ISAI 41:14 - PATHIAN LEKHABU THIANGTHO (BSI)

¹⁴ Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 41:14 ပူးပေါင်းရင်းမြစ်များ

JOB LEKHABU 19:25

Ei Tanpa chu a hing zing hi ti ka he’i, ama chu ni tawp ni leh, lei chung ah hin hung ding di ahi’n,

JOB LEKHABU 25:6

mihing, lungno tawhbang bep, mihing, tangtêl tawhbang bep hi, bangti’n thiang sathei ding a hem? ti in.

SAM 19:14

Aw Lalpa, ka suangpi leh ei Tanpa, ka kam ah thu pawtte leh, ka thinlung ah ka ngaituanate hi, la mit mu ah pom tâk hitau hen!

SAM 22:6

Kei vang lungno tawhbang mai ka hi’n, mihingle ka hi puai; midangte tawtnopna leh engsiatna mai ka hi.

SAM 46:5

Pathian chu khawpi lailung in a um ah, kilîng pua’n a; Pathian in phalvak ah chun hun panpi in a.

SAM 78:35

Pathian chu a suangpiu ahi ti leh, Chungnung Penpa chu amau Tanpa ahi, ti a hun hedok kit ui.

ISAI 35:10

Tichun, Lalpa tatsate chu, hung kile’kit intiu in, La sa kawm in Zion ah hung intiu in, a luchung un kumtuang kipakna chu khuk ta’n au; kipakna leh nopna chang ta’n tiu in, lungngaina, thûm leh mauna chu lêng mang ta’n a.

ISAI 37:4

Lalpa la Pathian in, Assuria lengpa’n Pathian hing hosia ding ah Rabshakeh a hun sawl in, a thugen zosia kha a la he ta ngei intin; zia a thugen a het zosia dungzui chun Lalpa la Pathian in a la vau thuk kit ta hen. Ziaziakchun, nutsia ah a la umte â ding ah chun a la pauchap piak ta’n,” a tiu a.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 43:14

Lalpa, nanghaw Tandokpa, Israel Mithiangtho chun: Nangmau ziakin Babulon ah mi sawl ing ka tin, a khawpi kul zosiau hisia’n, Kaldaite limna husa chu Kâ La’n theng ding ka hi.

ISAI 43:3

Lalpa la Pathian, Israel Mi Thiangthopa, a hun hukdokpa chu ka hi’ngal a. Nangma kitatdawna dingin, Aigupta gam chu ka pedok ta’n, nangma thatheng dingin, Ethiopia leh Sheba gamte hi ka pedok tai.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

ISAI 47:4

Ei Tanpa, sepai honte Lalpa chu a min ahi’n, Israelte Mi Thiangthopa chu ahi.

ISAI 48:17

Nangma hun Tanpa, Israel Mithiangtho, Lalpa chun zia gual hin a gen hi: Keima hi Lalpa la Pathian, la phatna ding ah hun hilpa, la chiana lampi hun kaibâtpa chu ka hi.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 49:7

Israelte Tandokpa leh a Mithiangtho, nam tinte musit leh ki’dak ah um, vaihawmte suakpa Lalpa chun zia gual hin a gen hi: “Lengte’n la pawtdok uh mu’n dingdok intiu in, lalte’n hun mu’n, la ma’n bokkhup in au. Lalpa ginum leh, Israel Mithiangthopa’n nang uh, hun têldokpa ziakin,” ti in.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

ISAI 54:8

Ka lungnatna huaisia tak ziakin, chomkhat ka hun kisêl mangsan ah; maleh, kumtuang hepina ziakin, hun lainat zing ta’ng ka, ti’n Lalpa, nangma hun Tanpa chun a gen hi.

ISAI 59:20

Chun, Jakob Inkuan ah mi, a hi’khelnau haisante kiang ah chun, a Tan pau gual in Zion ah chun, hung ding ahi, Lalpa‘n a tii.

ISAI 60:16

Nam tinte hausakna leh, leng leh lalte nei leh lam zosia chomgam ta’n la; zia tak chuleh, Jakob, Mihatpa, nangma hun Tanpa, la Hukdampa chu, Keima Lalpa hi ka hi ti hun he ta’n lau.

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

JEREMIAH 46:27

“Himaleh, nang ka suak Jakob, bangma lau kin. Aw Israel, lungthuai diak kin; gamla tak ah chun hun hukdok in, la suan la pâkteu chu, a saltânnau gam ah kipat in, hukdok ding ka hi’ngâl a. Jakob chu hung kit intin, thamuang tak leh chawldam tak ah chêng in, kuama’n sulau thawng ta pua’n au.

JEREMIAH 50:34

Amau Tanpa chu vang a hat hi; a min chu Sepai honte Lalpa ahi. Khawvel gâlmuang tak ah a um ah, Babulon gam ah chêngte buai tak ah a umna ding un, amau chung thu ding chu vang khawksak in a.

KÂ LATE 3:57

La min ka hun ko phat leh, nang in lei nai sek a, “Lau kin,” lei ti ta’n.

DANIAL 10:12

Ka kiang in, “Lau kin Danial, hiatthiamna ding ah kingaitawm tak ah la Pathian kiang ah la lunggil la piak lim ah kipat khan, la thute chu ngaithâk a hita’n, la thute ziak ah keima la kiang ah hung ka hi.

HOSEA 11:9

Ka lungnatna huaisia tak chu mualsua pua’ng ka tin; Ephraim susia kit pua’ng ka; mihing hilo in Pathian nangmau lak ah, Thiangthopa chu ka hi’ngal a. Chuleh, lungna kawm inle hung lo ding ka hi.

MATTHAI 7:14

Hinna lutna kotkhak chu a chîp in, a lampile a haksa’n, a mu te le tawmcha a hiu.

LUKA 12:32

Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.

ROMTE 9:27

Israel chung thu ah chun, Isai khanle, “Israel chate tam dan chu tuisuagiat ah piaunêl jat hi ziangleu le, a lak ua tawmcha bep hukdam ah um ding a hiu;

GALATIA 3:13

Khrista chu I thasang un hânsedawl a hung hi’n, dan hânsia lak ah kipat chun ei tandok tai: “Thing ah khaikâng ah um tapo chu hânsia dong a hi,” ti zik ahi ngal a.

DAN LEKHABU 7:7

Nam dangte sâng ah la tam zawk ziak ua Lalpa‘n a hun ngaisak ah, a hun têlchuam uh la hi puau hi, mi lak lak ah a tawm pen la hiveu.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

JOSHUA 17:18

tâng gam zosia hi nanghaw chan ding hihen; gammâng himaleh vât thiang in, a gamgi jul tiang un la lua diu ahi; Kanaan mite chu bang gual ah hat in, thîk kângtalaite nei ziang maleu le nawdok tho tho ding la hiu,” ti’n a dawnhu tai.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;