ISAI 43:5 - PATHIAN LEKHABU THIANGTHO (BSI)

⁵ Lau him him kin, ka hun umpi ngal a; la suante chu sualam ah kipat in, hun pui khawm ing ka tin, tumlam ah kipat inle hun pui khawm ding ka hi;

ISAI 43:5 ပူးပေါင်းရင်းမြစ်များ

SAM 106:47

Aw Lalpa, ka Pathian uh, ei hukhing inla, namtin lak ah kipat in ei pui khawm kit in; la min thiangtho chu ka hun pâk ua, nangma pâkna chu ka kisuanpi theina ding un.

SAM 107:3

gamtin ah kipat, sualam leh tumlam ah kipat leh mallam leh, simlam ah kipat a pui khawm zosia’n le gen uh hen.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,

ISAI 41:9

lei mong lam pek ah kipat ka hun puidok a, leimun gamla pen ah kipat ka hun kodok a, la kiang in: Nang hi ka suak la hi, keima ngei in ka hun têlchuam la hi’n, hun paitha lo ding ka hi;

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 43:2

Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

ISAI 44:2

Nanghaw hun siampa, sûl ah kipat hun guanggalpa leh, hun panpi zing ding Lalpa chun zia gual hin a gen hi: Aw Jakob, ka suakpa lau kin la, ka hun têlchuam Jeshurun lau kin.

ISAI 49:12

En in, ziate chu gamla tak ah kipat hung ding a hiu, a la ngai in, ziate chu mallam ah kipat, tumlam ah kipat leh, Syene gam ah kipat hung ding a hiu.

ISAI 49:18

Hung khawdak inla, hun en vêl tiam in; a kikai khawm un, la kiang a hung tung tau hi. Lalpa chun, “Ka hin ziakin, ziate chu kicheina’n mang in la tin, mo kicheina gual in amau chu, kivanna’n mang in la,” a tii.

ISAI 54:3

Changlam leh veilam ah, hung kikêk lian ding la hi’n, la suan leh pâkte’n namtin chung ah vaihawm in, khawpi a hawm ah nutsiasate chu, hun lua dim kit ding ahi ngal un.

ISAI 54:7

Hun chomcha sung â ding bep in ka hun nusia in; maleh, lainatna lian tak in hun pui khawm kit ding ka hi.

ISAI 61:9

A tu leh chateu chu, namtin lak ah minthang tak in um intiu in, a suan leh pâkteu chu, mi tin lak ah challang tak hung hita’n au; amau mu kha zosia chun, ziate hi Lalpa maljawlna dongte kha a hiu, ti he ziang thei in au.

ISAI 8:10

Lung a gêl khawm un, maleh, bangmalo suak tho tho in a; ngaidan a gen khawm un, maleh, bangma’n pang diak pua’n a; Pathian chun ei umpi ngâl a,” ti in.

JEREMIAH 23:7

Ziaziakchun, “Aigupta gam ah kipat Israelte a la puidokpa Lalpa chu a hin nâk leh,” a kiti lo’na ding hun chu hung tung ngei ngei ding ahi’n;

JEREMIAH 23:8

himaleh, “Mallam gam leh gam tin ah a la nawjakna gam zosia ah kipat, Israelte leh a suan a pâkteu hun puidok ah, hun puipa Lalpa chu a hin nâk leh,” hun ti zaw ta’n au. Zia phat chuleh, amau gam ngei ah chun chêng ta’n au.

JEREMIAH 29:14

hun kimusak ding ka hi, Lalpa‘n a tii; chuleh, vangphatna hun vuk ing ka tin, nam tinte leh gam tin ah sal ah ka hun nawmangna mun zosia ah kipat in, hun tungding kit in, hun pui khawm ing ka tin, la gam lam un hun pui tung kit ing ka, Lalpa‘n a tii.

JEREMIAH 3:18

Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

JEREMIAH 42:11

Babulon lengpa la la tizat gual uh khan lau ta kiu inla, lau him him kiu in, Lalpa‘n a tii; ama khut ah kipat hun hukdok ah, hun hukdam dingin ka hun umpi zing la hi’ngal un.

JEREMIAH 51:46

Zia gam ah thuthang la hiatteu ziakin, lungthuai kiu inla, lau diak kiu in; kum khat ah thuthang khat um intin, kum kit leh thu chuam khat hung um kit intin, a gam sung ah kipawngbawlna thuthang leh, vaihawmte leh vaihawmte kido’na thuthang, hung um ding ahi.

JOEL 3:7

Himaleh, tu’hin, la zawkmangna munteu nusia dingin chawk tho ing ka tin; chun, la thilbawl dungzui tak un la luchung un hun thuk kit ding ka hi.

MIKAH 2:12

Aw Jakob, la leng un hun pui khawm ngei ngei ing ka tin, Israel um nalai sunte chu hun pui khawm ding ka hi; belam hon a kul ah um khawm gual in, bawng hon hampa mun ah tâ gual in, hun pui khawm ngei ngei ding ka hi; zia ni chuleh, mipi husa chiak veng vung ta’n a.

ZEKARIAH 8:7

Sepai honte Lalpa‘n zia gual hin a gen hi: Ka mite chu sualam gam ah kipat leh, tumlam gam ah kipat in hun hukdok ing ka tin;

LUKA 13:29

Mi tam tak, sualam, tumlam, mallam leh simlam ah kipat in hung khawm in tiu in, Pathian gam ah chun an hung ne ta’n au.

JOHAN 10:16

Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

DAN LEKHABU 30:3

Lalpa la Pathian un hun tung ding kit in, hun khawtua ta’n tin; chuleh, Lalpa la Pathian un namtin lak ah a hun thejakna gam zosia ah kipat in hun puikhawm kit ta’n a.