ISAI 32:3 - PATHIAN LEKHABU THIANGTHO (BSI)

³ Ziaphat chuleh, mutheina ding mit neite mit chu, sukthim hita pua’n tin; hetna ding nakhang neite chunle ngaitha ta’n au.

ISAI 32:3 ပူးပေါင်းရင်းမြစ်များ

ISAI 29:18

Zia ni phat chuleh, bengngongte chunle, lekhazial sung ah thute chu hethei ta’n tin uh; mitthûmte mit chunle, khawthim nuai leh thim lak inle, khua hun mu thei ta ding ahi.

ISAI 29:24

Thagau ah hi’khialte chun, hun hethiam ta’n tiu in, phunchiakte chunle, zilsakna thu pom thei ta’n au, ti in.

ISAI 30:26

Zia bep chule hilo in, Lalpa‘n a mite liamna a tuam piak ah, a thalchang in a sukliamnate a sukdam piak phat leh, thapi vak dan chu nisa gual hung hi’ntin, nisa vakna chule a le’sagi, ni sagi a vakna kigawm gual in hung vâk ta’n a.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

MATTHAI 13:11

Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

MARKA 7:37

“Ama chun bangkim a bawlpha tai; bengngongte khua a hetsak a, pautheilote le a pausak hi,” ti’n lamdang a sa ma mau hi.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.