ISAI 38:3 - PATHIAN LEKHABU THIANGTHO (BSI)

³ “Aw Lalpa, tu’hin hezing in, ka lungthim zosia’ ginum tak ah la mit mu ah ka umdan leh, la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

ISAI 38:3 ပူးပေါင်းရင်းမြစ်များ

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

THILSIAM THU 6:9

Ziate hi Noah suante a hiu: Noah chu midik leh ama khang ah mite lak ah demna bei ahi: Noah chu Pathian tawh a kivop zing ui.

1 LENGTE 15:14

Himaleh, thoimualte chu vang a subei thiang puai; ahi’n la, Asa lungthim chu a dam sung sia’n Lalpa lam in a dik hi.

1 LENGTE 2:4

Lalpa‘n ka chungchâng thu ah, ‘La chateu in a hinna zosiau leh a lunggil zosiau tawh, ka âng ah thutak ah a um ua, a umdan uh a chit thei uh chun, Israelte lalchutpha chung ah kichu ding mi tasam pua’n la,’ a ti thu a sutzop theina ding in,” a tia.

2 LENGTE 18:3

Ama hin a pa David thil hi dan zui in, Lalpa mit mu ah thil dik tak chu a bawl sek a.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

1 KHANGTHU 29:19

Chun, ka chapa Solomon hi la thupiakte, la thil hiatsakte leh la dante zawm ah, zia gual ah chu um thei ding leh ka la kiguanggal dungzui ah zia In chu sa dingin, lungthim pha bukim putsak ta’n, ti’n a gen tai.

1 KHANGTHU 29:9

ziaphatchun, zia mite chun kiphal tak ah a piak ziak uh leh, Lalpa a ding ah lung kigual takah a piak ziak un mipite chu a kipak ma mau ah; Lengpa David chule a kipak ma ma ziang hi.

2 KHANGTHU 16:9

Ama ah lungthim dik tak nga zosiate hihat dingin, Lalpa mit chun khawvel pumpi a mu suak hi. Ngolhuai tak in zia gual hin la bawl ta mai hi; tu’kipat hin gâl do pan ta ding la hi,” ti’n a vagen a.

2 KHANGTHU 25:2

A lunggil zosia’n zui lo maleh, Lalpa mit mu in lam dik a zui hi.

EZRA 10:1

Ezra in gitlona thu pha chawi ah, kap kawm ah Pathian In mai tual ah a kipek ziang phatah chun, Israelte lak ah a mei a pa, a si a sên in mipi tam tak a kiang in a hung khawm tau a; mipite chule nasa tak in a kap jak ziang tau a.

NEHEMIAH 1:4

Zia thute chu ka het phat in, ka chu suk ah, ka kap ta’n; chuleh, ni bang jat a hem sung ka sûn ah, van Pathian kiang ah anngawl in ka pauchap tai.

NEHEMIAH 13:14

Aw ka Pathian, ka Pathian In leh a sung ah nasepna â ding ah ka thilbawl phat hi hezing inla, nuaimang ziang kin.

NEHEMIAH 13:22

Chun, Levite chu amau kisuthiangtho ah hung khawm ding leh sabbath ni a thianthona ding ah kul kotkhakte chu vêng bit dingin thu ka pia tai. Aw ka Pathian, zia chungchâng thu ah hin ei hezing in la, la ja’ngaina let dungzui in ei hawi in.

NEHEMIAH 13:31

tichun, a hunbî dungzui ah thawlawm thing ding leh gamasa thillat dingte chule ka se piak tai. Aw Pathian, ka phatna hi hezing ta’n.

NEHEMIAH 5:19

Aw ka Pathian, zia mite â ding ah ka thilbawl hi ka phatna dingin hezing in, ti’n ka hun ni hi.

SAM 101:2

Demna bei lampi chu zil ing ka. Zia chu bangtik leh ka chang diam? Ka In sung ah thinlung thiangtho in um ing ka.

SAM 102:9

Vut chu an gual in ka ne ta’n, ka dawn dingte chu ka mitthi tui tawh ka hel in,

SAM 119:80

Ka mualpho lona dingin, ka thinlung in la thu guatte chu, dem kâi lo in zui zing ta hen.

SAM 16:8

Lalpa chu ka ma-âng in ka umsak zing ah, ka changlam ah a um zing ziakin kilîng lo ding ka hi.

SAM 26:3

La ngilneina chu ka ma’n a um zing a, la thu tak in ka um zing hi.

SAM 32:2

Lalpa‘n khawlona nei ah a ngailo ah, a lungthim ah mi thepna him him umlo te chu mi hampha a hiu.

SAM 6:6

Ka thûmna ziakin ka gim ta’n; jan si’n in ka mitthi tui in ei chûm a, ka lupna le ka mitthi tui in a chêk suak hial ta ahi.

SAM 6:8

Nanghaw, thil phalo bawlte haw, ei nusia sik sek tau in; Lalpa‘n ka kâ thawm a he ta’ngal a.

ISAI 38:2

Ziaphatchun, Hezekiah chun bâng lam nga’n, Lalpa kiang in zia gual hin a pauchap ta’n:

ISAI 38:4

Ziaphatchun, Lalpa‘n Isai kiang in:

HOSEA 12:4

Vansawlchâk tawh a kibuan un, a buan zo ta’n, kap pum in a maljawlna a don a; Bethel ah a kituakpi ah, zia chun a kiang in thu a gen tai.

JOHAN 1:47

Jesu’n a kiang lam zuan ah Nathanael hung chu a la mu in, a chung thu a la gen a, “En tiam un, Israel mi tak, zuauthepna neilo mi saw!” a tia.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

DAN LEKHABU 6:18

La pu leh pateu kiang ah Lalpa‘n a la tiamna gam la hun luau ah, la chan phat ua leh, lam zang tak ah la khawsak theina ding un, Lalpa mit mu ah dik leh pha chu bawl unla;

HEBRAITE 5:7

Ama chun taksa a um lai khan thina kipat hukdok theipa kiang in, nasa tak ah kiko leh mitthi pum in pauchapna leh ni’na a lân ah, Pathian ki’châk dan a het ziakin ngaithâk in a um hi.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.