ISAI 42:16 - PATHIAN LEKHABU THIANGTHO (BSI)

¹⁶ Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 42:16 ပူးပေါင်းရင်းမြစ်များ

SAM 94:14

Lalpa‘n a mite hemil pua’n tin, a gochante chule nusia diak pua’n a;

THUGENTU 1:15

A kawisa chu hi’zan thei a hita pua’n; a poimaw chule gensen ding ahi puai.

THUGENTU 7:13

Pathian thilbawlte hi vak ngaitua tia; a kawi ah a bawl chu kua a hem hi’zang thei ding?

ISAI 26:7

Midiktatte lampi chu a nâm ah, Nang Midikpa chun midikte lampi chu, la hi’ngil piak sek hi.

ISAI 29:18

Zia ni phat chuleh, bengngongte chunle, lekhazial sung ah thute chu hethei ta’n tin uh; mitthûmte mit chunle, khawthim nuai leh thim lak inle, khua hun mu thei ta ding ahi.

ISAI 29:24

Thagau ah hi’khialte chun, hun hethiam ta’n tiu in, phunchiakte chunle, zilsakna thu pom thei ta’n au, ti in.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 30:21

Chuleh, la changlam a hem la veilam a hem ah la kiheina’n, la nung lam ah thu kigen la nakhang in hia’n tin, “Zia lam hi ahi a lampi, zia lam hi haw in,” ti in.

ISAI 32:3

Ziaphat chuleh, mutheina ding mit neite mit chu, sukthim hita pua’n tin; hetna ding nakhang neite chunle ngaitha ta’n au.

ISAI 35:5

Ziaphat chuleh, mitthûmte hung vak ta’n tin, bengngong nakhang chule hung kihong ta’n a;

ISAI 35:8

Zia tak ah chun lam tuangpi hung kithung intin, “Lamlian Thiangtho” ti hi’n a; mibuakte chun zia lamlian chu haw pua’n tiu in, Pathian mite â ding bep hita’n a. A haw tapo ngaituana bei nasa’n, gam mang pua’n au.

ISAI 40:4

Guamkuak zosia vuk sân hihen la, mual leh tâng zosia sukniam hi hen; a lei kituaklonate chu siam tuak hihen la, a photnate chule suknâm hihen.

ISAI 41:17

Migenthei leh chagate’n tui a hawl phat uh leh, bangma a mu ding uh umlo ah, dangchâk ziakin a lei uh chu a keu zaw tak leh; Keima Lalpa hin dawnhu ing ka tin, Keima Israelte Pathian hin amau chu nusia lo ding ka hi.

ISAI 41:3

a keng ah tual chuan man lo khop ah hat in a delzui ah, a delpha tai.

ISAI 45:2

la ma lam in a la chia ing ka tin, mualte chu a la hi’cham ing ka tin, sum-eng kul kotkhakte chu hisia’n, thîktawnte chu a la âtbot piak ding ka hi.

ISAI 45:7

Vâk ka la siam ah, chuleh, thimna le ka siam ah; maljawlna leh chunggikna le ka siam ahi; keima Lalpa hin zia zosia chu ka la bawl ahi.

ISAI 48:17

Nangma hun Tanpa, Israel Mithiangtho, Lalpa chun zia gual hin a gen hi: Keima hi Lalpa la Pathian, la phatna ding ah hun hilpa, la chiana lampi hun kaibâtpa chu ka hi.

ISAI 52:12

Kinaw tak ah la chiau ngai pua’n tin, lauthawng ah taidaw le ngai pua’n a; Lalpa chun la mau pui intin, Israelte Pathian chun la nung uh, hun dâl ding ahi ngâl a.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

ISAI 58:10

gilkial kiang ah an la piak ua, sukgenthei ah umte tâksapna la somdawl ua leh, la vakna chu thim lak ah chun hung kilang ta’n tin, la thimna chule sûnchang lai tak gual in, hung vâk ta’n a.

ISAI 62:12

Tichun, amau chu Mipi Thiangtho leh, Lalpa Tatdawsate, hun ti ta’n tiu in; chuleh, nang chule khawpi nutsia hilo in, “Hawldaw ah um” ti hung hita’n la.

EZEKIEL 14:23

A umdanteu leh a thilbawl danteu la mu phat leh, amau chun hun thamuan ta’n au; ziaphat chuleh, a chung ah ka thilbawl zosia hi a ziak leh jal bei ah ka bawl hilo ahi ti he ta’n la, Lalpa Pathian in a ti ahi.

HOSEA 2:14

Ziaziakchun, tun ama jawl ing ka tin, gamthip ah pui ing ka tin, aw nem tak in ama jawl ing ka.

HOSEA 2:6

Ziaziakchun, a lampi chu ling in dâl ing ka tin, ama dâl in bâng khat siam ing ka tin; a lampite muthei pua’n a.

AMOS 5:8

Bombial leh sizuhei suktun siam a, khawthim tak jingkal chansak a; khawvak chu janthim ah chansakpa, tuisuagiat ah tuite kodawk ah, lei chung ah gawtui zuksakpa chu, a min Lalpa ahi’n;

LUKA 3:5

A guam kuaknate chu vuk dim hi’ntin, a tângte leh a mualte chu sukniam hi’ntin; chuleh, a kawinate chu sukzan hi’ntin, a photnate chule suknâm hiding ahi.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

EPHESA 5:8

Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.

HEBRAITE 13:5

La hindan uh chu ênna panglo hihen; la nei dan dan un lungawi unla; ama chun, “Hun thâtham pua’ng ka tin, hun nusia ngai pua’ng ka,” a tingal a.

JOSHUA 3:4

zia lampi chu zui kha lo lai la hiziak un, la chiana ding uh lampi la hiattheina ding un. Ahi’n la, amau tawh la kikâl uh tong sang ni ah kikâk ahi zing ding ahi; zia sâng ah naizaw ah chun la zui lo diu ahi,” ti’n thu a piau a.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi: