ISAI 41:26 - PATHIAN LEKHABU THIANGTHO (BSI)

²⁶ “A gen chu a dik na e,” ti’thei dingin a lim ah kipat kua’n a la gen ta, I hettheina ding un masang ah kua’n a la gen tau ah a hem? Kuama a gendok a um puau hi, kuama’n a kitangkopi le a um pua’n, kuama la thu he’kha le a um diak puau hi.

ISAI 41:26 ပူးပေါင်းရင်းမြစ်များ

ISAI 41:22

La milim pathianteu hun keng unla, bang gual thil hung tung ding a hem, ti hung genlawk un; tichun, a hung tun phat leh, a la hethei ngâl ing kau. Masanglai ah thil a la tungsate chu, hilchian unla, bang ti’na a hem ti ei hil un.

ISAI 41:4

Zia chu kua’n a bawl, kua’n a la guanggal ah, a tîl ah kipat khang tam tak hun kodokpa chu kua a hem? Keima, Lalpa hi a masa pen ah umpa leh, a nunung pen ah le pang ding ka hi.

ISAI 43:9

Nam zosia chu hung khawm uh hen la, chi tinte chu hung kikhawm tau hen. Zia thil hi hun tâklang thei leh, thil umsate ei hun genlawk piak thei, la lak un kua la um awm? A dik dan hiatpite hun puidok uh hen la, chutichun, ngai uh hen la, “A dik hi,” ti tau hen.

ISAI 44:7

Keima tawhbang kua ‘hem um? Hung kipuang uh hen la, ka âng ah hin hung kitâklang tiam uh hen. Kua ‘hem thil hung tung dingte ma sang lai ah kipat a la gendok thei? Thil hung tung dingte chu, ei vak gen piak tiam uh hen.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

ISAI 46:9

nidang lai ah thiltung te kha hezing un; Keima hi Pathian chu ka hi’n, kuama dang a um paw’ngal a. Keima hi Pathian ka hi, keima tawhbang kuama dang a um puai.