ISAI 32:11 - PATHIAN LEKHABU THIANGTHO (BSI)

¹¹ Numei nuamsate haw, kithing unla, numei ngaisamte haw, kithing in, la nîk leh puan liptha’n, saidip puan chêng un.

ISAI 32:11 ပူးပေါင်းရင်းမြစ်များ

SAM 123:4

Mi nuamsate simmawna leh, mi kisatheite musitna’n ka hinnau a dim ta’i.

PAWTDAWNA THU 33:4

Mipite chun zia kamsuak phalo tak chu a het phat un, a thûm tau a; a kichei nuamle a um ta puau a.

ISAI 15:3

khawlai dung ah saidip puan a sil un, Inchung tin leh khawlai ning tin in, mitin a kap tawl chuai chuai ui; lau in a chautha zo tau hi.

ISAI 2:19

Lei chung hilau ding ah a hung kuan phat leh, Lalpa lalna a lopi ding ziak leh, a lau um ma ma ding ziakin, suangpi kawlhawm leh, lei kawhawmte ah chun tâi lut un.

ISAI 2:21

lei chung hi’lau ding ah a hung phat leh, Lalpa lau umna leh a lalna lopi tak ziakin, suangpi kêk kâl leh kawlpûk kâl ah chun kisêl mang ta’n au.

ISAI 20:4

Assuria lengpa’n, Aigupta mite chu suangkul ngak ding ah man in, Ethiopia mite chu sal in pui ta’n tiu in, a têk a khang, nîk leh puan bei leh kengtawdap bei in, Aiguptate sukmualphona dingin pui in a.

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

ISAI 3:24

A gimtui uh ui ta’n tin, a ngaltuamnau thasâng un khauhual; a sam uh pha tak ah het malak sâng un, a luchang uh kol intin; puan man tam lopi tak malak in, saidip puan khu’khum hita’n tin; a mêlpha thei pen ah kithuam malak sâng in, zachatna’n kithuam ta’n au.

ISAI 33:14

Zion ah migilote chu a lau tau a, pathian neilote chu a kithingse tau a: “Zia gual ah mi kâng mang thei meikuang lak ah hin, I lak ua kua a hem pang zo ding? Kumkhua meikuang lak ah chêng thei ding, I lak un kua I um awm?” a tiu a.

ISAI 47:8

Ziaziakchun, tu’hin ziate hi he ta’n, nang mi kinoptel leh bit kisa tak ah khawsa, la lungthim in: “Keima sâng ah lian kuama a um pua’n; meithâi gual in kichu pua’ng ka tin, ka chate le sûn pua’ng ka,” la ti’n.

JEREMIAH 4:8

“Lalpa lungnatna huaisia tak chu, ei haw ah kipat heimang ahi puai, ti’n kap ah sûn in, saidip puan sil tau in”.

JEREMIAH 49:3

Aw Heshbon, Âi khua suksiat ahi tâk ziakin, ha-kâ in kap ta’n! Aw Rabbah chanute haw, kap jak tau in! saidip puan sil unla, sûn unla, buai lei lui in tai tawl het hut tau in. Milkom chu a thiampute tawh, a tawi a chante pum in, sal ah pui mang ah um ding ahi ta’ngâl un.

JEREMIAH 6:26

Aw ka mi gentheite haw, saidip puan sil unla, leivui lak in kitel puang un; cha neisun sûn gual in, Kâ La ngai tak tak in sau in; siatna chu I chung un hung tung thut, ziang ding ahi ngâl a.

HOSEA 2:3

achutiloleh, ngawnchang in koi ing ka tin, a pian ni gual ah ngawnchang in umsak ing ka tin; gamthip gam gual in siam ing ka tin, gam keu gual in umsak ing ka tin, dangchâk ah thi’sak ding ka hi.

JOEL 1:8

Nungak in saidip puan sil ah, a khangdawng lai pawsal a sûn gual in kap un.

AMOS 4:12

Ziaziakchun, aw Israel, la chung ah zia hi bawl ding ka hiziak in, aw Israel, la Pathian tuak dingin kisazo ta’n!

ZEPHANIAH 2:15

A haw kha taphot in huaisia sa’n, a khut uh thin khum in: “Zia hi maw khawpi kichawisâng leh bit kisa ma ma ah, Keima bep ka hi, keima tawhbang khawpi dang a um puai,” ti chu! Bang gual bep ah hawm ah nutsia ah um in, gamsate chênna hung hi mai a tam!

DAN LEKHABU 28:48

bangkim tasam kawm ah gilkial, dangchâk leh ngawnchang in Lalpa‘n nanghaw do ding ah la mêlmateu a hun sawlteu na chu sep piak in lau.

JAKOB 5:5

Lei chung ah buting leh nopsa tak in la khawsau in; gan la tha niu ah chun la lungthim uh la hilim ui.