ISAI 43:3 - PATHIAN LEKHABU THIANGTHO (BSI)

³ Lalpa la Pathian, Israel Mi Thiangthopa, a hun hukdokpa chu ka hi’ngal a. Nangma kitatdawna dingin, Aigupta gam chu ka pedok ta’n, nangma thatheng dingin, Ethiopia leh Sheba gamte hi ka pedok tai.

ISAI 43:3 ပူးပေါင်းရင်းမြစ်များ

THILSIAM THU 10:7

Kush suante chu: Sheba, Havilah, Sabtah, Raamah leh Sabteka a hiu a. Raamah suante chu: Sheba leh Dedan a hiu a.

SAM 72:10

Tarshish leh thialkâl tin ah lengte chunle, leiman hun chawi uh hen la; Sheba leh Sheba lengte’n le, thilpiak hun chawi tau hen.

PAWTDAWNA THU 10:7

Chun, Pharaoh miliante chun a kiang in, “Zia mipa hi bang chan ei uh â ding ah buaina bul hi zing ding a hem? Lalpa a Pathian uh a ho theina ding un chiasak ziang ta’n la: Aigupta gam pumpi hi suksiat dim dem ahi tai ti helo la hem?” a tiu a.

PAWTDAWNA THU 20:2

Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.

THUPILTE 11:8

Midikte chu lungdonna lak ah kipat hukdaw in a um un, mi nunsia chun lungdonna tuak in au.

THUPILTE 21:18

Mi nunsia chu midikte kitatna hi’ntin, mi ginum lo chule mi lamzangte kitatna hi’n a.

ISAI 19:20

Zia chu sepai honte Lalpa â ding ah, Aigupta gam ah tepte’na leh hiatpitu hung hi’ntin; amau sugentheite ziak ah Lalpa a hun ko phat uh leh, amau hukdok ding hun sawl piak intin, amau panpi in, hukdok in a.

ISAI 20:3

Ziaphatchun, Lalpa‘n, “Ka nasêmtu Isai in, ngawnchang leh kengtawdap bei ah, Aigupta leh Ethiopia chung ah thil hung tung ding tepte’na leh, etsakna ding ah kum thum sung a vâkvel gual hin,

ISAI 30:11

zia lampi chu nusiau inla, lampi chu pet mangsan tau in; Israel Mi Thiangthopa chu ka ngai nuam ta puau hi,” tiu in.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

ISAI 43:11

Kei, Keima hi Lalpa chu ka hi, Keima tilo ngal hukdampa dang a um puai.

ISAI 45:14

Zia gual hin Lalpa‘n a gen a: Aigupta gam ah hausakna leh, Ethiopia gam ah sumkawlveina thil zosia, mi duangting tak tak Sabeante chule, la kiang ah hung intiu in, nang uh chang ta’n la tiu in, la nung uh hun zui ta’n au; thîkkol but kawm ah hung in, la mau ah hung khiangkho ta’n au. La kiang ua la jangainau don in, “Nang uh kiang bep hin Pathian a um in, kuama dang kiang in a um puai; ama tilo ngâl Pathian dang him him a um puai,” hun ti ta’n au.

ISAI 45:15

Nangma ngei chu ama leh ama kisêlgu, Pathian tak tak chu la hi; aw Israelte Pathian, Hukdampa ngei chu.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 60:16

Nam tinte hausakna leh, leng leh lalte nei leh lam zosia chomgam ta’n la; zia tak chuleh, Jakob, Mihatpa, nangma hun Tanpa, la Hukdampa chu, Keima Lalpa hi ka hi ti hun he ta’n lau.

ISAI 63:8

Amau chun, “Amau chu ka mite a hiu a, ei thêm lo ding ah ka chate chu a hiu,” a la ti tâk ziak un; tichun, ama chu a Hukdampau a hung hi tai.

JEREMIAH 14:8

Aw Israelte kinepna, a buai hun si’n ua leh hukdokpa chu la hi. Bangtidan ah zia gam ah hi khualzin, jan khat bep giak gual ah um la hi em?

JEREMIAH 16:21

“Ziaziakchun, amau hil ding ah ka chia tei tei ding ahi; tu chung ah hin, ka thilhithei dan leh ka hat dan hil ding ka hi; tichun, ka min chu Lalpa ahi ti he ta’n au,” ti in.

EZEKIEL 39:7

Chun, ka mipi Israelte lak in ka min thiangtho hiatsak tâng ka tin; tichun, ka min thiangtho sukbuak kit sak ta pua’ng ka; ziaphat chuleh, namtin in Keima hi Lalpa, Israel Mithiangtho chu ka hi ti he ta’n au.

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.

THIAMPUTE LEKHABU 11:44

Keima Lalpa la Pathian uh ka hi’ngâl a; kisuthiangtho unla, thiangtho tak ah la um ding uh ahi: keima ka thiangtho ngâl a. Lei chung ah bokvâkte ziakin kisubuak kiu in.

AMOS 9:7

Aw Israel mite, Kei â ding ah Ethiopiate gual tho hilo la hiu em? Lalpa‘n a tii. Aigupta gam ah kipat Israelte, Kaphtor ah kipat Philistinte leh, Kir ah kipat in Aram mite ka puidok pua a hem?

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

JUDA 1:25

Pathian tak bep I Hukdampau kiang in, I Lalpau Jesu Khrista jal in, lopina, lalna, thilhitheina leh thuneina, hun chiasa leh tu’hun leh kumtuang in um zing ta hen. Amen.