ISAI 43:2 - PATHIAN LEKHABU THIANGTHO (BSI)

² Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

ISAI 43:2 ပူးပေါင်းရင်းမြစ်များ

JOB LEKHABU 5:19

Buaina paguk lak ah kipat in hun hukdok intin; pasagi lak inle bangma’n hun sukha pua’n a.

SAM 23:4

Thi’na lîm guam thim pen hawtheng ziang malengle, thil phalo him him lau pua’ng ka; nang ka kiang in la um ngal ah; la khetbûk leh la tiang in lei thamuan hi.

SAM 32:6

Ziaziakchun, mi ginum zosia chu, la kiang in pauchap tau hen; lungkhamna ni a hung tun ah, tuisângte chu a hung lêt tak leh, chup pha ta pua’n a.

SAM 66:10

Aw Pathian, nang in lei patep ta’n; dangka haltuina mei ah chet ahi gual in lei chian tai.

SAM 66:12

ka luchang uh ka mêlmateu lei chotden sak a; mei leh tui lak in ka chia theng un; hilehle, mun thawveng ah um dingin lei puidok tai.

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

PAWTDAWNA THU 14:29

Himaleh, Israelte chu Tuipi sung ah chun lei hul chung in a chiau ah, tuite chu amau â ding ah changlam leh veilam ah bâng ahi tai.

PAWTDAWNA THU 3:12

Ama chun, “Keima’n nang hun umpi ing ka; chuleh, zia hi keima hun sawl ngei la hinai ti tepte’na hi’n a: Mipite chu Aigupta gam ah kipat la hun puidaw phat leh, zia tâng chung ah hin Pathian ho ding la hi,” a tia.

ISAI 29:6

nangma chu vang sepai honte Lalpa‘n van-gi tawh, linlîng tawh, husa nasa tak tawh, chîmpei tawh, thigawpi tawh, meipi kuang tawh kithua in, hung kantha ta’n a.

ISAI 30:27

Ngai un, Lalpa thilhitheina chu a lungnatna kuang tawh, meikhu kitung luai luai kawm in gamla tak ah kipat in a hung hi; a mûkte chu lungnatna’n a dim in, a lei chu mi kângmang ziang thei mei gual ahi.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 43:5

Lau him him kin, ka hun umpi ngal a; la suante chu sualam ah kipat in, hun pui khawm ing ka tin, tumlam ah kipat inle hun pui khawm ding ka hi;

JEREMIAH 42:11

Babulon lengpa la la tizat gual uh khan lau ta kiu inla, lau him him kiu in, Lalpa‘n a tii; ama khut ah kipat hun hukdok ah, hun hukdam dingin ka hun umpi zing la hi’ngal un.

JEREMIAH 46:28

Nang, ka suakpa Jakob vang, bangma lau kin, ka hun umpi zing hi, Lalpa‘n a tii. A lak ua ka hun thejakna nam tinte chu, sutawp ing ka tin; nangma chu vang hun sutawp pua’ng ka! A kigûn tawk bep in hun gawt ing ka tin, gawt lo in vang hun mawk koi pua’ng ka,” ti in.

DANIAL 3:23

Himaleh, Sadrak, Meshak leh Abednegote lawi chu a khut uh kânsa’n tummeipi kuang sung in a sep lut tau a.

HAGGAI 1:13

Tichun, mipite kiang in Lalpa thugen chu, Lalpa thupawpa Haggai in a gen sawn ta’n: Lalpa‘n ka hun umpi hi, a tii, a tia.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

2 TIMOTHI 4:17

Himaleh Lalpa‘n ei dinpi in, ei hi’hat a; chutia, keima ziak ah chanchinpha gen kim ah um ding leh, Jentelte zosia’n a hettheina ding un. Tichun, sakeibaknei kam ah kipat hukdaw in ka um tai.

2 TIMOTHI 4:22

Lalpa‘n la thagau umpi ta hen. Hepina’n hun umpi ta hen. Amen.

HEBRAITE 11:29

Ginna’n Tuipi San kha mualkâng, lei hul ah chia gual in a gâl kâi un, Aigupta mite’n le zia gual ah chun chia a guau ah, himaleh, a tum mang zo tau hi.

JOSHUA 1:5

La dam sung in mihingcha la âng ah pang ngam ding kuama um pua’n ah. Mosi ka umpi gual khan nang le hun umpi ing ka tin; hun kilepsan pua’ng ka tin, hun nusia diak pua’ng ka.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.