ISAI 41:10 - PATHIAN LEKHABU THIANGTHO (BSI)

¹⁰ lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 41:10 ပူးပေါင်းရင်းမြစ်များ

THILSIAM THU 15:1

Zia nung chun, Lalpa thu chu Abram kiang in a manglam gual in a hung tung ta’n; a kiang in, “Abram, lau kin, kei hi la phaw ka hi; la kipakman ding chu thupi tak hi’n ah,” a ti’n.

THILSIAM THU 26:24

Zia jan ah chun Lalpa a kiang in a hung kilâk ah, “Kei, la pa Abraham Pathian chu ka hi: Lau kin, la kiang in ka um zing hi, hun maljawl ing ka tin, ka suak Abraham ziakin la suante chu hi’pung ding ka hi,” a ti’n.

THILSIAM THU 31:5

A kiang un, “La pau mêl ka et leh tu’ma lam gual ah khan ka chung hin a tai ta puai ti ka hia’n. Himaleh, ka pa Pathian chu ka kiang in a um zing hi.

THILSIAM THU 49:24

Himaleh, ama thalpi chu khau tak in a um zing ah, a khutbânteu chu Jakob Pathian Mihat khut ah, Belam Chingpa Israel suangpi min in hi’hat in a um zing hen;

2 SAMUEL 22:19

Siat ka tuak ni’n a hung kuan un, himaleh, Lalpa chu ka kingakna ahi.

1 KHANGTHU 12:18

Ziaphatchun, Sawmthumte lak ah hotu Amasai chu thagau in a hun thuam ah, zia gual hin a hun gen tai: “Aw David, nang â ka hiu hi; Aw Jesse chapa, nang lam ah pang ka hiu! La chung ah thamuanna, thamuanna tung ta hen la, nang hun panpite chung inle thamuanna tung ta hen! La Pathian chu a hun panpipa ahi ngâl a,” ti in.

2 KHANGTHU 20:17

Aw, Judai gam leh Jerusalem khua mite haw, zia kidona hin nanghaw la pan uh ngai pua’n ah; la panmun chiat un ding chil chel un la, nanghaw â ding ah Lalpa‘n a hun zaw piak dan chu en mai un! Lau kiu in la, lungdong ziang kiu in; jing leh gâldo dingin kuandok un la, Lalpa‘n hun kithuapi ding ahi,” ti’n a gen a.

2 KHANGTHU 32:8

Amau chu mihing thahâtna bep mang a hiu ah, ei haw ei panpi ding leh I gâlteu ei do piak ding chu Lalpa I Pathian uh ahi ngâlah,” ti in. Judai gam ah Lengpa Hezekiah thu gen ziak ah chun mipite chu nasa tak in a kisuhat tau hi.

SAM 144:11

Chemjam hiam tak ah kipat leh, mêl hetlote khut ah kipat leh, a kam uh zuautheina dim leh, a khut changlam lepchiate lak ah kipat in ei hukdok in.

SAM 144:8

a kam un zuau a gen un, chuleh, a khut changlam uh a dik paw’ngal a.

SAM 145:14

Lalpa‘n kipûk zosia a kaitho hen, ngûi zosia a phawng hal kit sek hi.

SAM 147:12

Aw Jerusalem, Lalpa chu pâk tau in! Aw Zion, la Pathian chu pâk in!

SAM 18:36

Ka nuai ah ka kalsuannate â dingin, mun awngthawl tak lei siam piak ta’n; tichun, ka keng a teu ngai puai.

SAM 27:1

Lalpa chu ka vâk leh ei hukhingpa ahi’n; kua a hem ka lau ding? Lalpa chu ka bitna kulpi ahi; kua a hem ka lau ding?

SAM 29:11

Lalpa‘n a mite hâtna pia ta hen! Lalpa‘n a mite thamuanna’n maljawl ta hen!

SAM 33:12

Lalpa chu Pathian ah nei nam chu mi hampha a hiu; ama go ding ah têlte ngei chu.

SAM 37:17

Mi nunsia khutbân chu sukbot in um intin; midik vang Lalpa‘n a tuzing hi.

SAM 37:24

kisui sek maleu hinle, kilîk den puai tiu; Lalpa‘n I khutbân un ei tuzing ngal a.

SAM 41:12

Ka lungthim thiantho ziakin lei tuzing ah, kumtuang ah la kiang ah um dingin lei koi ta ahi.

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 46:7

Sepai honte Lalpa chun ei umpi a; Jakob Pathian chu I kisêlnau ahi.

SAM 63:8

Ka hinna nangma ah a bek den zing a; la khut changlam in lei kaibât zing hi.

SAM 65:5

Aw ka hukdampa Pathian, tizat um tak ah thilbawl in gâl zaw’na’n lei dawnhu ta’n: nang chu kawl kîmvêl tiang ah mi zosia leh, tuisuagiat gamla pen tiang ah umte kinepna chu la hi.

SAM 99:4

Leng hat tak, vaihawmna dik ngaina, nang in doichuam diak neilona la tung dingin; Jakob Inkuante chung ah dik tak in vai la hawm hi.

PAWTDAWNA THU 14:13

Himaleh, Mosi’n mipite kiang ah chun, “Lau lo in ding det un, tu’ni a hun etsak ding Lalpa hukhinna chu en mai un; tu’ni la muu Aigupta mite hi bangmatik in mu kit talo ding la hi’ngal un;

PAWTDAWNA THU 20:20

Mosi’n mipite kiang ah chun, “Lau kiu in, Pathian nang uh patep ding ah hung ahi, ama lau umna chu la mau ah a um zing ah, gitlona la bawl lona ding un a ti ahi,” a tia.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

ISAI 35:4

Lungthim dawilokte kiang ah chun: “Kihatsak inla, lau kin! Ngai in, la Pathian chu phuba la ding ah, hung kuan ding ahi’n, tizat um tak ah dit kit ding ah hung intin, nangma hun hukdok ding ahi,” tiu in.

ISAI 37:6

Isai in a kiang un, “La puu kiang ah chun: Lalpa‘n zia gual hin a gen hi vatiu in, a tia: Assuria lengpa suakte’n ei demsiatna thu a gen uh la hiatteu chu lau him him kiu in.

ISAI 43:5

Lau him him kin, ka hun umpi ngal a; la suante chu sualam ah kipat in, hun pui khawm ing ka tin, tumlam ah kipat inle hun pui khawm ding ka hi;

ISAI 44:2

Nanghaw hun siampa, sûl ah kipat hun guanggalpa leh, hun panpi zing ding Lalpa chun zia gual hin a gen hi: Aw Jakob, ka suakpa lau kin la, ka hun têlchuam Jeshurun lau kin.

ISAI 49:8

Lalpa‘n zia gual hin a gen a: Doisakna hun in ka la dawnhu a, hukdamna ni hin ka hun panpi tai; gam nutsia sa lua kit ding leh, go ah lua ding gam chu hawm piak dingin, nam tinte â ding ah thuthung gual in, hun pia ding ka hi.

ISAI 50:9

Ei panpipa chu Lalpa Pathian ahi; kua a hem thiam lo ei chansak ding? puan gual in hung chul intiu in, nget in hun ne zo ta’n a.

ISAI 52:7

Zion kiang ah, “La Pathian in vai a hawm hi,” ti ah kichamna chanchinpha gen ding ah, thangko ding ah mual leh tângte chung ah, hung kalsuante chu a mêl uh a pha na e!

ISAI 60:19

Sûn ah la meivak ding chu, nisa hita pua’n tin, jan ah a hun salvâk dingle, thapi hi diak ta pua’n a; maleh, Lalpa chu la kumtuang meivak ding hita’n tin; chuleh, la Pathian chu, la lopina ding uh hung hita’n a.

KÂ LATE 3:57

La min ka hun ko phat leh, nang in lei nai sek a, “Lau kin,” lei ti ta’n.

DANIAL 10:12

Ka kiang in, “Lau kin Danial, hiatthiamna ding ah kingaitawm tak ah la Pathian kiang ah la lunggil la piak lim ah kipat khan, la thute chu ngaithâk a hita’n, la thute ziak ah keima la kiang ah hung ka hi.

DANIAL 6:16

Tichun, lengpa’n thu a hun pia ta; Danial chu a kiang ah hun pui in, Sakeibaknei kul sung ah chun a sep lut tau a. Lengpa chun Danial kiang in, “Ginum tak ah a na la sep piak, la Pathian chun hun hukdok ta hen!” a tia.

HOSEA 1:9

Ziaphatchun, Lalpa‘n a min in, “Lo-ammi sa’n. Nang uh hi ka mite la hipuau ah, keima le la Pathian uh ka hi’tâk lo ziakin,” a ti tai.

HAGGAI 1:13

Tichun, mipite kiang in Lalpa thugen chu, Lalpa thupawpa Haggai in a gen sawn ta’n: Lalpa‘n ka hun umpi hi, a tii, a tia.

HAGGAI 2:5

Aigupta ah kipat la hung pawt lai ua, la kiang ua thu ka la tiam gual ah khan, la lak un ka thagau a chêng zing hi; lau kiu in.

ZEKARIAH 10:12

Lalpa ah chun hi’hat ing ka tin; tichun, ama min ziak ah chun chia tawl tawl ta’n au, Lalpa‘n a tii.

ZEKARIAH 10:6

Judah Inkuan mite suhat ing ka tin, Joseph Inkuan ah mite chu hukdok ing ka. Amau chu ka lainat ma ma ziakin, ka paithâk khâk ngai lo gual in puidok kit ing ka; kei Lalpa a Pathian uh ka hia, amau dawnhu ta ding ka hi’ngâl a.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

LUKA 1:13

Himaleh, vansawlchâk chun a kiang in, “Lau kin, la pauchapna ngaithâk ahi tai; la ji Elizabeth chun chapa pakhat hing intin, a min in Johan la sak ding ahi.

LUKA 1:30

Vansawlchâk chun a kiang in, “Mari, lau kin, Pathian doisakna chang la hi.

ROMTE 8:31

Zia thute ah chun bang gen ding I hitau em? Pathian ei lam ah a pan chun kua’n ei do thei ding a hem?

2 KORINTH 12:9

himaleh, ama’n ka kiang in, “Ka hepina nang â di’n a hun hi, ka thilhitheina hi hâtlona sukbukim ah um sek ahi,” a ti’n. Ziaziakchun, Khrista thilhitheina chu ka chung ah a um theina dingin, kipak tak in ka hatlonate hi suang zaw ta’ng ka.

EPHESA 3:16

a lopina hau dungzui in a Thagau jal in, la sunggil lam ua chun thilhitheina’ suk-hat ah la umtheina ding un, ka pauchap in;

DAN LEKHABU 20:1

La gâlteu do ding ah la kuan lai un, sakolte, sakol kângtalaite leh sepai hon nanghaw sâng ah tam zaw la mu ziak un lau diak kiu in; nanghaw Aigupta gam ah kipat hun puidokpa Lalpa la Pathian un a hun umpi zing ngâl a.

PHILIPPI 4:13

Ei hi’hatpa Khrista jal ah chun bangkim bawlthei ka hi.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

VAIHAWMTE 6:16

Lalpa‘n a kiang in, “Himaleh, hun umpi ing ka tin, Midiante chu a leng un that zo ding la hi,” a tia.