ISAI 37:4 - PATHIAN LEKHABU THIANGTHO (BSI)

⁴ Lalpa la Pathian in, Assuria lengpa’n Pathian hing hosia ding ah Rabshakeh a hun sawl in, a thugen zosia kha a la he ta ngei intin; zia a thugen a het zosia dungzui chun Lalpa la Pathian in a la vau thuk kit ta hen. Ziaziakchun, nutsia ah a la umte â ding ah chun a la pauchap piak ta’n,” a tiu a.

ISAI 37:4 ပူးပေါင်းရင်းမြစ်များ

2 SAMUEL 16:12

Ka lungkhamna hi Lalpa‘n ei mu piak ahi chun, tu’ni zia gual ah hânkhum ah ka umna hile Lalpa‘n a pha lam ah ei hei piak zaw mai thei tho ahi,” a tia.

2 LENGTE 17:18

Ziaziakchun, Lalpa chu Israel chung ah chun a lung a hung na ma ma ta’n, ama mit mu ngei ah chun amau chu a hun koimang ta’n; Judah namte tilo ngal chu pakhat chale khek a nei ta puai.

2 LENGTE 19:4

Lalpa la Pathian chun Rabshakeh thugente kha a la he ngei intin, Pathian hing simmaw leh hânsia law ding ah Assuria lengpa’n a hun sawlpa thugen kha, Pathian in he ngei ding a hia; nutsia ah um sunte â ding ah hin la pauchapna chu hun habawl ta’n,” a tia.

2 KHANGTHU 28:19

Judai gam ah Lengpa Ahaz in Judai gam ah mite chu Lalpa chung ah a ginum lo uh khawk a sak lo ziakin, Lalpa chun Judai gam chu a la suniam ta ahi.

2 KHANGTHU 34:21

“Zia Dan Lekhabu kizikte hi I pu leh pateu in a la zui tâk lo ziak un, I chung un Lalpa lungnatna huaisia tak chu a la tung ta hen; chiau inla, zia Lekhabu kimudok thute dungzui ah, keima leh Israel leh Judai gam ah um nalai sunte chungchâng hi, Lalpa kiang ah ei vadawp piak tiam un,” ti’n a sawl tai.

SAM 106:23

A mi têlchuam Mosi, a thasâng un a la ding lo vang leh, a lungnat ziakin a leng un, a la hi’mangthai mai dingin, a la gen a.

SAM 50:21

Zia thilte chu la bawl in, ahi’n, ka hun thipsan ah; nangma gual bep hidingin lei ngaitua a. Tu’hin vang hun zilgai in, la thiamlo channa ka hun tâklat piak tai.

ISAI 1:8

Zion chanu chu grep huan ah bûk lui gual leh, changmai lei honna dailîm gual leh, khawpi mi sal ah mat gam gual ah nutsia in a um tai.

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 10:20

Zia ni phat chuleh, Israelte lak ah a thibang sunte tawh, Jakob Inkuan ah a suakcha sunte chun, amau gawtte ah kinga talo in, Lalpa Israel Mithiangtho ah chun ti tak tak in kinga zaw ta’n au.

ISAI 10:22

La chipi Israelte chu tuisuagiat ah piaunêl jat ah tam himaleu, a thibang sunte bep hung kile’kit in au. A chung ua siatna tung ding ah tiamsa a hita’n, diktatna luanglêt ahi.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 36:13

Ziaphatchun, Rabshakeh chu hung dingdok in, Hebrai pau ah ngai tak in thu a gen ta’n: “Leng lopi, Assuria lengpa thugen hi a la ngai un!

ISAI 36:18

Hezekiah in Lalpa‘n ei hukdok ding ahi, a ti chun kithep zawsak kiu in. Assuria lengpa khut ah kipat a gam uh hukdaw piak thei pathian nei kua a um ua a hem?

ISAI 36:20

Zia a gamteu hi a gam ua pathiante lak ah kua pen chun ka khut ah kipat a hukdok bek ah, Jerusalem chule Lalpa‘n hukdok in ah, ti la hiu em?” a ti’n.

ISAI 37:17

Aw Lalpa, keima lam ah la nakhang hun daw inla, ei ngaitha’n. Aw Lalpa, la mit hak inla hun en tiam in; Pathian hing hosia ding ah mi a hun sawlte ah kipat in Sennakherib thugente hi a leng in la he ta’n.

ISAI 37:31

Judah Inkuan ah mi, a um nalai sunte chun, nuai lam ah a zung uh tha’n, chung lam ah ga hun sua kit ta’n au;

ISAI 37:32

Jerusalem ah kipat a thibang sunte hung pawtdok intiu in, Zion tâng ah kipat a suakcha honting tak pawtdok in au; sepai honte Lalpa phatchuam ngaina chun zia chu bawl ding ahi.

ISAI 37:5

Lengpa Hezekiah suakte chu Isai kiang a hung tun phat un,

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 46:3

Ka gil ah ga, keima gilpi ah piang, nanghaw Israel Inkuan lak ah a thibang sunte haw, aw Jakob Inkuan ah mite haw, ka thugen hi a la ngai unla,

JEREMIAH 26:19

Judai gam ah Lengpa Hezekiah tawh, Judai gam ah mipite chun a la that ziang sam awm? Lalpa chu lau in, Lalpa doisakna a dot ziak un a chung ua siatna tung ding ah a la gendawsa kha, Lalpa‘n a lungthim theng kit mai hilo a hem? Tu’hin, ei haw vang, I chung ua siatna huaisia tak tunsak ding I hitau hilam! a hun tiu a.

JEREMIAH 42:2

jawlnei Jeremiah a hun nai un, a kiang in, “Lungsiat ah ka dotnau ei ngaithâk piak dingin, la phatna sua inla, Lalpa la Pathian kiang ah, a um nalai sunte â ding hin ei dot piak in. La mit ngei ah la mu gual in, mi tam tak lak ah tawmcha bep nutsia ah um ka hitau hi.

DANIAL 2:18

Danial leh a lawite pum ah Babulon mipil zosia thalup a hilo’na ding ua, van Pathian in zia thugûk chu a hiatsak theina ding ah a ja’ngaina don dingin a hil a.

JOEL 2:17

Lalpa nasêm thiampute le, mâichâm leh hulliap kikâl in kap tau hen. “Aw Lalpa, la mite hawi inla, la gochante nuizatbûk leh, namdangte gensim di’n siam kin. Bang ziak ah namdangte lak ah, ‘A Pathian uh khawi ah um a tam?’ ti ah a um ding,” ti tau hen.

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

AMOS 7:2

Gam ah hampa zosia a nêk zaw phat un, keima’n: “Aw Lalpa Pathian, ngaidam in, la ngaidamna ka dawn hi! Jakob bangti’n pang zo ding a hem? Ama a neu ngal a!” ka ti ta’n.

ROMTE 9:27

Israel chung thu ah chun, Isai khanle, “Israel chate tam dan chu tuisuagiat ah piaunêl jat hi ziangleu le, a lak ua tawmcha bep hukdam ah um ding a hiu;

JAKOB 5:16

Chutichun, sukdam ah la umtheina ding un, la gitlonateu thupha kichawi tuau in la, kipauchaptua piak un. Midik pauchapna chun thil ahi’thei ah, a phachuam hi.

JOSHUA 14:12

Chutichun, Lalpa‘n zia ni a la gensa, zia tak tâng gam ngei hi ei pia ta’n; zia ni khan Anakimte leh a khawpiu, kulpi detdo tak tak neite chênna gam ahi ti zia ni khan la he ta’ngâl ah; Lalpa‘n ei umpi intin, amau chu deldok mai ding ka hi, Lalpa‘n ei la gen piaksa ahi gual in,” ti’n a gen ta’n.

1 SAMUEL 12:19

Mipi zosia chun Samuel kiang in, “Thi lo ah ka umtheina ding un, la suakte â ding hin Lalpa la Pathian kiang ah ei pauchap piak in; ka gitlonau belapna dingin, ka chung ua vaihawm ding leng ka la don nalai sêt un,” a tiu a.

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.

1 SAMUEL 14:6

Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.

1 SAMUEL 17:26

David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

1 SAMUEL 17:36

La suakpa hin sakeibaknei leh savom bang jat a hem that ta ka hi; zia zektanlo Philistin mipa hile, Pathian hing sepaite a cho dan tak hi, ziate gual ah chun bawl ding ka hi,” ti’n a dawnhu a.

1 SAMUEL 7:8

Israel mipite chun Samuel kiang in, “Lalpa ka Pathian kiang ua kei uh â ding ah pauchap chu chawl kin la; Philistinte thunuai ah kipat ei hukdok dingin ei dot piak zing in,” a tiu a.