ISAI 45:2 - PATHIAN LEKHABU THIANGTHO (BSI)

² la ma lam in a la chia ing ka tin, mualte chu a la hi’cham ing ka tin, sum-eng kul kotkhakte chu hisia’n, thîktawnte chu a la âtbot piak ding ka hi.

ISAI 45:2 ပူးပေါင်းရင်းမြစ်များ

SAM 107:16

Ama’n sum-eng kotkhakte chu a bawtsia’n, a kamna thiktawnte chu a hibong ta’ngal a.

ISAI 13:2

Tângsâng tak chung ah diallap tâkdok unla, ngai tak in uau un; miliante kotpi a bulu theina ding un la khut un jap un.

ISAI 14:31

Aw, kul kotkhak, patau in; aw khawpi, kap in; aw Philistia gam ah chêng zosiate haw, lau in tuitha zo tau in! mallam ah kipat in meikhu a hung pawt in, a lak un mi kilep mang khat chale a um puau hi.

ISAI 24:12

Khawpi sung chu a hawm ah nutsia a hita’n, a kul kotkhakte chule suksiat sik sek ahi tai.

ISAI 40:4

Guamkuak zosia vuk sân hihen la, mual leh tâng zosia sukniam hi hen; a lei kituaklonate chu siam tuak hihen la, a photnate chule suknâm hihen.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 45:13

Dikna’n Kuras chu ka choktho in, a chiana ding lam zosia’ lawtin sak ding ka hi; a man leh kipak man a mu ding ziak le hilo in, ka khawpi chu tungding kit intin, ka mi saltângte chu hun thâdok ding ahi, ti’n sepai honte Lalpa chun a gen hi.

ISAI 48:15

Keima, keima ngei hin ka la gen ta’n, ka la ko ta ahi; amau chu ka hun pui ah, a chiana lampi chun hampha’n a.

JEREMIAH 28:13

Chia inla, Hananiah kiang in, Lalpa‘n zia gual hin a gen hi vati’n, “A thing ngawngkol uh la khetbot piak chu, thîk ngawngkol ah hun then piak ding ka hi!

JEREMIAH 51:30

Babulon sepai hangsante chun, a gâldo’nau haisan in, a kulpi sung un a kikulkhup zo tau hi; a pawsal phatnau a bei ta’n, numei gual bep a hung hi zo tau hi; a Insak teu chu mei in a kâng tum ta’n, a thîkjawlteu chule a bong zo tai.

JEREMIAH 51:58

Sepai honte Lalpa chun zia gual hin a gen a: Babulon kulbâng thupi tak chu, lei tual tawh kikim intin, a kul kotkhak sâng takte chule, mei ah hâl tum hung hita’n a. A sung ah mipite chu a gim thawn mai mai a hiu a, mei kat tum ding bep ah namtin in sêm gim a hiu.

DANIAL 5:28

PERES chu, la lenggam chu lâkpiak a hita’n, Mede tawh Persiate kiang ah piak ahi tai, ti’n a hilchian piak tai.

DANIAL 8:4

Zia belamchal chun tumlam, mallam leh simlam vaksi’n ka mu’n. Gam sahângte lak ah khat chan le a lang zo puau hi; ama ah kipat hukdok thei le a um puau hi; a nop dan dan in a bawl ah, a hung hât ma ma tai.

NAHUM 3:13

La sepaite chu vak en tiam in; numei tawhbang bep a hitau. La mêlmate â dingin la gam lutna kotpite chu, lian tak in a kihong hi; la kotpi jawlte chu mei in, a kâng tum zo tai.

LUKA 3:5

A guam kuaknate chu vuk dim hi’ntin, a tângte leh a mualte chu sukniam hi’ntin; chuleh, a kawinate chu sukzan hi’ntin, a photnate chule suknâm hiding ahi.

NASEPTE 1:15

Zia hun lai ah chun Peter chu gingtute lak ah chun a hung dingdok a, (zia tak ah kikhawmte chu mi za leh sawmni vel a hiu,) ama chun,