ISAI 41:27 - PATHIAN LEKHABU THIANGTHO (BSI)

²⁷ Keima’n Zion kiang in ka la tâklang ta’n, Jerusalem kiang inle chanchinpha, tângsam ding ka piai.

ISAI 41:27 ပူးပေါင်းရင်းမြစ်များ

ISAI 40:9

Aw Zion, chanchinpha hun tuntu, mual sâng chung ah kal to in. Aw Jerusalem ah chanchinpha hun tuntu, a ngai thei pen in kiko inla, kikodok inla, lau kin; Judai gam ah khawpite kiang in: “La Pathian uh zia hin a um hi,” ti’n hil un.

ISAI 41:4

Zia chu kua’n a bawl, kua’n a la guanggal ah, a tîl ah kipat khang tam tak hun kodokpa chu kua a hem? Keima, Lalpa hi a masa pen ah umpa leh, a nunung pen ah le pang ding ka hi.

ISAI 43:10

Nanghaw hi ei hiatpite chu la hiu a, ka nasemtu ka hun têldaw la hiu a, keima hi lei hun het ua, lei taksan theina ding uh leh, ama chu Keima hi ka hi ti, lei hetchianna ding un, Lalpa‘n a ti ahi. Ka masang ah hin pathian khat chale, siam a la um pua’n, ka nung inle um diak lo ding ahi.

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

ISAI 46:9

nidang lai ah thiltung te kha hezing un; Keima hi Pathian chu ka hi’n, kuama dang a um paw’ngal a. Keima hi Pathian ka hi, keima tawhbang kuama dang a um puai.

ISAI 48:12

Aw Jakob, ka têlchuam Israel, a la ngai tiam in: Keima hi ama chu ka hi’n, a masa pen ka la hi’n, a nunung pen le ka hi.

ISAI 48:3

Masang pek ah khan, ma lai ah thil tung dingte chu, ka la tâklang ta’n; ka kam in ka la gen ta’n, ka la hiatsak zo tai; phutlo in ka la bawl ah, a la guitung ta mai hi.

ISAI 52:7

Zion kiang ah, “La Pathian in vai a hawm hi,” ti ah kichamna chanchinpha gen ding ah, thangko ding ah mual leh tângte chung ah, hung kalsuante chu a mêl uh a pha na e!

NAHUM 1:15

Mual leh tângte kân ah chanchinpha hun tun a, chamna thu tângkopi ah hung chu en tiam in! Aw Judah, la kûtte chu bawl inla, la thutepte chu mualsua ta’n; migilo chun la gam hun sim kit ta pua’n au, amau chu sukmanthai dim dem ahi ta’ngal un.

ROMTE 10:15

Sawl a hilo ua leh bangti’n thu gen thei ding a hiu em? “Chanchinpha hun tuntute keng chu a mêlpha na lawm lawm e!” ti zik gual ah khan.

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi: