ISAI 43:1 - PATHIAN LEKHABU THIANGTHO (BSI)

¹ Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 43:1 ပူးပေါင်းရင်းမြစ်များ

THILSIAM THU 32:28

Ama chun, “La min Jakob hita pua’n tin, Israel hizaw ta’n ah, Pathian tawh mihing la buan gêl ta’n, la thazo ta’ngal in,” a ti’n.

SAM 100:3

Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

SAM 102:18

Zia thu hi khangthak hung um dingte leh, a piang nai lo mipi hung um dingte’n, Lalpa min a hun pâk theina ding un, tepte ah zik hi hen la;

PAWTDAWNA THU 15:13

La tatdawsa la mite chu, la lainatna’n la puidok ah: La hatna’n amau chu la chênna, mun thiangtho tiang in la pui tung a.

PAWTDAWNA THU 15:16

Aw Lalpa, la mipite a gâlkâi ma siau, la chawk dawsa la mipite zosia chu a gâlkâi ma siau in, launa leh tizatna a chung un a chu ta’n, la bân thahâtna ziakin, amau chu suangtum gual in a thip tau hi.

PAWTDAWNA THU 33:17

Lalpa chun Mosi kiang in, “La thil dot gual gual chun hun bawl ing ka; ka mit la tung ngal ah, la min le ka hechian ngal hen,” a tia.

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 42:6

Keima, Lalpa chu ka hi’n, dikna’n ka hun ko in, la khut in ka hun tûk in, ka hun vêng bit hi; nam tinte â ding ah thuthung hiding in ka hun pia’n, namtin salvâk ding leh,

ISAI 43:21

ka mipi hiding ah ka siamte, ka pâkna tâklang dingte dawn ding ka piak tâk ziakin.

ISAI 43:5

Lau him him kin, ka hun umpi ngal a; la suante chu sualam ah kipat in, hun pui khawm ing ka tin, tumlam ah kipat inle hun pui khawm ding ka hi;

ISAI 43:7

ka min ah kiko mimal tin chu, ka lopina ding ah ka siam leh, ka la bawlsa la hiu,” hun tiding ka hi.

ISAI 44:2

Nanghaw hun siampa, sûl ah kipat hun guanggalpa leh, hun panpi zing ding Lalpa chun zia gual hin a gen hi: Aw Jakob, ka suakpa lau kin la, ka hun têlchuam Jeshurun lau kin.

ISAI 45:11

Lalpa, Israel Mithiangtho leh, amau Siampa chun zia gual hin a gen hi: Ka chate chungchâng thu leh, ka bawl ding leh bawl lo ding thu in, hung kikum ding la hem?

ISAI 48:17

Nangma hun Tanpa, Israel Mithiangtho, Lalpa chun zia gual hin a gen hi: Keima hi Lalpa la Pathian, la phatna ding ah hun hilpa, la chiana lampi hun kaibâtpa chu ka hi.

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

ISAI 49:1

Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 51:13

Nangma hun Siampa Lalpa chu la hemil ta’n, ama’n vante kaimal in, lei pumpi kingaknate a lem hi. Hi’mangthai ziang ding ah um hita, a hun nuaisiate lungnatna chu lau in, sun nitum in la um ui. Mi nuaisiate lungnatna chu, khoilam tung zo a tam?

ISAI 52:9

Nanghaw hisiat ah um ta Jerusalem ah umte haw, kipak ah La sa’n hung kikodok tau in; Lalpa‘n a mite a thamuan in, Jerusalem chu a hukdok kit tai.

ISAI 62:12

Tichun, amau chu Mipi Thiangtho leh, Lalpa Tatdawsate, hun ti ta’n tiu in; chuleh, nang chule khawpi nutsia hilo in, “Hawldaw ah um” ti hung hita’n la.

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

JEREMIAH 31:3

gamla tak ah kipat in Lalpa a hung kilang tai. Kumtuang hepina’n ka hun hepi la hi; ziaziakchun, la chung in ka gin um zing ahi.

JEREMIAH 33:24

Zia mipite hin zia gual ah a la gen uh hi, a la limsak ngai lo la hiu em? “Lalpa‘n a la têlchuam Inkuan panite hi a pâmpai tai,” ti in. Chuleh, ka mipite chule nam ti kham ding ting talo ah ngai in a la musit ta’n au.

JEREMIAH 33:26

Jakob leh ka suak David suan leh pâkte chu pâmpai in, a lak ua khat chale Abraham, Isak leh Jakob suante chung ah vaihawm ding in a la koi lo ma ding hivêng aw. Ahi’n la, amau vangphatna pia tungding kit in, lainat ding ka hi’ngâl a, ti in.

JEREMIAH 50:34

Amau Tanpa chu vang a hat hi; a min chu Sepai honte Lalpa ahi. Khawvel gâlmuang tak ah a um ah, Babulon gam ah chêngte buai tak ah a umna ding un, amau chung thu ding chu vang khawksak in a.

KÂ LATE 3:57

La min ka hun ko phat leh, nang in lei nai sek a, “Lau kin,” lei ti ta’n.

EZEKIEL 16:8

La kiang hun haw in, ka hun et kit leh, dawichâk ah ngai thei la hung hi tai. Ka puanâk chual mong la chung in ka kaipal ah, la ngawnchang hi’na chu ka khû tai; la kiang in kitiamna ka nei in, nang tawh I kikâl in thuthung ka siam a; tichun, nang chu kei â la hung hi tai, Lalpa Pathian in a ti ahi.

DANIAL 10:19

Ka kiang in, “Lau kin, nasa tak ah doisakna changpa! Nang chu humbit la hi tai. Hat tak leh hangsan tak in um in!” ei hun tia. Zia gual ah ei hun ho zaw phat ah chun ka hung hât ta’n, a kiang in, “Nang in lei hi’hât tâk ziakin, tu’hin ka Lalpa‘n thu hun gen ta’n le,” ka ti tai.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

MALAKI 3:17

Sepai honte Lalpa chun, amau chu kei â hi’n tiu in, thil ka hun bawl ni phat leh amau chu ka gochan bîkte hi’n tiu in; min a na sep piak a chapa a duat gual un, amau chu hawi ding ka hi.

NASEPTE 27:20

Ni tam tak sung chu nisa leh aksi him him a kilat tâk lo phatin, thigua’n ei daidawp lo ziakin dam ah pawt daw ding him le kinep a um ta paw hial a.

NASEPTE 27:25

Ziaziakchun, pute haw, thamuang tak in um un; Pathian chu ka ging ah, ka kiang ah a gen chu guitung ding ahi.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

DAN LEKHABU 32:15

Jakob in a vâ tawk in a ne’n; Jeshurun hung thau in, a hung mom tai. Nang chu la hung thau ah, la hung mom ah, la hung mâm tai! Ama siampa Pathian chu a kiheisan ah, a hukdamna Suangpi chu a hun simmaw tai.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

DAN LEKHABU 32:9

Lalpa chanvo chu a mite a hiu ah, Jakob chu a gochan ahi.

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;