ISAI 40:10 - PATHIAN LEKHABU THIANGTHO (BSI)

¹⁰ En un, Lalpa Pathian chu thilhitheina tawh a hung in, a bân thahât in vai a hawm hi. En un, a kipakman chu a kiang in a um in, a thukna chun a kitonpi zing hi.

ISAI 40:10 ပူးပေါင်းရင်းမြစ်များ

THILSIAM THU 15:1

Zia nung chun, Lalpa thu chu Abram kiang in a manglam gual in a hung tung ta’n; a kiang in, “Abram, lau kin, kei hi la phaw ka hi; la kipakman ding chu thupi tak hi’n ah,” a ti’n.

SAM 110:6

Namtin lak ah vaihawm intin, kidona phual chu mithiluang ah hi’dim in, lei chung zosia lengte luchang chu tan piak in a.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

ISAI 28:2

Ngai un, Lalpa‘n mi hat tak leh, thil hi’thei tak khat thigawpi leh, gial kithua gual, tuikhanglian gual ah hat, thil tokmang zo a nei in, ama chu lei tual ah hun septha ding ahi.

ISAI 33:2

Aw Lalpa, ka chung un ja’ngai in, nangma ngâk ka hi’ngal un. Jingkal si’n leh ka hatnau hung hi’n la, lungdon phat si’n leh ka hukdamnau hung hita’n.

ISAI 49:4

Himaleh, keima’n, “A gimthawn ka hi tai, bangmalo ding leh a thawn ding bep in, ka hatna zosia ka la mang zo tai; ahi’n la, ka chung thu chu Lalpa ah um ahi’n, ka sepgim ga chu ka Pathian kiang in a um hi,” ka la ti tai.

ISAI 51:5

Kin tak in ka hukdamna hun naisak ing ka tin, ka hukdamna pawtdok in, ka khutbân in mi tinte chung ah vaihawm ding ahi; kawlkil tiang ah mite’n ei ngâk un, ka khutbân chule a kinepnau ahi.

ISAI 53:12

Ziaziakchun, miliante chantum chu pia’ng ka tin, gâlhatte tawh a gâl lâk thilte chu kihawm ta’n au; ama’n a hinkhua thi phal in a la kipedok ta’n, thil bawlkhialte lak ah simkhawm in a la um ta’ngâl a; mi tam takte gitlona chu pua’n, migilote â ding ah dot piak in a pang nalai sêt hi.

ISAI 59:15

Thutakna chu a lawsam ta’n, gitlo’na kipat kiheimang taphot chu, khut thuak ding ah kipia gual a hiu. Lalpa chun a la mu ta’n, vaihawmna dik a um tâk lo ziakin, a lung a dam ta puai.

ISAI 59:16

Kuama cha thudik a um puau ti a mu’n, a hung kisalâ ding khatle a umlo ziakin, lamdang a sa ma ma hi; tichun, ama khut ma ma’n zaw’na a pia’n, chuleh, ama diktatna’n a tudet tai.

ISAI 59:18

A thilbawl uh tawh kigûn in dit kit in a; ama dodâlte chung ah lungnatna, a mêlmate chung ah thukna leh, tuikual gam zosia chule hun thuk kit in a.

ISAI 62:11

Ngai un, Lalpa‘n kawl kîmvêl tiang ah mite kiang in, zia thu hi a puang jak tai: Zion chanu kiang in zia gual hin gen un: “Ngai in, la hukdamna a hung tung tai; ngai in, a kipakman chu a chawi in, nasep man ah a piak ding chule, a ma-âng in a um hi,” ti in.

ISAI 63:5

Ka dâk vêl leh, kuama a panpi ding a um pua; ka bân ka jak ah, kuama a tuktâng ding a um pua, mak ka sa ma ma hi. Tichun, keima khutbân chun zaw’na ei pia ta’n, ka hachangthakna chun ei tutâng tai.

JEREMIAH 31:16

Zia gual hin Lalpa‘n a gen hi: Kapdok talo dingin la aw chu kisûm inla, la mitthi le thiak-hul ta’n; la sep gim man chu mu ding la hi’ngâl a, Lalpa‘n a tii; la mêlmate gam ah kipat in, hung kit ding a hiu.

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

JOHAN 12:13

Tichun, tûmbâkte a lau ah, Jesu lamtua dingin a chiau ah, a hung kiko ua: “Hosanna! Lalpa min ah hung, Israelte Lengpa chu a hampha na e!” a tiu a.

JOHAN 12:15

“Lau kin, Zion chanu! En in la Lal chu, sabiltungno chung ah chuang in a hung hi,” ti kizik gual khan.

HEBRAITE 2:14

Naupangte chu taksa leh thisan changte ahiziak un, ama ngei inle zia ma chu a hung chang a; thina ziakin thina chung ah thuneipa Diabol chu a sukmanthai theina ding in.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.

THUPUAN 22:12

Ngai in, hung vak ziang ding ka hi tai; mi zosia a nasep dungzui chiat ua piak dingin ka kipakman ka kiang in a um tai.