ISAI 32:14 - PATHIAN LEKHABU THIANGTHO (BSI)

¹⁴ Lal In chu taisan ah um in, mipi ah dim khawpi chule, nutsia ah hung um ding ahi ngal un; tângsâng leh a chung ah gâlvênbûk chu, gammâng hung hiden ta’n tin, gam sabiltungte kipakna mun leh, belam hon tatna mun hung hita’n a;

ISAI 32:14 ပူးပေါင်းရင်းမြစ်များ

2 LENGTE 25:9

Jerusalem ah In zosia, Lalpa In tawh, lal In tawh, a milianteu In haw zosia tawh le a hung hâltum sik sek tai.

2 KHANGTHU 33:14

Zia nungah chun, David khawpi pawlam ah Gihon tumlam phâijawl ah kipat Sanga Kotpi tiang in kulpi chu a hun siampha kit ah; Ophel mun chule sâng tak in kul in a hun ûm kîmvêl suak tai. Chuleh, Judai gam ah khawpi kul nei zosia ah chun a vêng ding sepai hotute a koi suak tai.

NEHEMIAH 3:26

Ophel ah chêng tempul ah nasêmte chun, sualam kâi ah um Tui Kotpi mai jawn leh Insâng hung dawkdok tiang chu a la siampha tau a.

SAM 104:11

gamsa chitinte’n dawn in, gamsabiltungte’n a dang uh a hino sek ui.

ISAI 22:2

nang, limna leh kipakna ziak ah, kiko chiak veng vung khawpi hilo maw? La sung ah mithite chu chemjam leh kidona thi ahi puau hi.

ISAI 24:10

Buaina khawpi chu suksiat a hita’n, In zosia chu kuama lut thei talo ding ah, kamchak suak ahi tai.

ISAI 24:12

Khawpi sung chu a hawm ah nutsia a hita’n, a kul kotkhakte chule suksiat sik sek ahi tai.

ISAI 25:2

Nang in khawpi chu thilsia kisung vûm in la siam ah, khawpi kul ah ki-ûmte chule la hisia’n; mêlmate lal In haw chu khawpi hita lo dingin la siam ah, tundin kit hita pua’n au.

ISAI 27:10

Kulbâng ah ki-ûm khawpi chu, nutsia in um intin, chênna munte chu nutsia leh jamsan ah um in, gamthip chang ta’n a. Zia chun bawng no ta hiat hiat ta’n tin, a nop a ning ah kual in, a dua selthakte chu ne gam ta’n au.

ISAI 3:26

A kotpiteu chu lusûn in, kâ La’n awi ta’n au; hisiat dim dem ah um in, suksiatsa’n tual ah kichu ta’n au.

ISAI 5:9

Sepai honte Lalpa‘n a kipau tiamna ka hia’i: mathei lo in, In lian leh mêlpha, tam takte hi a sung ah chêng ding um lo ah a hawm ah nutsia in hung um ding a hiu.

ISAI 6:11

Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

ISAI 7:23

Zia ni phat chuleh, grep ga tam tak tak, dangka shekel sâng tampi pi man umna munte kha hampa lingnei leh khaugui in hung jam dim ta’n a.

JEREMIAH 14:6

Gam sabiltungte le tâng sip zum ah, si-al gual ah hui dong in a ha dup dup tau a; a nêk ding uh hampa hing umlo ziakin, a mit uh a chau hial tai.

JEREMIAH 33:4

Lalpa, Israelte Pathian chun, chemjam ah gâldo’na nang ding ah kulbâng kisiam chim zo ta, zia khawpi ah chêngte leh Judai lengte Inkuan chungchâng thu zia gual hin a gen hi:

JEREMIAH 52:27

Chuleh, Babulon Lengpa chun zia zosia chu Hamath gam ah Riblah ah chun a that sik sek tai. Chutichun, Judai gam ah mite chu a gam paw lam un sal ah puimang in a um zo tau hi.

JEREMIAH 6:5

“Kipan un, jan leh sim hitiu in, a leng Inteu chu susiai tiu!”

HOSEA 2:3

achutiloleh, ngawnchang in koi ing ka tin, a pian ni gual ah ngawnchang in umsak ing ka tin; gamthip gam gual in siam ing ka tin, gam keu gual in umsak ing ka tin, dangchâk ah thi’sak ding ka hi.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

ZEPHANIAH 2:15

A haw kha taphot in huaisia sa’n, a khut uh thin khum in: “Zia hi maw khawpi kichawisâng leh bit kisa ma ma ah, Keima bep ka hi, keima tawhbang khawpi dang a um puai,” ti chu! Bang gual bep ah hawm ah nutsia ah um in, gamsate chênna hung hi mai a tam!

ZEPHANIAH 2:7

Tuisuagiat pâmte chu Judah Inkuan lak ah, a umsun te chanvo hung hi’ntin; zia tak ah chun a gan honteu tatsak intiu in, nitâk lam leh Ashkelon ah chun giak ta’n au. Lalpa a Pathian un amau chu kantha ta’n tin, a vangphatnau hun pia kit ta’n a.

LUKA 21:20

Chuleh, Jerusalem chu sepaite’n a hun ûm uh la mu tak ua leh, a hawm ah a umna ding chu a nai tai, ti he ziang un.

LUKA 21:24

Chemjam in thi’n tiu in, nam zosia kiang ah sal ah pui in um intiu in; Jentelte ni bukim masia Jerusalem chu Jentelte chotden in um in a.