ISAI 47:1 - PATHIAN LEKHABU THIANGTHO (BSI)

¹ Babulon chanu, nungak thiangtho, hung suk inla, leivui lak in hung chu’n! Kaldai chanu, lalchutpha hilo, lei tual ah kitung in! Mi nuamsa leh tino’ ti hi talo ding la hi’ngâl a!

ISAI 47:1 ပူးပေါင်းရင်းမြစ်များ

JOB LEKHABU 2:13

Ni sagi leh jan sagi zet chu lei tual in a kichutpiu ah, a nat thok a huaisiat ma ma ziakin, kuama kam khat ziang ah paudok le a um puau hi.

JOB LEKHABU 2:8

Job chun a kikhuatna dingin bêlhal a la’n, vut lak in a kichu ta mai a.

SAM 137:8

Aw Babulon chanu, nang susepa! Ka chung ua la bawl tawh kigûn ah, la chung ah hun thukpa chu mi nuamsa hi’n au!

SAM 18:27

Nang in mi kingainiamte la hukdok sek in, mi kingaisângte vang chu la bêng niam sek hi.

SAM 89:44

A khut ah kipat lal tiang la ladok ah, a lalchutpha le lei tual in la paitha tai.

ISAI 13:1

Amoz chapa Isai in Babulon chungchâng ah a thil mu lawk chu zia gual hi ahi:

ISAI 13:13

Ziaziakchun, sepai honte Lalpa lungnatna hun, a lung kitongkhon ni a hung tun phat leh, vante kithinsak ing ka tin, lei chule a umna mun ah kipat, thindaw in hung um ta’n a.

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

ISAI 21:1

Tuisuagiat ah gamthip Babulon siatna ding chungchâng ah thusuak chu: Negeb lam ah chîmpei hung hâng gual in gamkeu ah kipat in, siatna tizat um tak in a hung hi.

ISAI 23:12

Zia gual hin a gen hi: Aw, tawden ah um nungak thiangtho Sidon chanu, kipakna him him nei ta pua’n la; kipan in la, Kupra lam ah gâl kâi in, zia tak ah chunle muang in um diak pua’n la.

ISAI 26:5

Mi kingaisângte chu kainiam in, khawpi kiletsak chu a susia ta’ngal a. Leitual tawh kikim in a kainiam a, leivui lak in a paitha tai.

ISAI 3:26

A kotpiteu chu lusûn in, kâ La’n awi ta’n au; hisiat dim dem ah um in, suksiatsa’n tual ah kichu ta’n au.

ISAI 37:22

ama chung chang ah zia gual hin Lalpa‘n a gen hi: Zion Chanu, nungak thiangtho, nang a hun musit ah, hun hosia ahi; Jerusalem chanu, la nung lam ah a luchang a hun thinkhum ta ahi.

ISAI 52:2

Aw sal ah tâng Jerusalem, la chung ah leivui bek chu thing tha’n la, hung thodok in. Aw Zion chanu sal ah tâng, la ngawng ah kol chu lîptha ta’n!

JEREMIAH 13:18

Lengpa leh lengnu kiang in, “Kingainiamna chutna’n kitung un; la luchang ua kipat lal lukhuk mêlpha tak chu, lâkthâk hiding ahi ta’ngal a,” ti in.

JEREMIAH 46:11

Aw, nungak thiangtho Aigupta chanu, Gilead ah chia to inla, thingnâi damdawi vala’n. Damdawi tam tak la mang ta na’n a phachuam pua’n, nang â ding ah damna a um puai.

JEREMIAH 48:18

Dibon chanu, la lalchutpha kipat in, la lopina kipat ngei in hung kum suk inla, lei gawchâk ah hung kichu ta’n! Moab suam dingpa chu, nangma do in a hung kuandok ta’n, la kulpi dette chu a susia zo tai.

JEREMIAH 50:1

Kaldaite chênna gam, Babulon chung thu ah jawlnei Jeremiah kiang ah zia gual hin Lalpa‘n a hun gen a:

JEREMIAH 50:42

Thalpi leh cheicha a hun pan un, mi huham leh lainatna neilote a hiu. Aw Babulon chanu, nang hun do dingin, tuisuagiat kinawk gual ah husa nei, sakol chung ah chuang in, sepai hangsan, gâlkuan ding gual in a kisiam ui!

JEREMIAH 51:1

Lalpa‘n zia gual hin a gen hi: Babulon leh Leb-qamai ah chêngte, do dingin huisia hun sawl ding ka hin,

JEREMIAH 51:33

Sepai honte Lalpa, Israelte Pathian in, zia gual hin a la gen a: Babulon chanu chu buchilna phual gual ahi; chomlokâl in buchil hun, pawltâk chu hung tung pai ta’n a.

JEREMIAH 51:51

Hosiatna ka thok ziak un, sukmualpho in ka um un, jachatna’n ka dim tau hi; Lalpa In ah mun thiangtho sung zosia’n, het ngai lo mite a hung lut tau hilam.

KÂ LATE 2:10

Zion chanu upate chu thipbek in, lei tual in a kichu tau a; a luchung uh leivui kibuakkhum in, saidip puan a sil ui; Jerusalem ah ngaklakte chun, a luu ah leisi’n a kikhâikhu zo tau hi.

KÂ LATE 2:21

Khangdawng leh têksete chu, kotzing tual lai in a lum un; ka nungak leh tangvalteu chu, chemjam in a thi tau a; la lungnatna nikhua hin, lainatna panglo in, amau chu that in, la satlum gam tai.

KÂ LATE 4:5

An tui tak ah luaithe zingte chu, kotzing in a thigam tau in; puan sandup sil ah seiliante chun, vaivut a bâk tau hi.

EZEKIEL 26:16

Ziaphat chuleh, tuisuagiat pang ah lal zosia’n a lalchutphau nusia’n, a lalpuanteu leh puanjem hoi takte liptha’n, lau ah kithing in lei tual ah kitung ta’n au; kithing den intiu in, mak hun sa’n au.

EZEKIEL 28:17

La mêlphatna ziakin la lungthim a kiletsak in; la lopina ziakin la pilna la hi’khawlo zo tai. Lei tual in ka hun paitha tai; etnop ah a hun mat ding un, lengte âng in ka hun koidok tai.

JONAH 3:6

Zia thu chu Nineveh khua lengpa’n a hun het phat in, a lalchutpha ah kipat dingdok in, a lal puan a lîptha, saidip puan sil in, leivui lak in a kichu tai.

HAGGAI 2:22

lenggamte lalchutpha paitha’ng ka; namte lenggam hatna susia’ng ka tin, sakol kângtalai leh a chung ah chuangte le paitha’ng ka; sakolte leh a chung ah chuangte chu kipûk in, mi tin chu a lawipa chemjam ah chun kipûk in au.

ZEKARIAH 2:7

Hung tho un, nang Babulon chanu tawh chêng, Zion ah chun hung taidok tau in.

THUPUAN 18:7

Ama leh ama a kichawisan leh, a kinoptel dungzui in sukgimna leh, lungngaina’n vuk unla, a lungthim in, ‘Lengnu’n ka kichu, meithâi ka hi pua hen, lungngaina nei pua’ng ka,’ a ti ziakin.