ISAI 41:22 - PATHIAN LEKHABU THIANGTHO (BSI)

²² La milim pathianteu hun keng unla, bang gual thil hung tung ding a hem, ti hung genlawk un; tichun, a hung tun phat leh, a la hethei ngâl ing kau. Masanglai ah thil a la tungsate chu, hilchian unla, bang ti’na a hem ti ei hil un.

ISAI 41:22 ပူးပေါင်းရင်းမြစ်များ

ISAI 41:26

“A gen chu a dik na e,” ti’thei dingin a lim ah kipat kua’n a la gen ta, I hettheina ding un masang ah kua’n a la gen tau ah a hem? Kuama a gendok a um puau hi, kuama’n a kitangkopi le a um pua’n, kuama la thu he’kha le a um diak puau hi.

ISAI 42:9

En un, thil masate chu a bei kawm ta’n, thilthakte chu ka hun tâklang tai; zia thilte chu a hung tun ma’n, a um ding dan chu ka hun hil la hiu, a tii.

ISAI 44:7

Keima tawhbang kua ‘hem um? Hung kipuang uh hen la, ka âng ah hin hung kitâklang tiam uh hen. Kua ‘hem thil hung tung dingte ma sang lai ah kipat a la gendok thei? Thil hung tung dingte chu, ei vak gen piak tiam uh hen.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

ISAI 45:22

Nanghaw, kawlkil tiang ah umte haw, keima lam hun ngau inla, hukdam in um tau in! Keima bep hi Pathian ka hi’n, a dang a um puai.

ISAI 46:10

A tîl ah kipat in a tawp tiang ding ka tâklang ta’n, a hung tung nailote le tuan ah tâng ah kipat khan, ka la gen lang ta’n; “Ka thil guanggal chu guitung intin, ka lunggêl chu hung tungding ahi,” ka la ti ta’ngal a.

ISAI 48:14

La leng un kikokhawm unla, ngai un! A lak ua kua pen in zia gual thilte hi a gen lang kha em? Lalpa‘n ama chu a hepi ah; Babulon chung ah a thiltup mualsua intin, a khutbân chu Kaldaite chung in hun tha ta’n a.

ISAI 48:3

Masang pek ah khan, ma lai ah thil tung dingte chu, ka la tâklang ta’n; ka kam in ka la gen ta’n, ka la hiatsak zo tai; phutlo in ka la bawl ah, a la guitung ta mai hi.

JOHAN 13:19

Tu’hin, a hun tun ma ka hil la hiu, zia chu a hung tun tak leh keima ka hi, ti hun hechian ta’n lau.

JOHAN 16:14

Keima ei chawisâng in a. Ama chun kei â zosia chu la’n tin, la kiang un hun taklang in a.