ISAI 40:31 - PATHIAN LEKHABU THIANGTHO (BSI)

³¹ himaleh, Lalpa ngâkte chu, a hatnau sukthak piak ah um in, mupi gual in a tha un leng sâng intiu in, tai intiu in, maleh, chawl pua’n au; lam zawt zawt maleu le basam diak pua’n au.

ISAI 40:31 ပူးပေါင်းရင်းမြစ်များ

JOB LEKHABU 17:9

Midik chun a lampi ngai ma a tuchak in, khut thiangtho neite chu vang hat deu deu in au.

SAM 103:5

la dam sungsia’n thilpha’n a hun hitai in, tichun, la tanglakna chu mupi vânglai gual ah, siamthak in a um sek hi.

SAM 123:2

Suakte mit in a pu khut a et zing gual leh, suaknu mit in a pi khut a et zing gual in, zia gual chun, I Pathian ja’ngaina, I chung ua a hung tun masangsia, I mit un Lalpa chu I en zing uh ahi.

SAM 138:3

Ka hun ko ni ma ma in, nang in lei dawnhu ta hen; ka thagau hatna lei hipun piak tai.

SAM 20:9

Aw Lalpa, lengpa hi zaw’na pia’n; ka hun ko phat ua leh ei dawnhu in.

SAM 25:21

Ginumna leh dikna’n ei humbit ta’n, ka hun ngâk zing hi.

SAM 25:3

Nangma ngâk zosia kuama mualphosak kin; lepchia tak ah tawite chu vang mualphosak zaw’n.

SAM 25:5

La thutak ah chun ei pui inla, ei hil ta’n; ka hukhinna Pathian chu nang la hi’ngal a; nitum in ka hun ngâk zing hi.

SAM 37:34

Lalpa ngâk inla, a lampi haw zing in; gam chu lua dingin hun chawihoi in a; tichun, mi nunsiate siatna chu a la mu’n la.

SAM 40:1

Lalpa chu ka ngâk ham ham ah, keima lam hun nga’n, ka ko’na a he tai.

SAM 84:7

Hatna kipat hat zawk diakna’n a chia sek un; pathiante Pathian chu Zion ah chun mu hi’n a.

SAM 84:8

Aw, sepai honte Lalpa Pathian, ka pauchapna ei la ngaithâk piak inla; aw Jakob Pathian, la bil hun daw in!

SAM 92:1

Lalpa kiang ah kipak thu gen leh aw Chungnung pen, la min pâk ah La sak hi a pha na e!

SAM 92:13

Amau chu Lalpa In ah kiphut a hiu in, I Pathian biak In huang sung ah chun, no let lut in au.

PAWTDAWNA THU 19:4

Aigupta mite chung ah ka thilbawl dan leh mupi thâ ah ka hun puakdaw dan leh, ka kiang ah um ding ah ka hun pui dante hi la mu tau in;

THUPILTE 30:19

Vanlaijawl ah muvânlâi lênna lampi, suangpi chung ah gul kitholna nung, tuisuagiat ah long chiana nung leh, pawsal in nungak a ngai dante hi.

SOLOMON LÂ 8:5

A ngai pen chung ah kiliang bât ah, gamthip ah kipat hung to saw kua a hem? Theipi bulnuai ah ka hun phawnghal tai. Zia tak ah chun la nu’n a hun hin la hi’n; zia mun ah chun nangma hun vopnu hun hin la hi.

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 30:15

Lalpa Pathian, Israel Mithiangtho chun, zia gual hin a gen ngal a: Hung kile’kit in chawldam leu chin, hukdam in um in la tiu in, thip hiat hiat in ei ging leu chin, hatna nei inla; ahi’n la, nang uh la nuam puau hi.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 41:1

Aw, nanghaw tuisuagiat pang ah gamte haw, thipbek in ka thugen hi a la ngai un! Namtin in a hatnau La thak chiat uh hen la; hun nai uh hen la, thu gensak un; vaihawmna chu nai ding in chia khawm hitiu.

ISAI 64:4

Masang lai ah kipat khan, kuama’n amau jai ngak ah thilbawl piakpa, nangma tilo ngal, kuama’n Pathian dang him him, a he’kha puau in, a bil unle a huvau a hepuau in, a mit unle a mu kha puau hi.

ISAI 8:17

Jakob Inkuante mulo ding ah kisêl mang Lalpa chu ngâk ing ka tin, ama ah chun kinem zing ing ka.

JEREMIAH 48:15

Moab gam leh a khawpi zosia susiapa chu, a hung kuan to in, a tangval doichuam diakte chu, thalup dingin a kuandok tau hi, Lengpa, a min sepai honte Lalpa chun a tii.

ZEKARIAH 10:12

Lalpa ah chun hi’hat ing ka tin; tichun, ama min ziak ah chun chia tawl tawl ta’n au, Lalpa‘n a tii.

LUKA 18:1

Chun, lungke lo hial ah pauchap ding ahi dan hilna dingin, zia tekhinthu hi a gen a:

ROMTE 8:25

I mu nailo I kineppiu chun, zia chu gunchu tak in I ngak ham ham sek ui.

2 KORINTH 4:1

Pathian hepina ziak ah zia nasepna hi ka nei ziak un ka lungthuai puau hi.

2 KORINTH 4:16

Ziaziakchun, ka lungkia puau hi. Ka pawlam mihing uh hi jawngkhal hiai hiai maleh, ka sung lam mihing uh nisi’n ah siamthak in a um zawi.

GALATIA 6:9

Ziaziakchun, thilpha hi chimchâk puai tiu; I kithada lo uh chun a hun tak in ât ngei ding I hingal un.

DAN LEKHABU 32:11

Mupi’n a bu ah a no chok tho ah, a note chung ah, a thate a jak ah, a puak to sek gual in,

DAN LEKHABU 33:25

La kulpite chu thîk tâk leh, dâk thîk hi hen la, la dam sung in la hatna kiam pua’n a.

1 THESSALONITE 1:10

A Chapa Jesu, mithi lak ah kipat a kaithawkitpa chun, lungnatna hung tung ding lak ah ei hukdok in, van ah kipat a hung kitna ding chu ngak in la um tau ahi.

HEBRAITE 12:1

Chutichun, hiatpitu sûmpi nasa tak ah ûm kîmvêl I hiu ti kihia’n, ei sunokphak leh I chung ua bek gitlonate paitha’i tiu in, I mau ah kitaisiakna lampi ah hin thuak-hat tak in tai hitiu.

HEBRAITE 12:3

Lungthim lam ah la tha chawl ua, la basaplona ding un, migilote nialkãlna thuak ham hampa kha ngaitua tiam un.

JOSHUA 14:11

Mosi’n ei la sawl lai gual tho ah khan tu’hin le ka hat nalai ah; kidona ding hihenla, nasep thilbawl, chia suk chiato’na ding hileh, zia hun lai ah ka hatna gual ah khan tu’hin le ka hat zing nalai hi.

THUPUAN 12:14

Numei chu, hun khat, hunte leh hun kim khat sung, zia gûlpi ah kipat chu jam mang ah gamthip ah ama vâk ah a umna mun ah leng lut dingin mupi thâ pani a piau a.

THUPUAN 2:3

Thok le la thuak ta’n, himaleh, la thuak zo jel hi; ka min ziakin la sêmgim ta’n; himaleh, la chau diak puai.

THUPUAN 4:7

Zia thilhing pakhatna chu sakeibaknei mêlpu a hia; a panina chu bawngno mêlpu a hia; pathumna chu mihing mêlpu a hia, chuleh a palina chu chunglêng mupi mêlpu ahi.

VAIHAWMTE 16:28

Samson in Lalpa a hun ko ta’n: “Aw Lalpa Pathian, ei hezing inla, khatvei bepcha hilehle ei hun hihât in; aw Pathian, Philistinte chung ah ka mitchang pani phuba ka lâk theina ding in hun khat bep ei pia kit in,” a tia.