ISAI 42:11 - PATHIAN LEKHABU THIANGTHO (BSI)

¹¹ Gamkeu leh a sung ah khawpi zosia leh, Kedar ah chêng zosia’nle a awu suau hen la; Sela ah chêngte’n kipak in La sau hen la, mual vûm ah kipat in hung kiko chiat tau hen.

ISAI 42:11 ပူးပေါင်းရင်းမြစ်များ

THILSIAM THU 25:23

Chun, Lalpa’n a kiang in: “La sûl ah hin nam pani a um un, la gilpi sung ngei ah hin nam pani kikhen in au. Nam khat chu pakhat sâng in hat zaw’n tin: ahi’n, a upa zaw chun a naupang zawk na chu, sêm in a,” a ti tai.

SAM 120:5

Meshek gam ah malzin ah, Kedarte puanbûk lak ah ka chên hi, ka chung a gik na lawm lawm e!

ISAI 12:5

Lalpa pâk in La sau in, lopi tak in thil a bawl ngal a; zia chu lei chung zosia ah het hi hen.

ISAI 16:1

Gamthip lampi hun hawtheng in, Sela khua kipat in, gam vaihawmtu â ding belamno, Zion chanu umna mual ah chun a hun thot ui.

ISAI 21:16

Zia gual hin Lalpa‘n ka kiang in a gen ta’ngâl a: Mi kithalawte sim dan gual ah, kum khat sung in Kedarte lopina zosia chu hung bei ta’n tin;

ISAI 32:16

Ziaphat chuleh, gamthip ah chun, dik tak ah vaihawmna um ta’n tin, gam phatna mun ah chun dikna chêngden ta’n a.

ISAI 35:1

Gamthip leh gam gawchâk chu hung lim ta’n tin, gamkeu chu kipak in hung lûn kit ding ahi; sahei gual in,

ISAI 35:6

ziaphat chuleh, kengbaite chu, sazuk gual in kichawm ta’n tin, pautheilote chunle lim tak in La hun sadok ta’n au. Gamthip ah tuite hung kikhawdok in, gamkeu ah lui luang del del ta ding ahi ngal a;

ISAI 40:3

Aw hung gi chun: Gamthip ah Lalpa lamlian ding bawl tup unla, gamkeu ah chun I Pathian â dingin lamlian bawl zang un.

ISAI 43:19

Thil thak khat hun bawl ding ka hi; tu’hin a hung dawndok tai, muthei nai lo la hiu em? Gamthip ah chun lamlian hun bawl ing ka tin, gamkeu ah chun luiliante hun luan sak ding ka hi.

ISAI 52:7

Zion kiang ah, “La Pathian in vai a hawm hi,” ti ah kichamna chanchinpha gen ding ah, thangko ding ah mual leh tângte chung ah, hung kalsuante chu a mêl uh a pha na e!

ISAI 60:7

Kedar ah belamhon zosia, la kiang ah hun puikhawm intiu in, Nebaioth ah belam zosia’n la na hun sep piak ta’n au; ka mâichâm ah pom piak hita’n tiu in, tichun, ka In lopi chu hun chawihoi ta’ng ka.

JEREMIAH 21:13

Aw nanghaw, phâijawl ah chêngte leh, phâijang suangpi chêng ah, “Kua a hem ei do ding ah hung kuan, kua a hem ka kul sung ua hung lut thei ding?” tite haw, en un, nang uh ka hun dodâl hi, Lalpa‘n a tii.

JEREMIAH 48:28

Aw, Moab gam ah chêngte haw, khawpi nusiau inla, suangbûk ah vachêng tau in! Kawlhawm gei ah bu sep, vakhu gual in vachêng ziang tau in.

JEREMIAH 49:16

Nang, kawl suangpi lak ah chêng a, tângsâng chung ah thuneipa, tizat umna la chaw’phul leh, la lungthim kiletsakna chun, a hun thêm pûk ta la hi chu! Mupi gual in sâng tak in bu sia male chin, zia kipat chun hun latha tho tho ding ka hi, Lalpa‘n a tii.

JEREMIAH 49:31

Hung kipan unla, thamuang tak ah chêng, bit kisa ma ma, kul kotkhak le nei lo, kotkhak thikjawl le umlo ah, a chang ah chêng namte chu vado hitiu, Lalpa‘n a tii.

EZEKIEL 27:21

Arabia tawh Kedar ah milian zosia le la belam, belamchal leh kêlchal ah kiveite a hiu ah; ziate ah hin nang tawh kiveina a siam ui.

OBADIAH 1:3

Nang, kawl suangpi kâl ah chêng ah, mun sâng tak ah chêng ah, la lungthim sung in, “Kua a hem lei tual ah ei kaitha thei ding?” la ti’n; la lungthim chapona chun a hun thêm ta ahi.

NAHUM 1:15

Mual leh tângte kân ah chanchinpha hun tun a, chamna thu tângkopi ah hung chu en tiam in! Aw Judah, la kûtte chu bawl inla, la thutepte chu mualsua ta’n; migilo chun la gam hun sim kit ta pua’n au, amau chu sukmanthai dim dem ahi ta’ngal un.