ISAI 40:11 - PATHIAN LEKHABU THIANGTHO (BSI)

¹¹ Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

ISAI 40:11 ပူးပေါင်းရင်းမြစ်များ

THILSIAM THU 33:13

Himaleh, Jakob chun, “Naupangte hi a hat nai puau ah, belam leh bawng hon, ka kiang ah umte hi a no nei a hiu ti ka lalpa’n la hiai; ni khat mai a chia hat tâk luat na ziak bep unle gan-gualte hi thi ziang thei ding a hiu.

THILSIAM THU 49:24

Himaleh, ama thalpi chu khau tak in a um zing ah, a khutbânteu chu Jakob Pathian Mihat khut ah, Belam Chingpa Israel suangpi min in hi’hat in a um zing hen;

SAM 100:3

Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

SAM 27:10

Ka nu leh ka pa’n ei nusia ta ziangleu le, Lalpa chun vang ei khawtua zing in a.

SAM 28:9

Aw, la mite hukhing inla, la gochan chu maljawl ta’n; amau haw ching inla, kumkhua’n kaitua ta’n.

SAM 37:3

Lalpa chu ging inla, thilpha bawl ta’n; tichun, zia gam ah hin bit tak in um zing ta’n.

SAM 80:1

Aw, Israelte vengpa, belam hon gual ah Josephte puipa, la bil hun daw in! Nangma cherubte chung ah kichupa, hung vakdok inla,

ISAI 42:3

mi vokna luangkang thiakbong pua’n tin, thaumei de liak liak chule mut mit diak pua’n a; ama’n dik tak ah vaihawmna hun pan in a.

ISAI 63:11

Ziaphatchun, malai ah a suakpa Mosi kha a hezing hi. Tuisuagiat lak ah kipat amau leh belam honte tawh, a belam chingteu puidokpa kha khoi lam tung zo ahi tam? A lak ua A Thagau Thiang koipa kha khoilam tung ahi tam?

JEREMIAH 31:10

Aw, nam tinte haw, Lalpa thu hi a la ngai unla, gamla tak ah tuisuagiat pangjulte ah chun zia gual hin genjak un: “Israelte a la thejakpa ma ma chun, hun pui khawm kit ding ahi; belampu’n a belam honte a chintup gual in, chingtup zing ta’n a,” ti in.

JEREMIAH 31:8

Ngai un, mal gam ah kipat in hun pui ing ka tin, leimong gamla pen ah kipat in hun pui khawm in, a lak ua mitthûm leh kengbai, nauvop lai leh nauvei ah thuakgim lai, a leng un, mi tam tak chu, zia tak ah hin hung kit in au.

EZEKIEL 34:15

Keima’n ka belamte kichin ing ka tin, kicholdamsak hiat hiat ta’ng ka, Lalpa Pathian in a ti ta’ngal a.

EZEKIEL 34:16

A mangthai hawl ing ka tin, a vâkjakte pui kit ing ka tin, a liamte chu tuam ing ka tin, a jawngkhalte chu hi’hât ing ka; himaleh, a thau leh a hât laite chu hi’mangthai ing ka. Dikna’n vâk ding ka hi, ti in.

EZEKIEL 34:2

Mihing, Israelte chung ah belampute dem in thu gen inla, puitute kiang ah zia gual hin vagen in: Lalpa Pathian in zia gual hin a gen hi: Katei, nanghaw Israel belampu, nangmau bep kivâk ziang tate haw! Belampute chun a belamteu a vâk ding uh hilo a hem?

EZEKIEL 34:23

A lak un amau chingtup ding David tawhbang tungding ing ka tin, amau vâk in, a chingpa hita’n a.

EZEKIEL 34:31

Nanghaw ka belamte, ka gantatna mun ah belamte chu la hiu ah; Keima hi la Pathian uh ka hi, Lalpa Pathian in a ti ahi, ti in.

EZEKIEL 37:24

Ka suak David a chung un lal hita’n ah; tichun, belampu pakhat bep kikop ta’n au. Chuleh, ka dan bawlte zui ta’n tiu in; chuleh, ka thuguatte chingthei tak in mang ta’n au.

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

MIKAH 7:14

Muan umna huan gam lailung ah, gammâng lak ah chang tat la gochan belam hon la mite chu, la khetbûk mang in ching tup inla; masang lai gual ah khan Bashan leh, Gilead ah vâk in um chiat tau hen.

ZEKARIAH 11:7

Chutichun, belam thalup ding ah umte zuakpa thasâng in, belamchingtu in pang ing ka. Tiangpum pani ka la’n: khat chu, Doisakna ka sak ah, a dang khat chu, Kipumkhatna ka sak ah; zia gual ah chun gan-gual chu ka ching ta ahi.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.

1 PETER 5:4

Tichun, Belampu Lianpen a hung kilat phat leh, lopina lallukhuk chultheilo chu mu’n lau.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.