ISAI 41:17 - PATHIAN LEKHABU THIANGTHO (BSI)

¹⁷ Migenthei leh chagate’n tui a hawl phat uh leh, bangma a mu ding uh umlo ah, dangchâk ziakin a lei uh chu a keu zaw tak leh; Keima Lalpa hin dawnhu ing ka tin, Keima Israelte Pathian hin amau chu nusia lo ding ka hi.

ISAI 41:17 ပူးပေါင်းရင်းမြစ်များ

THILSIAM THU 28:15

La kiang ah um zing ing ka tin, la chiana tapo ah hun vêng zing ing ka tin, la kiang ah ka thugen hi ka bawl masang sia hun nusia lo ding ka hi,” a ti’n.

1 LENGTE 17:8

Lalpa‘n a kiang in thu a hun gen a:

2 KHANGTHU 6:17

ziaziakchun, Aw Lalpa, Israelte Pathian! La suak David kiang ah la thutiamna paukamte chu sukpitin in um ta hen!

SAM 22:15

Ka kam hi bêlhal gual in a keugawp ta’n, ka lei le ka khadang in a bek den ta’n; thi’na leivui lak in lei lupsak ta ahi.

SAM 34:6

Zia migenthei hi a kiko ah, zia chu Lalpa‘n a hia’n, a lungdonna zosia lak ah kipat in a hukdok tai.

SAM 37:25

Naupang ka la hita’n, tu’hin chu teksia ka hung hi tai; ahi’n, midik nutsia ah um leh, a suante an don le ka mu nai diak puai.

SAM 42:2

Ka hinna Pathian thangai in, Pathian hing ngai in a dangchâk hi. Bangtik leh Pathian kiang tung in, a mêl ka mu diam maw?

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SAM 74:21

Nuaisia ah umte chu mualpho sak kin la; genthei leh chagate chun la min pâk tau hen.

SAM 94:14

Lalpa‘n a mite hemil pua’n tin, a gochante chule nusia diak pua’n a;

PAWTDAWNA THU 17:3

Himaleh, mipite chu tuidu in a dangchâk ta ma mau a; tichun, mipite chu Mosi chung in a phunchiak tau a, a kiang in, “Bang ding ah kei uh leh ka chateu leh ka ganchateu dangchâk ah thi’sak ding ah Aigupta ah kipat lei puidaw a hem?” a tiu a.

PAWTDAWNA THU 17:6

Horeb ah Suangpi chung in la ma-âng ah a la ding di ka hi. Suangpi chu jep in la tin, zia kipat chun mipite dawn ding tui hung pawt ding ahi,” a tia. Zia gual chun, Israel upate mit mu ah chun Mosi’n a bawl tai.

ISAI 30:19

Aw Jerusalem ah chêng Zion mipite haw, kap ta pua’n lau. La kâ thawm uh chu hia’n lainat intin, a het phat phat leh hun dawnhu ngal ding ahi.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 43:20

Gamlak sate’n ei hun ja intiu in, si-al leh vagawlsauten le ei hun ja ta’n au; gamthip ah tui ka piak ah, gamkeu ah luiliante luansak in, ka mi têlchuamte dawn ding ka piak ah,

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

ISAI 48:21

Gamkeu ah a puithen lai inle a dang uh a châk pua’n; amau â dingin suangpi kipat in tui a luan dawsak in; suangpi khen kêk in, zia kipat chun tui a luangdok tai.

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

ISAI 55:1

Dangchâk zosia tui tamna lam ah hin hung un; dangka neilote le hung unla, hung kichawk in dawn un! Hung unla, uain leh bawngnawi, dangka ngai lo in, a man bei in hung kichawk tau in.

ISAI 58:11

Lalpa‘n hun pui huai zing ta’n tin, tâng gawchâk mun inle, la tâksap zosia hun tua intin, la gu leh châng zosia hihat in a. Tichun, tui in a chapno zing, huan tawhbang ta’n la tin, tuinâk pha tak, a tui kang ngai lo gual chu, hung hita’n la.

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

ISAI 62:12

Tichun, amau chu Mipi Thiangtho leh, Lalpa Tatdawsate, hun ti ta’n tiu in; chuleh, nang chule khawpi nutsia hilo in, “Hawldaw ah um” ti hung hita’n la.

ISAI 65:13

Ziaziakchun, Lalpa Pathian in zia gual hin a gen hi: Ngaitia, ka suakte chun vâ tak in ne’n tiu in, ahiziak in, nanghaw vang gilkial in lau; ngaitia, ka suakte’n niang leh tai in dawn intiu in, nanghaw vang dangchâk in lau; ngaitia, ka suakte chu lim leh kipak in um intiu in, nanghaw vang zakcha tak in hung um in lau;

ISAI 65:24

Ei ko masang un dawnhu ngal ing ka tin, a gen zaw masang un a la ngaitha ngal ding ka hi.

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

JEREMIAH 31:25

Thachawl zosia hitai ing ka tin, basam zosia le suhal ing ka.

KÂ LATE 4:4

Nau nawicheplaite lei chu dangchâk ziakin, a dangchawng un a bekden zo ta’n; naupangte chun an a ngêk un, kuama’n bangma a pia puau hi.

EZEKIEL 47:8

Chuleh, ka kiang in, “Zia lui hi sualam ah luang in Arabah ah luang lut ahi; tuisuagiat kiting a tun phat leh, a tui chu hung thiang ta’n a.

MATTHAI 5:3

Thagau ah tasam ahi lam kihete chu mi hampha a hiu, van-gam chu amau â ahi ngal a.

MATTHAI 5:6

Dikna ngai ah gilkial leh dangchâkte chu mi hampha a hiu; Tai leh niansak ah um ding ahi ngal un.

LUKA 16:24

A vak ko a, “He pa Abraham, ei lungsiat inla, Lazar kha hun sawl in; ka lei sukdaina dingin a khutzung mûk kha tui in hun diatop hen, zia meikuang hin ei hi’na ma ma ziang hi” a ti’n.

2 KORINTH 12:9

himaleh, ama’n ka kiang in, “Ka hepina nang â di’n a hun hi, ka thilhitheina hi hâtlona sukbukim ah um sek ahi,” a ti’n. Ziaziakchun, Khrista thilhitheina chu ka chung ah a um theina dingin, kipak tak in ka hatlonate hi suang zaw ta’ng ka.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.