ISAI 40:3 - PATHIAN LEKHABU THIANGTHO (BSI)

³ Aw hung gi chun: Gamthip ah Lalpa lamlian ding bawl tup unla, gamkeu ah chun I Pathian â dingin lamlian bawl zang un.

ISAI 40:3 ပူးပေါင်းရင်းမြစ်များ

SAM 68:4

Pathian chawihoi in La sau inla, a min pâk in La sau in; van sûm chung ah chia sekpa pâkna La, ngai tak in sau inla, a min chu Lalpa ahi’n, a ma-âng in kipak tau in.

ISAI 35:8

Zia tak ah chun lam tuangpi hung kithung intin, “Lamlian Thiangtho” ti hi’n a; mibuakte chun zia lamlian chu haw pua’n tiu in, Pathian mite â ding bep hita’n a. A haw tapo ngaituana bei nasa’n, gam mang pua’n au.

ISAI 40:4

Guamkuak zosia vuk sân hihen la, mual leh tâng zosia sukniam hi hen; a lei kituaklonate chu siam tuak hihen la, a photnate chule suknâm hihen.

ISAI 43:19

Thil thak khat hun bawl ding ka hi; tu’hin a hung dawndok tai, muthei nai lo la hiu em? Gamthip ah chun lamlian hun bawl ing ka tin, gamkeu ah chun luiliante hun luan sak ding ka hi.

ISAI 49:11

Tichun, ka tâng chung zosia chu, lamlian suaksak ta’ng ka tin; ka lamlian gunte chu, hi’sâng ing ka.

ISAI 57:14

Zia phat chuleh, “In bawl unla, bawltûp un, lampi siam tau in; ka mipite hungna ding dâl thei zosia ladok sik sek un,” hun ti ta’n au.

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

JOHAN 1:23

Ama chun, “Jawlnei Isai in: ‘Lalpa lampi chu siam zang un!’ tia a gen, gamthip ah kiko aw kha ka hi,” a tia.