ISAI 43:7 - PATHIAN LEKHABU THIANGTHO (BSI)

⁷ ka min ah kiko mimal tin chu, ka lopina ding ah ka siam leh, ka la bawlsa la hiu,” hun tiding ka hi.

ISAI 43:7 ပူးပေါင်းရင်းမြစ်များ

SAM 100:3

Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

SAM 50:23

Kuale kipak thu genna kithoina hun lân tapo in ei chawihoi sek un; lam dik zui tapote kiang in, Pathian hukdamna musak ing ka’ ” a tii.

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

ISAI 29:23

A lak ua ka khutsuak a chateu chu a mu phât uh leh, ka min hi’thiangtho ta’n tiu in, Jakob Mithiangtho chu hi’thiangtho ta’n tin uh, Israel Pathian chu lau ta’n au.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 43:21

ka mipi hiding ah ka siamte, ka pâkna tâklang dingte dawn ding ka piak tâk ziakin.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 48:11

Ka min ziakin, keima min ziak bep in, zia gual chun ka bawl hi; ka min chu polche tak ah umsak ding ka hia a hem? Ka lopina hi midang kiang ah pelo ding ka hi.

ISAI 56:5

Ka Insung, ka bâng in a ûm kîmvêlna sung ma ma hin, chapate leh chanute sâng ah phazaw, amau hetzingna ding pia’ng ka; kumtuang ah a min ding uh pia’ng ka tin, tichun, bangmatik in pai thâk hita pua’n a.

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

ISAI 63:19

A chung ua vai la hawm khâkna ngai lo mite leh, la min ah kiko kha ngai lo mite gual in ka um tau hi.

JEREMIAH 14:9

Bang ding ah bawl ding dan he talo mi gual leh, gâlhangsan mi panpi’na ding a, thagum sua thei talo gual a, um ziang la hi em? Hizianglehle, Lalpa, nang ka lak un la um ngâl a; chuleh, la min ah ko in ka um sek ngâl un, ei nusia kin!

JEREMIAH 33:16

Ziaphat chuleh, Judah chu hukdam in um intin; tichun, Jerusalem chu bit tak in chêng ta’n a. Zia khawpi chu, “Lalpa chu I diknau ahi,” ti min sak hita’n a.

DANIAL 9:18

Aw ka Pathian, la bildaw inla, ei ngaitha’n. La mit hak inla, ka chung ua siatna tung leh, la min ah kiphuak khawpi hi hun en ta’n. Ka diknau suang hilo in, la ja’ngaina nasat ziak zaw’n la man ka hun don uh ahi.

DANIAL 9:19

Aw Lalpa, ngai inla; Aw Lalpa ngaidam in; aw Lalpa ngaitha’n la, khawdâng lo in hun bawl ngal in! Aw ka Pathian, nangma min ziak in, khawpi leh mipite chu nangma min ah kiminlaw ahi ngal un! ti in.

AMOS 9:12

tichun, Edom mun ah um nalaite leh, ka min ah ka ko nam zosiate chu a neitheina ding un, zia bawlpa, Lalpa chun a gen ahi.

JOHAN 15:8

Tam tak ah la ga ziak un ka Pa chu choihoi in a um sek hi; tichun, ka nungzuite hi’n lau.

NASEPTE 11:26

a vamudaw phatin, Antiok lam in a hun pui a. Chuleh, zia kum tung kei ah chun kochuamte tawh kithua in kikhopnate nei in, mi tam tak a hil sek un; chuleh, Antiok khua chun nungzuite chu “Khristian,” a hun tipan tau hi.

ROMTE 9:23

Lopina ding ah a la siam lawk, jangaina changte â ding ah a lopina hau dan taklatna ding in,

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

GALATIA 6:15

Kisiam thak kitna longal ah chun zektan hi bangma a hipua’n, zektanlo le bangma ahi diak puai.

EPHESA 1:12

Ei haw Khrista ah ginna a la nga masate hi a lopina pâkna I hung hi theina ding un.

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

JAKOB 2:7

Min chungnung la put uh hun demsia sekte chu amau haw chu hilo a hiu em?

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

1 PETER 4:14

Khrista min ziak ah vau la hiu leh mi hampha la hiu; lopina leh Pathian Thagau chu la chung un a um tai.

THUPUAN 3:12

Kuale a zo tapo chu ka Pathian biak In ah khuam in pansak ing ka tin, zia kipat chun pawt kît ta pua’n tin; chuleh, a chung ah chun ka Pathian min leh, ka Pathian khawpi min Jerusalem thak, van ah Pathian kiang ah kipat hung kitâwl suk min leh keima min thak chu zik ding ka hi.

1 SAMUEL 12:22

A ziak chu, Lalpa‘n amin lopi tak ziak ah chun a mipite pâmpai ziang lo ding ahi, a ziak chu, Lalpa‘n a lung lam hi ding in a mipite hi a siam ahi.