ISAI 38:5 - PATHIAN LEKHABU THIANGTHO (BSI)

⁵ Chia inla, Hezekiah kiang in: Lalpa, la pa David Pathian chun zia gual hin a gen hi vati’n, ti’n a sawl a: La pauchapna ka la he ta’n, la mitthi tuite le ka la mu tai; la damsung kum sawm leh nga hun belap piak ding ka hi.

ISAI 38:5 ပူးပေါင်းရင်းမြစ်များ

1 LENGTE 15:4

A banghileh, Lalpa a Pathian in David ziakin, Jerusalem tungdok kit ding leh, a nung ah a chapa tungding dingin Jerusalem ah thaumei a la pia tai.

1 LENGTE 8:25

Ziaziakchun, aw Lalpa, Israelte Pathian, la suak, ka pa David kiang ah, ‘La chate a chit thei ua, ka ma ah la um gual ah a um ua leh, Israelte lalchutpha kichu ding mi ka ma-âng ah tasam lo ding la hi,’ ti ah la thutiam kha guitun in.

2 LENGTE 18:13

Lengpa Hezekiah kum sawm leh li leng ahi kum ah chun, Assuria Lengpa Senakherib chu Judah khawpi kul ah ki-ûm zosia bulu dingin a hung kuanah, a hung la kit tai.

2 LENGTE 18:2

Ama chu a vaihawm pat kum ah chun kum sawmni leh nga upa a hita; tichun, Jerusalem ah kum sawmni leh kua sung vai a hawm ah, a nu chu Zekariah chanu Abi ahi.

2 LENGTE 19:20

Ziaphatchun, Amoz chapa Isai chun Hezekiah kiang in, “Lalpa Israel Pathian chun zia gual hin a gen hi, Assuria Lengpa Sennakherib do’na ding ah ka kiang ah la pauchap ziak ah hin;

2 KHANGTHU 34:3

Kum giat bep mi ahi ah, naupang cha ahi in vai a hawm pan ah, a pu David gual in a Pathian lung lam chu a hawl ah; a lal kum sawm leh ni’na chun Judai gam leh Jerusalem khua chun thoimualte, dawikhuamte leh milim kisiam haw chu a subei thiang zo tai.

JOB LEKHABU 14:5

A dam sung ni ding jat uh tiampiak in, a damchan ding uh tha zat la het ziakin, a phâk tawp ding tiang uh la guat ta’ngâl a.

SAM 116:15

A mithiangthote thi’na chu, Lalpa mit mu in lûl tak ahi.

SAM 147:3

Thinlung thasete a sudam ah, a liamnateu a tuam piak hi.

SAM 39:12

Aw Lalpa, ka pauchapna ngaitha’n la, ka hun ko’na hin la bildaw in; ka mitthi pawtte hi thipsan kin. La malzin ka hi’n, ka pu leh pateu gual khan, malzin châm mai ka hi’ngal a.

SAM 56:8

Nang in ka vâkvaina zosia la tepte ta’n; ka mitthi tui kia hi, savun pêng in koi in. La tepte’na lekhabu ah chun a umna hilo a hem?

SAM 6:9

Lalpa‘n ka dotna a he ta’n; Lalpa‘n ka pauchapna a pom tai.

THUGENTU 3:3

thalup hun a um ah, sukdam hun a um hi; phel jak hun a um ah, sak phat hun a um hi;

ISAI 37:21

Ziaphatchun, Amoz chapa Isai in Hezekiah kiang in zia gual hin thu a thot ah: Lalpa, Israelte Pathian in zia gual hin a gen hi: Assuria Lengpa Sennakherib chung thu ah ka kiang ah la pauchap tâk ziakin,

ISAI 38:4

Ziaphatchun, Lalpa‘n Isai kiang in:

KÂ LATE 3:56

ka patau aw la hia’n, “Panpi ka dotna hin la bil hum kin la, ei panpi in!”.

MATTHAI 22:32

“Keima hi Abraham Pathian, Isak Pathian leh Jakob Pathian chu ka hi. Pathian chu mithi Pathian a hipua’n, a hingte Pathian a hizawi, ti thu kha,” a tia.

LUKA 1:13

Himaleh, vansawlchâk chun a kiang in, “Lau kin, la pauchapna ngaithâk ahi tai; la ji Elizabeth chun chapa pakhat hing intin, a min in Johan la sak ding ahi.

NASEPTE 27:24

ka kiang in, ‘Paul, lau kin, Lengpa Kaisar âng ah ding ngei ngei ding la hingal in, Long ah la chuan khawmpite zosia hile Pathian in a vênbit ei tai,’ ei ti hen.

2 KORINTH 7:6

Himaleh, lungkete thamuanpa Pathian in, Tita hung ziak chun ei thamuan in,

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.