ISAI 32:13 - PATHIAN LEKHABU THIANGTHO (BSI)

¹³ ka mite chênna mun hampa leh, ham lingnei in a chup zaw tâk ziak leh, ahi, khawpi lim tak leh, a sung ah limna Inte a se zo ta’ngal a.

ISAI 32:13 ပူးပေါင်းရင်းမြစ်များ

SAM 107:34

a gam ah chêngte nunsiatna ziakin, lei phatna mun chu lei al, bangma chîn theilona mun a chansak hi.

ISAI 22:2

nang, limna leh kipakna ziak ah, kiko chiak veng vung khawpi hilo maw? La sung ah mithite chu chemjam leh kidona thi ahi puau hi.

ISAI 23:7

Zia khawpi hi maw khawpi kumlui leh la kisaktheipi ma mau. Ama keng ma ma ah gamla tak tak ah tawmang ah um chu!

ISAI 23:9

Sepai honte Lalpa guanggal ahi, mi lopite kisuanpi zosia bangmalo sua ding leh, lei chung zosia’n a ngaisân uh hi’mualphona dingin.

ISAI 24:11

Uain tâksap ziakin khawlai ah chun, mite a kiko veng vung ui; kipakna zosia’n mual a khum tai; lei ah kipakna zosia’n mual a khum tai.

ISAI 27:10

Kulbâng ah ki-ûm khawpi chu, nutsia in um intin, chênna munte chu nutsia leh jamsan ah um in, gamthip chang ta’n a. Zia chun bawng no ta hiat hiat ta’n tin, a nop a ning ah kual in, a dua selthakte chu ne gam ta’n au.

ISAI 34:13

A lal In uh lingbuk in jam khum ta’n tin, a kulpiteu chu zakthâi leh linggui in jam dim ta’n a. Ngei hon chên muanna mun leh, vagawlsaute chênna mun hung suak ta’n a.

ISAI 5:10

Grep huan chîng sawm in bath khat khêl kihêkdok pua’n tin; buchi homer khat in ephah khat khêl ga sua pua’n a.

ISAI 5:6

Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

ISAI 55:13

Hampa lingnei ke’na mun ah chun, châkthingte hung kekdok ta’n tin; theimi lingbuk ke’na mun ah chunle, vaisuaklu hung kek ta’n a; zia chu Lalpa â ding ah kumtuang ah, tepte’na leh mêlchikna hung hita’n tin, kuama’n ziate chu vât tha ta pua’n au.

ISAI 6:11

Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

ISAI 7:23

Zia ni phat chuleh, grep ga tam tak tak, dangka shekel sâng tampi pi man umna munte kha hampa lingnei leh khaugui in hung jam dim ta’n a.

JEREMIAH 33:4

Lalpa, Israelte Pathian chun, chemjam ah gâldo’na nang ding ah kulbâng kisiam chim zo ta, zia khawpi ah chêngte leh Judai lengte Inkuan chungchâng thu zia gual hin a gen hi:

JEREMIAH 39:8

Kaldaite chun lengpa In leh mipite In haw chu mei ah hâl in, Jerusalem kulbâng chu a suchim dik dek tau a.

JEREMIAH 52:27

Chuleh, Babulon Lengpa chun zia zosia chu Hamath gam ah Riblah ah chun a that sik sek tai. Chutichun, Judai gam ah mite chu a gam paw lam un sal ah puimang in a um zo tau hi.

HOSEA 10:8

Israelte gitlona, Aven, munsângte chu suksiat hita’n a. A mâichâm umna mun in ling leh lênling kek in a. Tângte kiang ah chun, “Ei khu un,” mualte kiang ah chun, “Ei delkhum un,” ti ta’n au.

HOSEA 2:3

achutiloleh, ngawnchang in koi ing ka tin, a pian ni gual ah ngawnchang in umsak ing ka tin; gamthip gam gual in siam ing ka tin, gam keu gual in umsak ing ka tin, dangchâk ah thi’sak ding ka hi.

HOSEA 9:6

Siatna pumpel in suakcha maleu, Aiguptate’n chom khawm intiu in; Memphis in amau vui in au. A dangka golûlteu chu zakthâite’n lua intin; a puanbûkteu ah chun lingte um in a.