ISAI 41:15 - PATHIAN LEKHABU THIANGTHO (BSI)

¹⁵ Tu’hin, nang uh chu buhêkna khawl thak, hiam tak, a thak leh ha hiam tak nei in, hun siam ding ka hi; tângte chu hêk in la tin, hêk buang inla; mualte chule busi suaksak inla.

ISAI 41:15 ပူးပေါင်းရင်းမြစ်များ

JOB LEKHABU 41:30

A tumpi nuaite chu lei kihâl tâk gual in a hiam ah, chikdawp lak ah phualphêk gual in a kiphâ ziang hi.

SAM 18:42

Hui in leivui a mût mang gual in ka khenbuang in; lam lai buanthuak gual in ka paidok tai.

ISAI 17:13

Namtin tuisânglet husa gual in, a kitum lut lut ui; maleh, Pathian in amau chu vau intin, busi hui in a mut mang gual in, mual lak ah del chek ah um in, chîmpei in leivui a mûtlên gual in, gamla tak ah jam mang ta’n au.

ISAI 21:10

Aw, ka buchilsa leh jap thiansate haw, sepai honte Lalpa, Israel Pathian ah kipat, ka hiatte chu la kiang un ka hun tâklang hi.

ISAI 28:27

Lengmasêl chu buchilna khel khel ah chil a ngai pua’n; pathikhawm chu kângtalai gawtsak ahi diak puai; lengmasel chu molkang ah khet pul ziang thei ahi’n, pathikhawm chule tiangkang ah khet thian ziang thei ahi.

ISAI 29:5

Himaleh, la mêlmate chu vang, leivui nêl gual bep hi’ntin uh, mi khawksak bei ah tawite chule, busi hui in a taw mang gual bep hung hita’n au. A kigin lo kâl un phutlo in, zia gual siatna chu a chung un tung intin;

ISAI 42:15

Mual leh tângte hun nuai ing ka tin, a chung ah hamhing zosia keugawpsak ta’ng ka; luipite chu thialkâl suaksak ing ka tin, dilte chule keusak ing ka.

ISAI 64:1

Aw, la mêlmate kiang ah la min tâklat ahi’n, namtin in a hun lau ua, la ma-âng ah a hung kithin theina ding un,

JEREMIAH 51:20

Nang chu ka khetbûk leh, gâldo’na matchâk la hi; nangma mang in nam tinte ka khênjak ah; lenggamte suksiatna’n ka hun mang in;

JEREMIAH 51:33

Sepai honte Lalpa, Israelte Pathian in, zia gual hin a la gen a: Babulon chanu chu buchilna phual gual ahi; chomlokâl in buchil hun, pawltâk chu hung tung pai ta’n a.

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

EZEKIEL 33:28

Gam chu thawmhau tak ah nutsia hi’ntin, a kisuanpiu a hatnau chu hi’bei ing ka; Israel gam ah tângte chu nutsia hi’ntin, kuama chia ta pua’n au.

DANIAL 2:35

Chuleh, thîk tawh, tung tawh, sum-eng tawh, sanate chu a leng un nipi lai ah buphual ah busi gual mai in a buang dim dem tau ah; chuleh, hui in a hun mût mang ta’n, a um nau him himle mu ding a um ta puai. Himaleh, zia milim hun sepnawn suangtum chu mual lian tak hung suak in, lei chung pumpi a hun lua suak tai.

MIKAH 4:13

Aw Zion chanu, kipan inla, chil in; la kî chu thik gual leh, la tinte chu sum-eng gual in siam ding ka hi’ngal a; mi tam takte chu vaw gawp in la tin; zia chung ah punna chu Lalpa â dingin koi chuam inla, a hausaknau zosia chu leilung pumpi, Lalpa â dingin koi chuam ta’n lau.

MIKAH 5:8

Chuleh, Jakob mi um nalai sunte chu, nam tam tak in hualvêl ziang maleu, gammâng ah gamsate lak ah sakeibaknei gual leh, belam hon lak ah sakeibaknei vanglai gual in um in au; a pawt daw phat leh chuanchil pek in, bottel malam pek intin, ama ah kipat hukdok ding kuama a um puai.

HABAKKUK 3:12

La siatsona’n lei la chuan suak ah, hachangthak in namtin la chuanchil tai.

ZEKARIAH 4:7

Aw nang uh tâng thupi takte haw, bang ah kibawl la hiu em? Zerubbabel âng ah chun phâicham hung suak ding la hiu; kipakna kiko aw Pathian in maljawl hen! Pathian in maljawl hen! ti ah kiko kawm in a suangtian chungnung pen chu hun lem khawm zo ta’n au,” ti in.

JOSHUA 17:18

tâng gam zosia hi nanghaw chan ding hihen; gammâng himaleh vât thiang in, a gamgi jul tiang un la lua diu ahi; Kanaan mite chu bang gual ah hat in, thîk kângtalaite nei ziang maleu le nawdok tho tho ding la hiu,” ti’n a dawnhu tai.

VAIHAWMTE 6:16

Lalpa‘n a kiang in, “Himaleh, hun umpi ing ka tin, Midiante chu a leng un that zo ding la hi,” a tia.