ISAI 39:1 - PATHIAN LEKHABU THIANGTHO (BSI)

¹ Zia hun lai ah chun, Babulon Lengpa Baladan chapa Merodakh-baladan in, Hezekiah damlo thu leh a damlona kipat a dam kitna thu a la het ziakin, a kiang ah lekhathot tawh thilpiak tam tak thot in palai a sawl a.

ISAI 39:1 ပူးပေါင်းရင်းမြစ်များ

2 SAMUEL 10:2

David chun, “Nahash ka chung ah a ginum gual in keile a chapa Hanun chung ah ka ginum ding ahi,” a tia. Tichun, David in a pa thi chu gâl dingin palai a sawl a. David palai sawlte chu Ammonte gam a tun phat un,

2 SAMUEL 8:10

Lengpa Toi chun Lengpa David kiang in chibai bûk ding leh Hadadezer a zaw’na ziak ah kipakpi’na thu tut dingin a chapa Joram chu a sawl a. Zia lai ah chun, Hadadezer leh Toi chu kicho ah kido veu sek a hiu in. Joram in dangka thik, sana leh sum-eng thikte a puak piak a;

2 KHANGTHU 32:23

Mi tam tak in Jerusalem khua Lalpa kiang ah thilpiakte hun chawi in, Judai gam ah Lengpa Hezekiah â dingin thilpiak lûl tak tak a hun pekhawm tau ah; zia kipat chun nam tinte mit mu ah nasa tak ah choisa’n in a hung um tai.

2 KHANGTHU 32:25

Himaleh, Hezekiah chu a chapo ziakin, a chung ah phatna kibawl tawh kigûn in bangma a bawldok puai. Ziaziakchun, ama chung leh Judah mipite leh Jerusalem khua mite chung in hânsia a hung tung ta’n.

2 KHANGTHU 32:31

A gam ah thilmakte entha dingin Babulon ah miliante chun palai a hun sawl un; a lungthim dik tak kichetna dingin Pathian in ama chu a thathawt tai.

ISAI 13:1

Amoz chapa Isai in Babulon chungchâng ah a thil mu lawk chu zia gual hi ahi:

ISAI 13:19

Chuleh, Babulon, lenggamte lopina leh, Kaldaite kisuanpi lopina chu, Pathian in Sodom leh Gomorrah, a paithâk gual ah khan hung um ta’n a.

ISAI 14:4

zia gual hin Babulon lengpa chu êngho ta’n la: bangtidan ah mi tawden talo! bangtidan ah mi êngho talo!

ISAI 23:13

Kaldaite gam chu vak en tia! A gam ua mipite a hiu; Assuriate a hipaw veu! Gamsate chênna ding bep in Tura chung thu a lêl ui. A gâlvenbûk dingteu a siam un, a sung ah lal Inte pheljak in, khawpi chim a sua ui.