktat kuama a um puau; zuau ah kilepchâk la chîng un, zuau ngen la gen un, thil phalo ngen la ngaituau ah, khawlona ngen a hing hi.

JEREMIAH 23:24

Ka mu theilo ding ah kisêlgû thei kua a hem um? Lalpa‘n a tii. Van hileh, lei chung hileh lua suak hilo ka hi em? Lalpa‘n a tii.

JEREMIAH 9:23

Lalpa‘n zia gual hin a gen hi: Mipil chun a pilna suang ki’hen la, mi hat inle a hatna suang diak ki’hen la, mi hausa’n le a hauna chu kisuanpi diak ki’hen;

EZEKIEL 8:12

Ziaphatchun, ka kiang in, “Mihing, Israel Inkuan ah upa vaihawmte’n, pindan sung thim nuai ah a milimteu bang law a hiu em ti la mu em? Amau in, ‘Lalpa‘n ei mu pua’n, Lalpa‘n gam hi a nutsia ahi tai,’ a ti ta’ngal un,” a hun tia.

EZEKIEL 9:9

Ama’n ka kiang in, “Israel leh Judah Inkuante thil bawl khial chu a huaisia ma ma hi; gam pumpi thisan sua’na’n a dim ah, khawpi sungle nunsiatna’n a dim zo tai; amau in, ‘Lalpa‘n gam hi a nungngat ta’n, Lalpa‘n en talo ahi,’ a ti’ngal ui.

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

ZEPHANIAH 2:15

A haw kha taphot in huaisia sa’n, a khut uh thin khum in: “Zia hi maw khawpi kichawisâng leh bit kisa ma ma ah, Keima bep ka hi, keima tawhbang khawpi dang a um puai,” ti chu! Bang gual bep ah hawm ah nutsia ah um in, gamsate chênna hung hi mai a tam!

ROMTE 1:22

Pil ah kingai in, mingol ahi zaw tau hi.

1 KORINTH 3:19

Zia khawvel pilna hi Pathian ngai in ngolhuai tak ahi ngal a: “Ama’n mipil chu a dawha thûknau in a man sek hi,” ti zik gual in.