ISAI 41:16 - PATHIAN LEKHABU THIANGTHO (BSI)

¹⁶ Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 41:16 ပူးပေါင်းရင်းမြစ်များ

SAM 1:4

Mi nunsiate vang zia gual chu ahi puau hen, busi hui in a tawmang gual bep ahi zawu hi.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 17:13

Namtin tuisânglet husa gual in, a kitum lut lut ui; maleh, Pathian in amau chu vau intin, busi hui in a mut mang gual in, mual lak ah del chek ah um in, chîmpei in leivui a mûtlên gual in, gamla tak ah jam mang ta’n au.

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 28:5

Zia hun chuleh, sepai honte Lalpa chu, a mipi um nalai sunte â dingin, a lopinau pâkcha khî leh, a lallukhuk uh jemna hung hita’n tin;

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 29:5

Himaleh, la mêlmate chu vang, leivui nêl gual bep hi’ntin uh, mi khawksak bei ah tawite chule, busi hui in a taw mang gual bep hung hita’n au. A kigin lo kâl un phutlo in, zia gual siatna chu a chung un tung intin;

ISAI 35:10

Tichun, Lalpa tatsate chu, hung kile’kit intiu in, La sa kawm in Zion ah hung intiu in, a luchung un kumtuang kipakna chu khuk ta’n au; kipakna leh nopna chang ta’n tiu in, lungngaina, thûm leh mauna chu lêng mang ta’n a.

ISAI 40:24

Phû ahi masang leh, tû ahi masang leh lei ah a zung uh a thâk masang un, a chung uh a hun mût sak phatin, a vuaitha zo tau ah; busi gual in huipi chun a tokmang tai.

ISAI 51:3

Lalpa‘n Zion chu thamuan ding ahi ngâl a; a mun siatna zosia chu thamuan intin, a gamthip chu huan a hem gual in, a gamkeu haw chule Lalpa huan gual in hun siam in a. Kipakna leh limna ama ah um intin, kipak thugenna leh Lasak git het hita’n a.

ISAI 60:19

Sûn ah la meivak ding chu, nisa hita pua’n tin, jan ah a hun salvâk dingle, thapi hi diak ta pua’n a; maleh, Lalpa chu la kumtuang meivak ding hita’n tin; chuleh, la Pathian chu, la lopina ding uh hung hita’n a.

ISAI 65:18

Himaleh, zia ka thilsiam ziak ah chun, lim leh kipak tak in um zing un; ngai tiam in, Jerusalem chu kipakna ding leh, a sung ah chêngte le limna hiding in ka siam ahi.

JEREMIAH 15:7

A umchan uh a khiam lo ziak un, gam sung ah kotpi bul tincheng ah, bu vokna mol ah vua’n ka thîtchil tai; a cha leh nauteu ka sûn sak ta’n, ka mipite chu ka that gam tai.

JEREMIAH 51:2

Babulon ah a sî sêp chil ding hun sawl ing ka tin, hun sêp chil in au. Zia gual ah buaina ni chu, kiltin ah kipat a hung tun phat leh, a gam chu hun su’awng in a.

JEREMIAH 51:20

Nang chu ka khetbûk leh, gâldo’na matchâk la hi; nangma mang in nam tinte ka khênjak ah; lenggamte suksiatna’n ka hun mang in;

JEREMIAH 51:33

Sepai honte Lalpa, Israelte Pathian in, zia gual hin a la gen a: Babulon chanu chu buchilna phual gual ahi; chomlokâl in buchil hun, pawltâk chu hung tung pai ta’n a.

DANIAL 2:35

Chuleh, thîk tawh, tung tawh, sum-eng tawh, sanate chu a leng un nipi lai ah buphual ah busi gual mai in a buang dim dem tau ah; chuleh, hui in a hun mût mang ta’n, a um nau him himle mu ding a um ta puai. Himaleh, zia milim hun sepnawn suangtum chu mual lian tak hung suak in, lei chung pumpi a hun lua suak tai.

HOSEA 11:9

Ka lungnatna huaisia tak chu mualsua pua’ng ka tin; Ephraim susia kit pua’ng ka; mihing hilo in Pathian nangmau lak ah, Thiangthopa chu ka hi’ngal a. Chuleh, lungna kawm inle hung lo ding ka hi.

JOEL 2:23

Aw Zion chate haw, Lalpa la Pathian ua chun kipak in lim tau in; ama’n gawtui masa chu a hun takin a pia hen, gawtui kiningting tak in a hun leibua, gawzu masa leh a nunung chu, tu’ma lam gual ah khan a hun peta ngal a.

MIKAH 5:8

Chuleh, Jakob mi um nalai sunte chu, nam tam tak in hualvêl ziang maleu, gammâng ah gamsate lak ah sakeibaknei gual leh, belam hon lak ah sakeibaknei vanglai gual in um in au; a pawt daw phat leh chuanchil pek in, bottel malam pek intin, ama ah kipat hukdok ding kuama a um puai.

HABAKKUK 3:18

Lalpa ah chun kipak zing ing ka tin; ka hukdamna Pathian ah chun kipak zing ing ka.

MATTHAI 3:12

A khut in phajâp a chawi ah, a bu’te chu hun jap thiang intin, a bupang ah chun koihe in a. Busite vang chu mei mitthei lo ah chun hâl ta’n a,” ti’n a gen a.

ROMTE 5:11

Zia bep chule ahi puai, kichamna, tu’ ei musakpa I Lalpau Jesu Khrista jal ah hin, Pathian chu I suang tau ahi.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.