ISAI 31:4 - PATHIAN LEKHABU THIANGTHO (BSI)

⁴ Lalpa‘n zia gual hin ka kiang in a gen ngal a: Sakeibaknei, sakeibaknei vanglai in, a samat chung ah a kitum lai tak in, belamchingte chu a naw dingin a hon ah hung in, bang gual husa nei maleu, a lau diak lo gual un, Zion tâng leh a mual chung ah, sepai honte Lalpa chu, hung kuan suk ding ahi.

ISAI 31:4 ပူးပေါင်းရင်းမြစ်များ

2 KHANGTHU 20:15

Ama chun, “Ngai un, aw Judai gam ah mite leh Jerusalem khua chêngte leh Lengpa Jehoshaphat: Lalpa‘n zia gual hin la kiang un thu a hun gen ta ahi: Zia mipi tam takte hi lau kiu inla, lungdong diak kiu in; kidona hi nanghaw â a hipua’n, Pathian â a hizaw ngâl a.

PAWTDAWNA THU 14:14

Lalpa’n nang uh â dingin gâl hun do piak intin, thipbek in um hiat hiat mai un,” a tia.

PAWTDAWNA THU 14:25

A sakol kângtalai kengteu chu a puaidaw piak ah; tichun, a naw hat thei ta puau a. Ziaphatchun, Aiguptate chun, “Israelte ah kipat hin tai mang mai hitiu, Lalpa amau lam in a pang ah, Aiguptate hi a do piak ahi,” a tiu a.

ISAI 10:16

Ziaziakchun, sepai honte Lalpa, Chungnung penpa chun a sepai hangsan takte lak in, thachauna natna hun tun intin, a lopina’n meikuang gual in hun kângna ding ahi.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 30:30

Ziaphat chuleh, Lalpa chun lungna tak in mi kângtum thei meikuang tawh, têk leh van-gi tawh gial kithua in hung intin; a aw lopi tak chu het in um in tin; mu dingin a khutbân hun vai suk ding ahi.

ISAI 30:32

Lalpa‘n a moltum ah a vok tawh kituak in, a mipite chun khuang leh dâk sâi in au. Pathian ma ma chun Assuriate chu hun do ding ahi ngal a.

ISAI 42:13

Sepai hangsan tak gual in Lalpa chu a kipan in, gâldo ah kuan gual in a kihântaw hi; a kiko in, ngai tak in a kiko hi, a hat dan a gâlte chung in a etsak tai.

JEREMIAH 50:44

Jordan lui gâl nângbuk lak ah kipat sakeibaknei hung pawtdok in gan tatna mun a hun zot gual in, amau chu thakhat in hun del mang ding ka hi; a chung ua vaihawm ding ah ka guat pen chu têldok ta’ng ka. Keima gual hi kua a hem um? Kua a hem ei cho ngam? Ka âng ah pang ngam ding belampu kua a hem um?

HOSEA 11:10

Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

AMOS 3:8

Sakeibaknei kitum lau lo kua a hem um ding? Lalpa Pathian in a gen ta’n, kua a hem îm thei ding?

ZEKARIAH 12:8

Ziaphat chuleh, Lalpa chun Jerusalem ah chêngte chu hûm intin, a lak ua a zawngkhâl pente chule David gual hi’n tiu in; chuleh, David Inkuante chu Pathian gual hi’n tiu in; a ma-âng ua Lalpa vansawlchâk um gual chu hi’n au.

ZEKARIAH 14:3

Ziaphat chuleh, Lalpa hung kipan intin, kido’na gâl sat gual in, zia nam tinte chu hun do ta’n a.

ZEKARIAH 2:5

Kei chu a kîmvêl ah mei kulbâng hi’ng ka tin, a lailung ah lopina chu hiding ka hi, Lalpa chun a tii,” ti hi vagen in, ei tia.

ZEKARIAH 9:15

Sepai honte Lalpa chun, amau humbit ta’n tin, amau in vaisuangse septe chu, tawden in val zo ngâl ding a hiu; a thisan uh belbu ah dim zu gual ah dawn in, mâichâm bul ah kileibua gual chu hi’n a.

ZEKARIAH 9:8

Ziaphat chuleh, ka In ah vêngtu gual in chêngden ta’ng ka tin; tichun, kuama’n a suk a to in pal ta pua’n au; a nuaisia dingin kuama hung ta pua’n au; tu’hin vang, keima mit ngei in ka mu ta’ngâl a.

THUPUAN 10:3

Sakeibaknei kitom gual in aw ngai tak in a kiko ah; a kiko zaw in van-gi sagite chun a awu a sua tau a.

THUPUAN 5:5

Ziaphatchun, upate lak ah pakhat chun, “Kap kin, Juda nam ah mi, sakeibaknei, David phunggui ah mi chun, lekhabu tepte’na chu tham ding leh phêt thei dingin zawna a chang tai,” a hun tia.