ISAI 45:3 - PATHIAN LEKHABU THIANGTHO (BSI)

³ Keima hi Lalpa, la min ah hun kopa, Israelte Pathian chu ka hi ti la hettheina dingin, thim lak ah go thil kisêlgute leh, a gûk ah go thil kisêlgute chu, hun pia ding ka hi.

ISAI 45:3 ပူးပေါင်းရင်းမြစ်များ

2 KHANGTHU 6:17

ziaziakchun, Aw Lalpa, Israelte Pathian! La suak David kiang ah la thutiamna paukamte chu sukpitin in um ta hen!

EZRA 1:2

Persia gam ah Lengpa Kuras in zia gual hin a gen a: “Lalpa, van Pathian in khawvel lenggam zosia chu pia’n, Judai gam ah Jerusalem ah a In ding sa kit dingin thu ei pia’n.

PAWTDAWNA THU 33:12

Ziaphatchun, Mosi chun Lalpa kiang in, “Ngaitia, nang in ka kiang in: Zia mite hi vapui to in lei tingal ah; himaleh, ka kithuapi ding ah kua hun sawl ding la hem ti lei hetsak pua hen. Nang in la, ‘La min ka hun hechian hen, ka mittung ah um la hi ti le ka henai,’ la ti ngal in.

PAWTDAWNA THU 33:17

Lalpa chun Mosi kiang in, “La thil dot gual gual chun hun bawl ing ka; ka mit la tung ngal ah, la min le ka hechian ngal hen,” a tia.

ISAI 41:23

Tu’nung ah thil hung tung dingte chu ei hil un; tichun, pathiante a hi’dan uh ka hettheina dingin; ka lau ua, ka tizat theina ding un, a pha hi’n, a sia hileh hun bawl un.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 48:15

Keima, keima ngei hin ka la gen ta’n, ka la ko ta ahi; amau chu ka hun pui ah, a chiana lampi chun hampha’n a.

ISAI 49:1

Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

JEREMIAH 41:8

Himaleh, a lak ua pawsal sawmkhat chu, Ishmael kiang in, “Keihaw vang ei that kin, kei un gamlak ah gehu bu, barli bu, sathau leh khuaizu ka kisêlgûk chiat ui,” a tiu a. Tichun, amau chu a hawi ah, a lawiteu lak ah chun a that khawm ta puai.

JEREMIAH 50:26

Kiltin ah kipat in hun do un; a bu Inte chu hong un; bu gual in siavum unla, susia dik dek un; a bangma khêkchâk nei kiu in.

JEREMIAH 50:37

A sakol leh kângtalaiteu leh, a lak ua nam dang sepai umte, numei sua ding ah do ding chemjam! A go thilteu do ah suam ding chemjam chu!

JEREMIAH 51:13

Nanghaw, tui tam tak lak ah chêng ah, go thil ah hausa ma ma, la hinnau gui a ta’n tâk ziakin, la tawpnau chu a tung tai.

JEREMIAH 51:53

Babulon chu van chan ah kal sâng in, a kulbângte sâng tak in siamdet ma leh, ama susia dingte chu keima ah kipat in, a chung un tung ding ahi ngâl a, Lalpa‘n a tii.