ISAI 33:2 - PATHIAN LEKHABU THIANGTHO (BSI)

² Aw Lalpa, ka chung un ja’ngai in, nangma ngâk ka hi’ngal un. Jingkal si’n leh ka hatnau hung hi’n la, lungdon phat si’n leh ka hukdamnau hung hita’n.

ISAI 33:2 ပူးပေါင်းရင်းမြစ်များ

SAM 123:2

Suakte mit in a pu khut a et zing gual leh, suaknu mit in a pi khut a et zing gual in, zia gual chun, I Pathian ja’ngaina, I chung ua a hung tun masangsia, I mit un Lalpa chu I en zing uh ahi.

SAM 143:8

Jingkal in la ngilneina det thu ei hetsak in, nang ka hun ging ngal a. Ka chiana ding lampi ei hil in, ka lungthim in nangma lam ka hun nga ngal a.

SAM 25:3

Nangma ngâk zosia kuama mualphosak kin; lepchia tak ah tawite chu vang mualphosak zaw’n.

SAM 27:1

Lalpa chu ka vâk leh ei hukhingpa ahi’n; kua a hem ka lau ding? Lalpa chu ka bitna kulpi ahi; kua a hem ka lau ding?

SAM 33:22

Aw Lalpa, nangma ah ka kinepna dungzui un, la ngilneina chu ka chung un um zing ta hen.

SAM 37:39

Mi dikte hukdamna chu Lalpa ah kipat ahi’n; ama chu a lungjin lai ua kisêlna kulpi ahi.

SAM 46:1

Pathian chu I kisêlnau leh I hatnau, lungkham lai ah panpi vak ziang naicha um ahi.

SAM 46:5

Pathian chu khawpi lailung in a um ah, kilîng pua’n a; Pathian in phalvak ah chun hun panpi in a.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SAM 60:11

Ka mêlmateu ka do zaw’na ding un ei panpi in; mihing panpi’na hi bangmalo mai ahi ngal a.

SAM 62:1

Ka hinna hin thipbek in Pathian bep a ngâk a; ama ah kipat in ka hukdamna, hung pawt ding ahi ngal a.

SAM 62:5

Ka hinna’n thip bek in Pathian bep a ngâk ah; ka kinepna chu ama ah kipat ahi ngal a.

SAM 62:8

Aw mipite haw, ama chu ging zing un, la thinlung gil teu a ma’n sungdok unla; Pathian chu I kisêlnau ahi. (Selah)

SAM 90:15

Lei sukgentheina ni jat leh, thil phalo ka tuak kum sung tawh kigûn in, ei kipak sak ta’n.

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

PAWTDAWNA THU 14:27

Tichun, Mosi’n a khut chu Tuipi chung ah chun a vak jak ah, jingkal phalvak ah chun Tuipi chu a thuk dan pangai ah thuk in a hung luang mat kit tai. Aiguptate a jam daw guat lai un Lalpa’n Aiguptate chu Tuipi lak ah chun a paitha tai.

ISAI 17:10

Nang in la hukdamna Pathian la hemil ta’n, la kisêlna Suangpi chu la he’pha ta paw’ngal a; ziaziakchun, thâichi doi um tak tak te chîng malehchin le,

ISAI 25:4

Migentheite’n kisêlna’n a hun mang un, a lungdon lai ua tasamte kisêlna la hi’n; thigawpi lak ah bitna leh, nisa lak ah dailîm la hi. Phalbi lai ah thigawpi gual ah mi huhamte’n a nawu a,

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 26:16

Aw Lalpa, lungdonni’n a hun hawl un, la thununna a chung ua a tun phat leh, la kiang ah pauchapna a sungtha sek ui.

ISAI 26:8

Aw Lalpa, la vaihawmna lampi chun, nangma chan bep ka la ngâk ui; la min leh la minthanna chu ka thangai pen uh ahi.

ISAI 37:3

Isai kiang in zia gual hin a vagen tau a: “Hezekiah in zia gual hin a gen hi: Tu’ni hi lungkhamna, vauna leh simmaw ah umna ni ahi; chate hung piandaw hun chu a hita’n; ahi’n la, a piansakna dingin tha leh zung a um ta puai.

ISAI 40:10

En un, Lalpa Pathian chu thilhitheina tawh a hung in, a bân thahât in vai a hawm hi. En un, a kipakman chu a kiang in a um in, a thukna chun a kitonpi zing hi.

ISAI 51:5

Kin tak in ka hukdamna hun naisak ing ka tin, ka hukdamna pawtdok in, ka khutbân in mi tinte chung ah vaihawm ding ahi; kawlkil tiang ah mite’n ei ngâk un, ka khutbân chule a kinepnau ahi.

ISAI 59:16

Kuama cha thudik a um puau ti a mu’n, a hung kisalâ ding khatle a umlo ziakin, lamdang a sa ma ma hi; tichun, ama khut ma ma’n zaw’na a pia’n, chuleh, ama diktatna’n a tudet tai.

ISAI 8:17

Jakob Inkuante mulo ding ah kisêl mang Lalpa chu ngâk ing ka tin, ama ah chun kinem zing ing ka.

JEREMIAH 14:8

Aw Israelte kinepna, a buai hun si’n ua leh hukdokpa chu la hi. Bangtidan ah zia gam ah hi khualzin, jan khat bep giak gual ah um la hi em?

KÂ LATE 3:23

jingkal si’n in a thak zing in; la ginumna chu a nasa na e!

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.