ISAI 38:17 - PATHIAN LEKHABU THIANGTHO (BSI)

¹⁷ Zia gual ah haksatna ka tuak chu, kei â dingin thil pha ahi ngei hi. Ka gitlona zosia la nung lam ah la pai mang tâk ziakin, siatna khûk ah lut lo dingin, ka hinna la nungkai kit tai.

ISAI 38:17 ပူးပေါင်းရင်းမြစ်များ

JOB LEKHABU 29:18

Ziaphatchun, “Ka buzawl ah hin thi’ng ka tin, ka dam sung nite hi piaunêl gual in, hitam ing ka,” ti’n;

JOB LEKHABU 33:24

ama lainat in doisak ma ma in, “Thi’na ko’tang ah kipat in hun hukdok un, ama kitatna ding ka mudok tai;

SAM 10:2

Michagate chu mi nunsiate’n chapo tak in a gawt sek un; a thil phalo guanggalnau ah chun amau awk tau hen.

SAM 103:12

sualam ah kipat tumlam a gamlat gual in, I hi’khelnateu gamla tak in a koimang tai.

SAM 103:3

la manthei lona zosia a ngaidam ah, la natna zosia a hi’dam ah,

SAM 103:4

la hinna thi’na khûk ah kipat hukdok in, ngilneina leh khawtuana a khuksak in,

SAM 30:3

Aw Lalpa, nang in ka hinna, Sheol ah kipat in la hukdok ta’n, mithi khua chiasukte lak ah kipat in, ka hinna la tungding kit ta ahi.

SAM 40:2

Manthaina kawkhûk, buanthuak lak ah pat in ei kaidok ta’n, ka keng suangpi chung ah nga’n, ka kalsuante a hi’det tai.

SAM 55:23

Himaleh, aw Pathian, nang in amau chu manthaina kawkhûk ah, pai lut in la tin; thisan sua mang leh thep mang mite chu, a dam sung ding uh kimkhat le dam zo pua’n au. Ke’n vang nang bep muang zing ing ka.

SAM 85:2

La mite dukdaklona la ngaidam ta’n; a gitlonau zosia la ngaidam tai.

SAM 86:13

Ka chung ah la ngilneina a nasat ziakin, ka hinna Sheol khûkthim pen ah, kipat in la hukhing tai.

ISAI 38:15

Bang gen thei ding ka nei em? ama’n ka kiang in thu a gen ta’n, ama’n a bawl ahi ngal a. Ka lungthim genthei ziakin, ka ipmu thei ta puai.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

JONAH 2:6

tângte bul lam pek ka tung tai. Lei in kumtuang ah chabi a khâkkhûmna ding mun chu ka tung suk tai; ahi’n la, aw Lalpa ka Pathian, nang in ka hinna khûkthim ah, kipat in la puidok tai.

JONAH 2:7

Ka hinna ka sung ah a basap lai in, Lalpa chu ka hezing ah; tichun, ka pauchapna chu, la tempul thiangtho ah la kiang, a hung tung to tai.