ISAI 40:26 - PATHIAN LEKHABU THIANGTHO (BSI)

²⁶ La mit uh te sâng unla, en tiam un; zia zosia chu kua siam a hem? Amau siampa chun aksi honte a mal mal in a tiam ah, a min chiat un a ko hi; a hat ma ma ziak leh, a thilhitheina chungnun ziakin, pakhat chale a hi’khial puai.

ISAI 40:26 ပူးပေါင်းရင်းမြစ်များ

THILSIAM THU 1:14

Pathian in, “Sûn leh Jan khendanna dingin van awng lian tak ah chun vâk um hen la, ziate chu teptênate, hunbîte, nite leh kumte hetna ding hi hen la,

THILSIAM THU 1:16

Chutichun, Pathian in vâk lian tak pani, a lianzaw chu sûn ah vaihawm dingin, a neuzaw chu jan ah vaihawm dingin a siam ah; aksitele ama siam ahi.

SAM 102:25

Masanglai ah kipat khan leilung kingakna hi, la phûmsa a hita’n; vante khi la khutsuak ahi.

SAM 119:91

La guat dungzui in tu’ni tiang hin a um zing un, thil zosia hi la suakte ngen ahi ngal un.

SAM 121:1

Tângte lam ah khin ka mit ka vak te to ah, khoilam ah kipat ei panpi ding a hung tung diam?

SAM 19:1

Vante khin Pathian lopi zia a hiatsak un; vanthamjawl lian tak khin a khutsuak a latsak hi.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

ISAI 34:16

Lalpa lekhabu ah chun hawl unla, sim un: A lak ua khat le mang pua’n tin, a koppi ding tasam le um pua’n au. Lalpa kam ah thupiak a pawt ta’n, a thagau ma ma chun a leng un hun pui khawm ding ahi ngal a.

ISAI 42:5

Lalpa Pathian, vante siam ah kaipalpa, lei jak pal ah a sung ah um zosia umsakpa, a chung ah chêng mipi zosia hinna pepa leh, a sung ah chia lumlet zosiate thagau pepa chu:

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 45:12

Lei pumpi leh a sung ah mihingte hile ka siam ahi; keima khut ma ma’n vante khi ka jak pal a, a sung ah um zosia le ka thu um chiat a hiu.

ISAI 45:7

Vâk ka la siam ah, chuleh, thimna le ka siam ah; maljawlna leh chunggikna le ka siam ahi; keima Lalpa hin zia zosia chu ka la bawl ahi.

ISAI 48:12

Aw Jakob, ka têlchuam Israel, a la ngai tiam in: Keima hi ama chu ka hi’n, a masa pen ka la hi’n, a nunung pen le ka hi.

ISAI 48:13

Ka khut hin lei kingakna suangphûm chu ka la lem in, ka khut changlam hin vante khi ka la kaimal tai; amau chu ka vak ko si’n leh, ja tak in a hung ding sek ui.

ISAI 51:6

Khawdak in vante en to unla, nuai lam ah lei hile en suk un; vante chu meikhu gual in mangthai intin, lei hile puan gual in hung chul ta’n tin, a chung ah chêngte chule thovai gual in, hung thi zo ding ahi ngâl un; maleh, ka hukdamna chu kumtuang in um zing intin, ka tatdawna chun tawp ni nei pua’n a.

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

DAN LEKHABU 4:19

Chuleh, van lam en ah la dakdok ua, Lalpa la Pathian un van nuai nam tin lak ah a hawm gual sa nisa, thapi, aksite leh van ah thil um zosiate chu la mu phât ua leh, Pathian gual ah ho ding ah pui mang in um kiu in.