ISAI 42:1 - PATHIAN LEKHABU THIANGTHO (BSI)

¹ Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 42:1 ပူးပေါင်းရင်းမြစ်များ

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

SAM 72:4

Mipite lak ah genthei thuakte chu panpi hen la, tasamte chu hukdok hen la, mi sugentheite chu vang gawtnawi hen.

SAM 89:4

La suante chu kumtuang dai dingin phudet ing ka tin, la lalchutpha chule suan zosia â dingin, lem ding ka hi,” la ti ta ngal a.

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

ISAI 32:16

Ziaphat chuleh, gamthip ah chun, dik tak ah vaihawmna um ta’n tin, gam phatna mun ah chun dikna chêngden ta’n a.

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,

ISAI 41:9

lei mong lam pek ah kipat ka hun puidok a, leimun gamla pen ah kipat ka hun kodok a, la kiang in: Nang hi ka suak la hi, keima ngei in ka hun têlchuam la hi’n, hun paitha lo ding ka hi;

ISAI 42:2

Kiko pua’n tin, aw sâng inle pau pua’n a; khawlai ah hetkham inle husa nei pua’n a;

ISAI 43:10

Nanghaw hi ei hiatpite chu la hiu a, ka nasemtu ka hun têldaw la hiu a, keima hi lei hun het ua, lei taksan theina ding uh leh, ama chu Keima hi ka hi ti, lei hetchianna ding un, Lalpa‘n a ti ahi. Ka masang ah hin pathian khat chale, siam a la um pua’n, ka nung inle um diak lo ding ahi.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

ISAI 52:13

En un, ka nasempa chu lawting in a; ama chu chawihoi leh choisân ah um in, sâng tak ah koisân in hung um ding ahi.

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

ISAI 63:1

Zia tak ah Bozrah puanlo ah kihuan hun sil ah, Edom gam ah kipat hung ah, puan lopi tak sil pum ah, a hatna nasa tak tawh hung saw kua a hem? “Keima, a thiamchan dan uh genlangtu leh, hukdam ding ah hat chu ka hi”.

HAGGAI 2:23

Zia ni chuleh, sepai honte LALPA‘n: Aw Zerubbabel ka suakpa, Shealtiel chapa, hun panpi ing ka, sepai honte LALPA‘n a tii; khutsebi min namna gual in hun siam ing ka; nang ka hun têl ta ngal ah, sepai honte LALPA chun a tii.

ZEKARIAH 3:8

Tu’hin, thiampu lianpen Joshua tawh la kithuapi la âng ah chu zingte chun, pha tak in ngai tau in! Amau chu thil hung tung ziang dingte hetlawkna ahi ngal a. Ka suak a Bâk chu hun puidawk ngal ding ka hi tai.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

LUKA 3:22

Thagau Thiangtho chu vakhu gual in a chung in a hung chû. Van ah kipat aw hung pawt chun, “Nangma, ka Chapa dawi tak la hi, la chung ah ka kipak ma ma hi,” a hun tia.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

LUKA 4:19

Lalpa lungdam kum thu puangjak dingin ei sawl ahi,” ti hi.

LUKA 9:35

Chuleh, sûm lak ah kipat chun aw a hung pawt a, “Zia hi ka Chapa dawi tak chu ahi, ama thu ngai un!” a hun tia.

JOHAN 16:32

A hun a hung tung tai, tu’ ma ma hin a hung tung tai, nangmau In lam chiat in ei nusia in la tiu in, keima ngen in ei nusia ding la hiu. Himaleh, kei ngen ka hi puai, Pa chun ei umpi zing hi.

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

JOHAN 6:27

an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 11:18

Zia thute chu a hun het phat un a thip tau a. Pathian in Jentelte le hinna a neitheina ding ua a lung hei uh a phal piak tai, ti in Pathian a pakcha tau hi.

NASEPTE 28:28

Ziaziakchun, zia hi he tau in, zia Pathian hukdamna hi Jentelte kiang ah sawl a hita’n, amau chun a la ngai ta’n au, a tia.

NASEPTE 9:15

Himaleh, Lalpa chun a kiang in, “Chia mai in; ama hi Jentelte leh lalte tawh Israel chate kiang ah ka min pawlut ding ah matchâk ding ah ka têl ahi;

EPHESA 1:4

ama ah thiangtho leh demna umlo ding ah lei chung pian masang ah ei uh ei la têl tâk gual in.

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

PHILIPPI 2:7

himaleh, ama chu mihing ah hung kisiam in, suak gual ah hung kihi’niam in, mihing mêlpu ah siam in a hung um ta’n;

KOLOSSA 1:13

Ama chun thim thuneina lak ah kipat ei hukdok in, a chapa doichuam gam ah chun ei lângkâi tai;

1 PETER 2:4

Ama chu suanghing, mihingte doilo himaleh, Pathian têl leh man tam chu ahi;

1 PETER 2:6

Ziaziakchun, Pathian Lekhathu ah chun, “Ngai un, Zion ah a kil ah suang poimaw pen, têldaw leh man tam ka lem tai; ama gingtute chu mualpho pua’n au,” ti a um hi.