ISAI 45:1 - PATHIAN LEKHABU THIANGTHO (BSI)

¹ Lalpa chun a sathaunu’ Kuras, nam tinte tawden ah, leng leh lalte a lal puan uh lîp thâksak ding leh, a ma-âng ah kotkhakte a la hong dingin ka la guat ta’n;

ISAI 45:1 ပူးပေါင်းရင်းမြစ်များ

1 LENGTE 19:15

Ziaphat chun, Lalpa‘n a kiang in, “Chia in, la hungna Damaska gamthip lam ah kile’kit in; la tun phat leh, Hazael chu Aram ah leng ah pang dingin sathaunu’ in.

EZRA 1:1

Persia gam ah Lengpa Kuras lal kum khatna’n, Jeremiah kiang ah Lalpa thugen a guitun theina dingin, Lalpa chun Persia Lengpa Kuras in lekhazik ah gam sung pumpi’ tângsam ding sawl dingin a lungthim a hun choktho ah, zia gual hin tâng a sapsak a.

EZRA 1:2

Persia gam ah Lengpa Kuras in zia gual hin a gen a: “Lalpa, van Pathian in khawvel lenggam zosia chu pia’n, Judai gam ah Jerusalem ah a In ding sa kit dingin thu ei pia’n.

JOB LEKHABU 12:21

Leng chate kiletsakna a lâkmang piak ah, chuleh, mihatte kawnggâk a tha kawl piak hi.

SAM 73:23

Ahi’nla, la kiang in ka um zing sek a; ka khut changlam la tuzing hi.

ISAI 13:2

Tângsâng tak chung ah diallap tâkdok unla, ngai tak in uau un; miliante kotpi a bulu theina ding un la khut un jap un.

ISAI 13:3

Keima ngei hin ka mithiangthote thu ka pia’n, ka sepai hangsante ka ko khawm in, ka doichuam kisathei takte chu, ka lungnatna phuba la dingin ka guat ta ahi.

ISAI 41:13

Keima, Lalpa la Pathian in, la khut changlam ka tuzing ngâl a. La kiang ah: “Lau kin, hun panpi ding ka hi,” tipa chu keima ka hi’ngâl a.

ISAI 41:2

Sualam ah kipat gâl zotu hun choktho ah, a thilbawl ding sepsaktu chu kua a hem? Namtin a khut in a pedok in, leng leh lalte a keng in a chotchilsak in, chemjam ah sât tel in leivui a suaksak in; busi hui in a mût mang gual in, a thalpi’n a bawl in;

ISAI 41:25

Mallam ah mi khat ka choktho in, ama chu a hung ngâl in; ni sua’na lam ah kipat in ka min hun ko intin; bêlsêkpa’n lei buan a chil gual in, leng leh lalte chu hun chuanchil ding ahi.

ISAI 42:6

Keima, Lalpa chu ka hi’n, dikna’n ka hun ko in, la khut in ka hun tûk in, ka hun vêng bit hi; nam tinte â ding ah thuthung hiding in ka hun pia’n, namtin salvâk ding leh,

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

ISAI 45:5

Keima hi Lalpa chu ka hi’n, a dang kuama a um puai; keima tilo ngâl Pathian dang a um puai. Ei helo malehchin le, keima’n gâlvan in ka hun thuam in,

ISAI 48:15

Keima, keima ngei hin ka la gen ta’n, ka la ko ta ahi; amau chu ka hun pui ah, a chiana lampi chun hampha’n a.

JEREMIAH 27:6

Tu’hin, ka suak Babulon Lengpa Nebukadnezar khut in zia gam zosia hi tawh, a sung ah sa zosia hile ama nasêm ding ah ka piaksa a hi tai.

JEREMIAH 43:10

a kiang un zia gual hin gen in: Sepai honte Lalpa, Israelte Pathian in zia gual hin a gen hi, ti’n la: Ka suakpa, Babulon Lengpa Nebukadrezar chu hun sawl ing ka tin, zia ka suangphute chung ah hin a lalchutpha daw dingin hun pui ing ka; chuleh, a lal puan In chu zia chung ah hin hun jaksak ding ka hi.

JEREMIAH 50:3

Mallam ah kipat ama do ding nam khat a hung kuandok tai; a gam chu a hawm ah nutsia in hung umsak intin, a sung ah kuama chêng ta pua’n ah; mihing leh gancha zosia’n taisan sik sek ta’n au.

JEREMIAH 50:35

Kaldai leh Babulon ah chêngte leh, a milian leh lalteu leh a mipite do dingin, chemjam a um hi, Lalpa‘n a tii!

JEREMIAH 51:11

Thalchangte tât-hiam un! Thalchang a bawm ah thundim un!

JEREMIAH 51:30

Babulon sepai hangsante chun, a gâldo’nau haisan in, a kulpi sung un a kikulkhup zo tau hi; a pawsal phatnau a bei ta’n, numei gual bep a hung hi zo tau hi; a Insak teu chu mei in a kâng tum ta’n, a thîkjawlteu chule a bong zo tai.

JEREMIAH 51:58

Sepai honte Lalpa chun zia gual hin a gen a: Babulon kulbâng thupi tak chu, lei tual tawh kikim intin, a kul kotkhak sâng takte chule, mei ah hâl tum hung hita’n a. A sung ah mipite chu a gim thawn mai mai a hiu a, mei kat tum ding bep ah namtin in sêm gim a hiu.

EZEKIEL 29:20

Kei â ding ah nasem a hiziak un, a sepgim man ding un Aigupta gam hi pia ding ka hi, Lalpa Pathian in a tii, ti in.

DANIAL 5:6

Lengpa mêl chu a hung dâng ta’n, a lau ma ma ziang tai. A pum in a kithing ah, a khûp a kitattua ta mai a.

DANIAL 7:5

Gam sahâng dang khat, a pani’na chu savom tawhbang a hi’n. A nung lam keng ah dingin, a hâ te kikâl in hapi pathum a um a; chuleh, a kiang in, “Tho inla, mi tam takte taksa vane zo in,” a tiu a.

DANIAL 8:3

Ka dakdaw leh lui pang ah belamchal khat ka vak mu’n. Ama chun kî pani a nei in. A kî teni chu a sau gêl un; himaleh, khat chu a sauzaw’n, a sauzaw chu a hung dawkdok nunung zaw ahi.

DANIAL 8:4

Zia belamchal chun tumlam, mallam leh simlam vaksi’n ka mu’n. Gam sahângte lak ah khat chan le a lang zo puau hi; ama ah kipat hukdok thei le a um puau hi; a nop dan dan in a bawl ah, a hung hât ma ma tai.

NAHUM 2:6

Lui kotkhakte chu hawn in a um in, lal In chu launa’n a dim tai.

NAHUM 3:13

La sepaite chu vak en tiam in; numei tawhbang bep a hitau. La mêlmate â dingin la gam lutna kotpite chu, lian tak in a kihong hi; la kotpi jawlte chu mei in, a kâng tum zo tai.