ISAI 40:24 - PATHIAN LEKHABU THIANGTHO (BSI)

²⁴ Phû ahi masang leh, tû ahi masang leh lei ah a zung uh a thâk masang un, a chung uh a hun mût sak phatin, a vuaitha zo tau ah; busi gual in huipi chun a tokmang tai.

ISAI 40:24 ပူးပေါင်းရင်းမြစ်များ

2 SAMUEL 22:16

Ziaphatchun, tuisuagiat lampite chu a hung kilang ta’n, Lalpa‘n a nâk hawm ah a hu thâdaw ah, a vauna ziakin, khawvel leilung kingaknate chu suklat ahi tai.

2 LENGTE 10:11

Tichun, Jezreel ah Ahab Inkuan mi a um nalaite, a miliante, a gualte leh a thiampute zosia chu a that suak kêi ah, a suakcha khat le a um puau hi.

JOB LEKHABU 21:18

Bang jat vei tak hui in a mut mang sek chângvai leh, thigua’n a tawmang sek busi gual in a um sek awm?

JOB LEKHABU 4:9

Pathian hu thâkhum mai inle a mangthai sek un, a lungnatna hui in a mût tum mai sek hi.

JOB LEKHABU 8:17

Suang kisep lom chu a zung un a zem chak un, suangpi kawm kâl te’n a jam sek ui.

SAM 58:9

A het masang unle hampa gual ah sât thâk a la hitau ah; a hing zing ahi lai unle, hachangthak tak in, Pathian in phiat mang ding ahi!

SAM 83:13

Aw ka Pathian, amau chu chîmpei in, leivui a pei gual in pei inla, hui in busi a mut gual hin umsak in.

THUPILTE 1:27

thigawpi’n a mût gual ah lungdonna la hun tuak ua, chîmpei gual ah vangsiatna la hun tuakna niu chun a hun phak a, haksat gentheina nasa tak in, a hun tun khum phat leh hun nuisan ing ka tin, tawtna’n hun tha ding ka hi.

ISAI 11:4

himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

ISAI 17:11

a mû la tû ni ma ma’ kêsak in, la tû jing ma ma’n pâkdok ziang maleh, a ga la lâk khawm guat ni chu, lungngaina leh sukdam theilo ding ah, natna ni’n hung chang in a.

ISAI 17:13

Namtin tuisânglet husa gual in, a kitum lut lut ui; maleh, Pathian in amau chu vau intin, busi hui in a mut mang gual in, mual lak ah del chek ah um in, chîmpei in leivui a mûtlên gual in, gamla tak ah jam mang ta’n au.

ISAI 30:33

Topheth chu tu’ma lam pek ah kha bawl zawsa a hita’n, lengpa â ding ah guanggal zaw ahi tai. A thing chu zau tak leh sâng tak ah siavum zaw ahi ta’n, mei leh a thingkhua kiningting tak ding ah bawl zaw ahi tai. Lalpa‘n meikuang a hu’n hun mutdok intin, kâttui gual in kâng ta’n a.

ISAI 37:7

A la ngai un! Amau ah thagau khat hun khum ing ka tin, thawmgi khat hiatsak ing ka tin, a gam lam un kile’kitsak ding ka hi; tichun, amau gam ngei ah chun chemjam ah that ding ka hi, ti’n vagen un,” a ti tai.

ISAI 40:7

Lalpa hun a hun mût phat leh, hampa chu a vuai ah, pakcha le a tuai sek hi; mi zosia hi hampa gual chu ahi takzet ui.

ISAI 41:16

Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 41:2

Sualam ah kipat gâl zotu hun choktho ah, a thilbawl ding sepsaktu chu kua a hem? Namtin a khut in a pedok in, leng leh lalte a keng in a chotchilsak in, chemjam ah sât tel in leivui a suaksak in; busi hui in a mût mang gual in, a thalpi’n a bawl in;

JEREMIAH 22:30

Lalpa‘n zia gual hin a gen hi: Zia pa hi cha bei leh a damsung ah lawting ngai lo; a suante kuama lawting ah, David lalchutpha kitung ah, Judai gam ah vaihawm ding, um kit ngai talo ding ahi, ti’n zik lut in, a tii.

JEREMIAH 23:19

En un, Lalpa thigawpi chu! Chîmpei huaisia tak gual in, a hachang thakna chu a pawt tai! Mi nunsiate luchung in hung puakjak in a.

HOSEA 13:15

Hambuk lak ah hampa gual in nîm dep dup maleh, Lalpa huizang, sualam hui gamthip ah hung kipan chun hun mut intin, a tuinâkte hung kang intin, a tuihing luite chu hung keugawp ta’n a. A gam sung ah golûl pente chu chawm nâm piak hita’n a.

HOSEA 13:3

Ziaziakchun, amau chu jingkal phâisûm a hem, jan dâichîm bei kit pai ziang sek gual a hem leh, phual ah busi hui in a mut mang gual leh, tukvan ah meikhu leng mang gual chu hi’n au.

NAHUM 1:14

Lalpa‘n la chungchâng in thupiak a nei tai; La min manlo’na ding in suan leh pâk nei ta pua’n la tin; la Pathian tempul ah milim kisui leh kisungte chu, hi’mangthai ing ka. Hing tâk lo la hiziak un, la thân ding uh bawl piak ing ka.

HAGGAI 1:9

Tam tak mu la kinêm un, ngai un, tawmcha la muu a; In ah la hun puak tung phat uh leh le ka mût mang kit sek a. Bang ziak ahi em? Sepai honte Lalpa chun a tii. A ziak chu ka In a sesa’ a um zing lai in, mi tin in la In ding chiat uh la ki-awlmaw tau a.

ZEKARIAH 7:14

chuleh, a mêlhet ngai lo namteu lak ah chun, chîmpei in a thejak gual in the’chek ka tin; tichun, a gam nutsiau chu gamthip suak ta’n tin; zia gam chu haw in kuama chia suk chia to le um ta pua’n au; tichun, gam nuam tak chu gamthip suak ta’n a,” a ti’n.

ZEKARIAH 9:14

Ziaphat chuleh, a chung un Lalpa hung kilang ta’n tin, a thalchangte chu kawlphe gual in hung kikhawdok ta’n a. Lalpa Pathian chun pengkul mût in, mallam chîmpeite lak ah kipat in hung kijawtdok ta’n a.