ISAI 41:18 - PATHIAN LEKHABU THIANGTHO (BSI)

¹⁸ Tâng gawchâk ah chun lui lian tak tak, hun luandawsak ing ka tin, phâijawl tin ah tuinâk hun pûtsak ding ka hi; gamkeu chu dîl hung suak intin, gam gawchâk chun tuihing hung pût ta’n a.

ISAI 41:18 ပူးပေါင်းရင်းမြစ်များ

SAM 104:10

Phâijawlte ah chun tuinâk kikhaw dokte la siam ah; tângte kikâl in a luang un,

SAM 105:41

Suangpi a hong ah, tichun, tui a hung kikhawdok ah; gamkeu ah chun luipi gual in a luang tai.

SAM 107:35

Gamkeu chu dîl a suaksak in, tâng gawchâk chu tuinâk hing a chansak hi.

SAM 126:4

Aw Lalpa, Negeb lam ah luicha luangte gual in, vangphatna ei pia kit in.

SAM 46:4

Lui pakhat a um ah, zia lui bâkte chun Pathian khawpi a kipaksak un, Chungnung Penpa chênna thiangtho ngei chu.

ISAI 12:3

Hukdamna tuikulte ah kipat chun, kipak tak in tui thâldok ta’n lau;

ISAI 30:25

Kitha’na ni huaisia chu a tun phat leh, gâlvên bûk zosia chimtha ta’n tin, mual lian zosia leh tângsâng zosia ah kipat in luichate chu hung luangdok ta’n a.

ISAI 32:2

Amau chu hui lak ah kisêlna, thigawpi lak ah kihumbitna hi’ntin uh, gamkeu ah luicha tui luang leh, gamkeu cholmun umlo’na suangpi lîm gual hung hita’n au.

ISAI 33:21

Ziaziakchun, lopi tak ah um Lalpa chu, mêlmate pum jap thaw leh, long thupi takte’n a haw khak lo, ei uh â ding ah luipi leh, lui lian tak umna gam lian tak hung hita’n a.

ISAI 35:1

Gamthip leh gam gawchâk chu hung lim ta’n tin, gamkeu chu kipak in hung lûn kit ding ahi; sahei gual in,

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

ISAI 48:21

Gamkeu ah a puithen lai inle a dang uh a châk pua’n; amau â dingin suangpi kipat in tui a luan dawsak in; suangpi khen kêk in, zia kipat chun tui a luangdok tai.

ISAI 58:11

Lalpa‘n hun pui huai zing ta’n tin, tâng gawchâk mun inle, la tâksap zosia hun tua intin, la gu leh châng zosia hihat in a. Tichun, tui in a chapno zing, huan tawhbang ta’n la tin, tuinâk pha tak, a tui kang ngai lo gual chu, hung hita’n la.

ISAI 65:13

Ziaziakchun, Lalpa Pathian in zia gual hin a gen hi: Ngaitia, ka suakte chun vâ tak in ne’n tiu in, ahiziak in, nanghaw vang gilkial in lau; ngaitia, ka suakte’n niang leh tai in dawn intiu in, nanghaw vang dangchâk in lau; ngaitia, ka suakte chu lim leh kipak in um intiu in, nanghaw vang zakcha tak in hung um in lau;

JOEL 3:18

Zia ni chuleh, tângte chun uain thum vatsak ta’n tin, mualte ah chun bawngnawi luang intin, Judai gam ah lui guam zosia chun, tui luang ta’n a; Lalpa In ah kipat in tuinâk hung luangdok intin, Wadi Shittim chu tui in buak khum ta’n a.

ZEKARIAH 14:8

Ziaphat chuleh, Jerusalem ah kipat in tuihing hung luangdok ta’n tin: A kimkhat chu sualam tuisuagiat ah, a kimkhat tumlam tuisuagiat ah luang lut ta’n a; nipi leh phalbi inle danglam pua’n a.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.

VAIHAWMTE 15:19

Tichun, Pathian in Lehi mun ah chun leikuak a hun umsak ah, zia kipat chun tui a hung luangdok ta’n. Tui chu a dawn zaw phatin a hung hal thak kit tai. Ziaziakchun, zia mun chu, En-hakkore sak in a um ta’n; zia chu tu’ni tiang ah hin Lehi mun ah chun a um nalai hi.