ISAI 41:11 - PATHIAN LEKHABU THIANGTHO (BSI)

¹¹ La chung ah hachang thak zosia chu, himualpho leh hi’zachat in um in au; nangma hun dâl tapo chu, bangmalo suak in mangthai in au.

ISAI 41:11 ပူးပေါင်းရင်းမြစ်များ

PAWTDAWNA THU 11:8

Ziaphat chuleh, la miliante sia hile ka kiang ah hung suk intiu in, ka âng ah hung bokkhup in, ‘Pawtdok in, nang leh la nungzui mipi zosia tawh pawt un; ziazaw chuleh, keile hung pawtdok ing ka,’ hung ti’n au, a tii,” a tia. Tichun, lungna tak in Pharaoh âng ah kipat chun a pawtdok tai.

PAWTDAWNA THU 12:29

Jankim lai tak in Lalpa chun Aigupta gam pumpi cha upa pen zosia, lalchutpha ah chu Pharaoh chapa upa pen ah kipat suangkul mun thim ah umpa chapa upa pen tiang leh gancha suak masa pen zosia tiang in a hun that gam ta’n.

PAWTDAWNA THU 23:22

A thu la ngai ah, ka gen zosia la zui leh, la gâlte â ding ah gâl leh, la mêlmate a ding ah mêlma hi ding ka hi.

ISAI 17:13

Namtin tuisânglet husa gual in, a kitum lut lut ui; maleh, Pathian in amau chu vau intin, busi hui in a mut mang gual in, mual lak ah del chek ah um in, chîmpei in leivui a mûtlên gual in, gamla tak ah jam mang ta’n au.

ISAI 29:5

Himaleh, la mêlmate chu vang, leivui nêl gual bep hi’ntin uh, mi khawksak bei ah tawite chule, busi hui in a taw mang gual bep hung hita’n au. A kigin lo kâl un phutlo in, zia gual siatna chu a chung un tung intin;

ISAI 29:7

Chuleh, Ariel hung do zosia, a kul dette do a, hi’lungjing ah hung pang nam zosiate chu, mang lam gual leh jan ah lunggêl gual bep in, hung um ta’n au.

ISAI 29:8

Zion tâng sim ding ah hung kuan, namtin lak ah mipite chu, mi gilkial in a mang lam ah an a nêk ah, a khatlaw phat leh a gilkial pha diak lo; mi dangchâk in a mang lam ah tui dawn ah, a khatlaw phat ah dang hul ah a chau zing gual ah chun, um ding a hiu.

ISAI 34:12

“Lenggam A Um ta Puai,” ti min sak intiu in, a lalchapateu chule bangmalo suak zo ta’n au.

ISAI 40:17

Nam zosia hile a ma-âng ah bangma kham lo a hiu; bangma kham lo leh a umlo gual bep ah ngai a hiu.

ISAI 40:2

Jerusalem kiangah chun aw nem tak in thugen un: A thok gimnau kum a ting ta’n, a gawtna ding uh piak zaw a hita’n, a gitlonau zosia thukna chu, Lalpa khut ah kipat in a lêni’n a mu kit zo tai.

ISAI 41:24

Nag haw hile bangma la hipuau a, la thilbawl uh le bang ma a hidiak puai; nang hun têl taphot chu ki’dak um a hiu.

ISAI 41:29

Ngai un, kithepna mai mai a hiu; a thilbawl uh le bangmalo ahi’n, a lim kibawlteu chule hui gual ah, a ngawnchang ngen a hiu.

ISAI 45:24

Lalpa bep ah chun dikna leh hatna a um hi, ei hun ti ta’n tiu in; Keima do ding ah hil ah umte chu vang, ka kiang lam ah hung in, mualpho ta’n au.

ISAI 49:25

Himaleh, Lalpa‘n zia gual hin a gen hi: Mihat khut ah saltângte natiang ladok ing ka tin, lal gilo tak khut ah sal matte chule, tandok kit ding ka hi. Nangma hun do-te chu, keima’nle do ing ka tin, la chate chu hukdok ding ka hi’ngal a.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 54:15

Kua a hem khat in kinakna a hun patdaw leh le, zia chu keima ah kipat hipua’n tin; a hun kinakpi tapo chu, nangma ziakin kipûk ngal in au.

ISAI 54:17

Nangma do-na ding ah matchâk kisiam zosia chu, lawting ngai pua’n tin; chuleh, vaihawmna mun ah hun nial, lei taphot chu nialtha ta’n la. Zia hi Lalpa nasêmte gochan leh, keima panpi’na chu ahi, ti’n Lalpa‘n a gen hi.

JEREMIAH 12:17

Ahi’n la, kua namle ka thu ngailo taphot chu, a zung un kaldok ing ka tin, susia ding ka hi, Lalpa‘n a tii.

JEREMIAH 2:3

Israelte chu Lalpa â ding ah thiangtho a hiu in, a ga masa pen chu ahi. Amau ne tapo chu thiamlo chang a hiu; a chung un siatna tunsak ding ka hi, Lalpa‘n a tii,” ti in.

DANIAL 4:35

lei chung ah chêng zosia hi bangmalo mai a hiu in, van ah um zosia chung leh lei ah chêng zosiate chung hin, ama’n a nop dan dan ah a bawl mai ahi. Kuama’n a khut chu a tutâng thei pua’n, a kiang inle, Bang ding ah la chuti bawl a hem? tithei le a um puau hi, ti in.

ZEKARIAH 12:3

Ziaphat chuleh, Jerusalem chu mizosia â dingin suangtum puakgik in siam ing ka tin; zia suang dom kâng taphot chu huaisia tak in kisuliam in au. Khawvel ah nam zosia a do dingin hung khawm ta’n au.

NASEPTE 16:39

A hung ua, a kiang un ngaidam a don tau a. Chun, a puidok ua, zia khawpi chu nusia ta dingin a don tau a.

THUPUAN 3:9

Juda tak hilo pi, juau thu Juda kitite, Setan lawi kikhopna pangsekte kha ka hun pia ahi; amau hun sawl ing ka tin, la kengbul ah kûn sak ing ka, ka hun hepi dan hi a hetna ding un.